IPLIN
 
  • Home
  • India
  • pm narendra modi inaugurates tukaram maharaj temple in pune

મહારાષ્ટ્ર / પુણેમાં પીએમ મોદીએ સંત તુકારામ મંદિરનું કર્યું ઉદ્ધાટન, સંત પરંપરાને લઈને કહી આ મોટી વાત

Team VTV 03:43 PM, 14 Jun 22 | Updated: 03:44 PM, 14 Jun 22
Follow us
pm narendra modi inaugurates tukaram maharaj temple in pune

પ્રધાનમંત્રી મોદીએ મંગળવારે પુણેના દેહુમાં તુકારામ મહારાજ મંદિરનું ઉદ્ધાટન કર્યું હતું.આ દરમિયાન તેમણે ભારતની સંત પરંપરાના પણ વખાણ કર્યા હતા.

  • પીએમ મોદી આજે પુણેની મુલાકાતે
  • દેહુમાં આવેલા સંત તુકારામ મંદિરનું ઉદ્ધાટન કર્યું
  • સંત પરંપરાના વખાણ કર્યા

પ્રધાનમંત્રી મોદીએ મંગળવારે પુણેના દેહુમાં તુકારામ મહારાજ મંદિરનું ઉદ્ધાટન કર્યું હતું. આ દરમિયાન તેમણે કહ્યું કે, આપણા શાસ્ત્રોમાં કહેવાયુ છે કે, મનુષ્ય જન્મોમાં સૌથી દુર્લભ સંતોનો સત્સંગ છે. સંતોની કૃપા અનુભૂતિ થઈ ગઈ તો, ઈશ્વરની અનુભૂતિ આપોઆપ થઈ જાય છે. આજે દેહૂની આ પવિત્ર તીર્થ ભૂમિ પર આવીને મને આવો જ અનુભવ થઈ રહ્યો છે.

પીએમ મોદીએ કહ્યું કે, દેહૂનું શિલા મંદિર ફક્ત ભક્તિની શક્તિનું કેન્દ્ર જ નથી, પણ ભારતના સાંસ્કૃતિક ભવિષ્યને પ્રશસ્ત કરે છે. આ પવિત્ર સ્થાન પર પુનર્નિમાણ કરવા માટે હું મંદિર ન્યાસ અને તમામ ભક્તોનો આભાર પ્રગટ કરું છું.

સંતોની ધરતી છે ભારત

પ્રધાનમંત્રી મોદીએ કહ્યું કે, મને ગર્વ છે કે, આપણે દુનિયાની પ્રાચીન જીવિત સભ્યતાઓમાંથી એક છીએ. તેનો શ્રેય ભારતની સંત પરંપરાને જાય છે. તેમણે કહ્યું કે, ભારત શાશ્વત છે. કારણ કે ભારત સંતોની ધરતી છે. દરેક યુગમાં આપણા ત્યા, દેશ અને સમાજને દિશા આપવા માટે કોઈને કોઈ મહાન આત્મા અવરિત થતાં રહે છે. 

પીએમ મોદીએ આગળ કહ્યું કે, આજે દેશ સંત કબીરદાસની જયંતિ મનાવી રહ્યું છે. સંત તુકારામજીની દયા, કરુણા અને સેવાનો બોધ તેમના ઉભંગો તરીકે આજે અમારી પાસે છે. આ અભંગોએ આપણી પેઢીઓને પ્રેરણા આપી છે, જે ભંગ થતાં નથી, જે સમયની સાથે શાશ્વત  અને પ્રાસંગિક રહે છે, તે જ અભંગ છે. 

IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ