PM મોદીએ આજે એક યોજનાના લાભાર્થીઓ સાથે સંવાદ કર્યો અને યોજના વિશે વાત કરી જેમાં મોમોસ વેચતા અરવિંદ સાથે તેમના સંવાદનો વીડિયો વાયરલ થઇ રહ્યો છે.
પીએમ મોદીએ યોજનાના લાભાર્થીઓ સાથે કર્યો સંવાદ
PM મોદીએ એક લાભાર્થીને પૂછ્યું, આ મોમોસ કઈ રીતે બનાવો છો ?
લાભાર્થીએ કહ્યું હું શબરીને તમને ખવડાવીશ
વડાપ્રધાન નરેન્દ્ર મોદીએ મંગળવારે સ્વનિધિ યોજનાના લાભાર્થીઓ સાથે વાત કરી. ઉત્તર પ્રદેશના લાભાર્થીઓ સાથે વાત કરતા પીએમ મોદીએ વિવિધ શહેરોનાં લોકો સાથે વાત કરી અને આ દરમિયાન વારાણસીનાં અરવિંદથી વાત કરતા પીએમ મોદીએ મોમોસના વખાણ કર્યા અને મજાક પણ કરી.
बनारस के रेहड़ी वाले ने पीएम श्री @narendramodi से कहा- मैं शबरी बनकर चखूंगा फिर खिलाऊंगा आपको मोमोज।
પીએમ મોદીએ અરવિંદથી પૂછ્યું કે મોમોસ કઈ રીતે બને છે ? પીએમ મોદીએ પૂછ્યું કે તમને મદદ કઈ રીતે મળી ? જેના પર અરવિંદે કહ્યું કે માત્ર આધાર કાર્ડથી જ લોન મળી ગઈ અને તે બાદ કામ પણ ચાલુ થઇ ગયું. પીએમ મોદીએ અરવિંદને હળવા અંદાજમાં એમ પણ કહ્યું કે હું જ્યારે વારાણસી આવું છું ત્યારે મને તો કોઈ મોમોસ નથી ખવડાવતા અને સિક્યુરિટીવાળા જ્યાં સુધી બધું ચેક ન કરી શકે ત્યાં સુધી ખાવા દેતા નથી. જે બાદ અરવિંદે એમ પણ કહ્યું કે હું તો શબરીની જેમ તમને ખવડાઈ દઈશ.
નોંધનીય છે કે જૂન મહિનામાં આ યોજના શરૂ કરવામાં આવી હતી જેના મારફતે રસ્તા પર લારીવાળાઓને ઉધાર આપવામાં આવે છે. આંકડાઓ અનુસાર આ યોજના માટે ચોવીસ લાખ અરજીઓ આવેલ છે જેમાંથી બાર લાખ અરજીને મંજૂર કરવામાં આવી છે. ઉત્તર પ્રદેશમાંથી જ 6 લાખ જેટલી અરજીઓ આવી જેમાંથી 3.27 લાખ અરજીને મંજૂરી આપી દેવામાં આવી છે.