IPLIN
 
  • Home
  • India
  • pm narendra modi interacts with schools students pune metro train

VIDEO / PM મોદીએ પુણેમાં મેટ્રો પ્રોજેક્ટનું કર્યું ઉદ્ધાટન, ટ્રેનમાં બેઠેલા બાળકો સાથે કરી મુલાકાત

Team VTV 01:51 PM, 06 Mar 22
Follow us
pm narendra modi interacts with schools students pune metro train

પ્રધાનમંત્રી મોદીએ આજે મહારાષ્ટ્રના પુણેમાં મેટ્રો રેલ પ્રોજેક્ટનું ઉદ્ધાટન કર્યું હતું. ઉદ્ધાટન કર્યા બાદ પીએમ મોદી મેટ્રો રેલમાં સવાર થયા હતા.

  • પ્રધાનમંત્રી મોદીનો આજનો કાર્યક્રમ
  • પુણેમાં મેટ્રો પ્રોજેક્ટના ઉદ્ધાટનમાં પહોંચ્યા
  • બાળકો સાથે મેટ્રોમાં કરી મુસાફરી

પ્રધાનમંત્રી મોદીએ આજે મહારાષ્ટ્રના પુણેમાં મેટ્રો રેલ પ્રોજેક્ટનું ઉદ્ધાટન કર્યું હતું. ઉદ્ધાટન કર્યા બાદ પીએમ મોદી મેટ્રો રેલમાં સવાર થયા હતા. આ દરમિયાન તેમણે મેટ્રોમાં બેઠેલા બાળકો સાથે વાતચીત કરી હતી. પીએમ મોદીએ પુણેમાં મેટ્રોમાં સવાર થઈને ગરવારે કોલેજ મેટ્રો સ્ટેશનથી આનંદ નગર મેટ્રો સ્ટેશન સુધીની મુસાફરી કરી હતી.

વિદ્યાર્થીઓ સાથેની વાતચીતનો વીડિયો વાયરલ

પીએમ મોદીએ કુલ 32.2 કિમીના પુણે મેટ્રો રેલ પ્રોજેક્ટના 12 કિમી ખંડનું ઉદ્ધાટન કર્યું છે. આ દરમિયાન પીએમ મોદીએ ગરવારે કોલેજ મેટ્રોલ સ્ટેશનથી આનંદ નગર મેટ્રોલ સ્ટેશનની મુસાફરી દરમિયાન મેટ્રોમાં બેઠેલા બાળકો સાથે વાતચીત કરી હતી, જેનો વીડિયો ખૂબ વાયરલ થઈ રહ્યો છે. 

 

પ્રોજેક્ટ પર 11,400 કરોડ રૂપિયાનો ખર્ચ

આપને જણાવી દઈએ કે, મેટ્રો પ્રોજેક્ટ પુણેના શહેરી અવરજવર માટે વિશ્વ સ્તરિય માળખાગત સુવિધા આપવા માટેનો એક પ્રયાસ છે. પીએમ મોદી તરફથી આ પ્રોજેક્ટની આધારશિલા પણ 24 ડિસેમ્બર 2016ના રોજ રાખવામાં આવી હતી. સમગ્ર પ્રોજેક્ટ પાછળ 11,400 કરોડ રૂપિયાથી વધારેનો ખર્ચ આવ્યો છે. 

પીએમ મોદીનું શિડ્યૂલ

અહીં ઉલ્લેખનીય છે કે, મોદી 100 ઈ બસો અને બનેરમાં બનેલા ઈ બસ ડેપોનો પણ શુભારંભ કરશે. પ્રધાનમંત્રી પુણેના બાલેવાડીમાં બનેલા આરકે લક્ષ્ણ આર્ટ ગેલેરી સંગ્રહાલયનું ઉદ્ધાટન કરશે. સંગ્રહાલયનું મુખ્ય આકર્ષણ માલગુડી પર આધારિત એક લઘુ મોડલ છે. જેને શ્રવ્ય-દ્રશ્ય પ્રભાવોના માધ્યમથી જીવંત બનાવામાં આવ્યું છે. કાર્ટૂનિસ્ટ આરકે લક્ષ્મણ દ્વારા બનાવામાં આવેલા કાર્ટૂનો સંગ્રહાલયમાં પ્રદર્શિત કરવામાં આવશે. પીએમ મોદી બપોરે લગભગ 1.45 વાગ્યે સિમ્બાયોસિસ યુનિવર્સિટીની સ્વર્ણ જંયતિ સમારંભની શરૂઆત કરશે.

PM modi Metro project pune Maharashtra પીએમ મોદી મેટ્રો પ્રોજેક્ટ
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ