યોગ ડે / રાંચીમાં વરસાદની વચ્ચે PM મોદીએ કર્યા યોગ

વડાપ્રધાન નરેન્દ્ર મોદી સાથે ઝારખંડના રાજ્યપાલ દ્રોપદી મુર્મૂ, મુખ્યમંત્રી રઘુવર દાસ, કેન્દ્રીય આયુષ મંત્રી શ્રીપદ યેસો નાઇક અને રાજ્યના સ્વાસ્થ્ય મંત્રી રામચંદ્ર ચંદ્રવંશી પણ ઉપસ્થિત રહ્યાં. દેશ જ નહીં પરંતુ વિશ્વમાં પણ અનેક જગ્યાઓ પર વિશ્વ યોગ દિવસ પર લોકો યોગ કરી રહ્યાં છે. આ દરમિયાન રાંચીમાં અચાનક હવામાન બદલાતાં કેટલાંક વિસ્તારમાં વરસાદ શરૂ થયો હતો.

રાંચી ખાતે વડાપ્રધાન નરેન્દ્ર મોદીનું સંબોધન જેવુ પુર થયુ ત્યારબાદ તેઓ યોગ કરવા પહોંચ્યા હતા. પીએમ મોદી જેવા યોગ કરવા પહોંચ્યા કે વરસાદ શરૂ થયો હતો.  રાંચીમાં સંબોધન કરતાં પીએમ મોદીએ કહ્યું કે આજે દેશ-દુનિયાના અનેક ભાગમાં લાખો લોકો યોગ દિવસ મનાવી રહ્યાં છે. 

Jharkhand: Prime Minister Narendra Modi performs yoga at Prabhat Tara ground in Ranchi on #InternationalDayofYoga pic.twitter.com/gUAEYg8Gr6

— ANI (@ANI) June 21, 2019

પીએમ મોદીએ કહ્યું કે યોગ હંમેશા આપણી સંસ્કૃતિનો ભાગ રહ્યો છે અને તેના પ્રસાર માટે આગળ આવવું જોઇએ. દુનિયાભરમાં યોગના પ્રચાર માટે મીડિયાના સાથી, સોશિયલ મીડિયાના લોકોની મહત્વની ભૂમિકા રહી છે. ઝારખંડમાં યોગ દિવસ માટે આવવાનો સુખદ અનુભવ છે.

આજે વિશ્વભરમાં 5માં વિશ્વ યોગ દિવસની ઉજવણી કરવામાં આવે છે. જેમાં ભારત સહિત 170 દેશમાં યોગ દિવસની ઉજવણી કરાઇ છે.  આજે ભારતમાં જ અંદાજે 13 કરોડ લોકો અલગ-અલગ જગ્યાઓ પર આયોજીત કાર્યક્રમમાં સામેલ થઇ રહ્યાં છે.

Yoga for peace, harmony and progress! Watch #YogaDay2019 programme from Ranchi. https://t.co/nP8xHWMVYi

— Narendra Modi (@narendramodi) June 21, 2019

વિશ્વ યોગ દિવસ માટે ભારેત સૌ પ્રથમ પહેલ કરી હતી. યોગથી શરીર સ્વસ્થ અને નિરોગી રહે છે. એક સાથે સૌથી વધુ લોકોએ યોગ કર્યો તેનો રેકોર્ડ ભારતના નામે છે. કેન્દ્રીય ગૃહમંત્રી અમિત શાહે હરિયાણાના રોહતક ખાતે યોગ કર્યાં.