ટિપ્પણી / વિશ્વના 100 પ્રભાવશાળીની યાદીમાં નરેન્દ્ર મોદી, ટાઇમ મેગેઝિનમાં PM પર આકરી ટિપ્પણી

• વિશ્વના 100 પ્રભાવશાળી લોકોમાં પીએમ મોદી
• ટાઇમે પીએમ મોદી પર કરી તીખી ટિપ્પણી
• ''ભાજપ માટે અત્યંત ગંભીર મહામારી અસંતોષને દબાવાનો માર્ગ બની ગયો'

ટાઇમ મેગેઝિને પીએમ મોદીને  આ યાદીમાં સમાવવાની સાથે તેમના પર તીખી ટિપ્પણી કરી છે. જેમાં કહેવામાં આવ્યું છે કે ભારત 7 દશકથી વિશ્વનું સૌથી મોટું લોકતંત્ર રહ્યું છે'.  ભારતમાં હિન્દુ, મુસ્લિમ, બૌદ્ધ તમામ ધર્મના લોકો રહે છે. 

'વધુમાં તેમાં કહેવામાં આવ્યું છે કે પીએમ મોદી સશક્તિકરણના લોકપ્રિય વાયદાથી સત્તામાં આવ્યા હતા. ભાજપ માટે અત્યંત ગંભીર મહામારી અસંતોષને દબાવાનો માર્ગ બની ગયો છે. વિશ્વનું સૌથી જીવંત લોકતંત્ર પર અંધારુ છવાઇ ગયું છે. 

આ યાદીમાં અન્ય ભારતીય લોકોમાં ગૂગલના સીઈઓ સુંદર પિચાઈ, અભિનેતા આયુષ્માન ખુરાના, એચઆઈવી પર શોધ કરનાર રવિંદર ગુપ્તા અને શાહીનબાગને ઘેરવામાં સમાવિષ્ટ બિલ્કિસનો પણ સમાવેશ થયો છે.  પીએમ મોદી ઉપરાંત આ લિસ્ટમાં શી જિનપિંગ, તાઈવાનના રાષ્ટ્રપતિ ત્સાઈ ઈંગ વેન, ડોનાલ્ડ ટ્રમ્પ, કમલા હેરિસ, જો બાઈડન, જર્મન ચાન્સલર એન્જેલા મર્કેલ સહિત દુનિયાભરના અનેક નેતાઓનો સમાવેશ કરાયો છે.