પીએમ મોદીએ વીડિયો કોન્ફ્રેંસિંગ દ્વારા સંબોધન કર્યું
અમદાવાદમાં આયોજીત સંમેલનમાં સંબોધન કરતા આ વાત જણાવી
આજના જમાનામાં વિજ્ઞાન અને ટેકનોલોજીના મહત્વની પણ વાત કહી
પ્રધાનમંત્રી નરેન્દ્ર મોદીએ આજે વીડિયો કોન્ફ્રેંસિંગના માધ્યમથી અમદાવાદમાં આયોજીત સેન્ટર સ્ટેટ સાયન્સ કોન્ક્લેવનું ઉદ્ધાટન કર્યું. આ કોન્ક્લેવ બે દિવસીય છે. આ કાર્યક્રમ વર્ચુઅલી ઉદ્ધાટન કરીને પીએમ મોદીએ કહ્યું કે, આજે ભારતમાં નવા નવા ઈનોવેશન થઈ રહ્યા છે અને ભારતના વિકાસમાં સાયન્સ ઊર્જાની માફક છે. તેમણે કહ્યું કે, સેન્ટર સ્ટેટ સાયન્સ કોન્ક્લેવ એટલે કે કેન્દ્ર રાજ્ય વિજ્ઞાન સંમેલન આપણા સૌના પ્રયાસના મંત્રનું એક ઉદાહરણ છે. આજે જ્યારે ભારત ચૌથી ઔદ્યોગિક ક્રાંતિનું નેતૃત્વ કરવા તરફ આગળ વધી રહ્યું છે. ભારતના વિજ્ઞાન અને આ ક્ષેત્ર સાથે જોડાયેલ લોકોની ભૂમિકા બહુ મહત્વપૂર્ણ છે.
પીએમ મોદીએ કહ્યું કે, 21 મી સદીના ભારતના વિકાસમાં વિજ્ઞાન એ ઊર્જા માફક છે, જેમાં દરેક ક્ષેત્રના વિકાસને, દરેક રાજ્યના વિકાસની ગતિ આપવા સામર્થ્ય્ છે. તેમણે આગળ કહ્યું કે, Solution (સમાધાન) Evolution (વિકાસ) અને Innovation (નવીનતા) નો આધાર જ વિજ્ઞાન છે. આ જ પ્રેરણાથી આજે નવુ ભારત, જય જવાન, જય કિસાન અને જય વિજ્ઞાનની સાથે જ જય અનુસંધાનનું આહ્વાન કરતા આગળ વધી રહ્યું છે.
તેમણે કહ્યુ કે, પશ્ચિમમાં આંસટીન, ફર્મીસ મેક્સ પ્લાંક, નીલ્સ બોર, ટેસ્લા જેવા સાયન્ટિસ્ટ પોતાના પ્રયોગોથી દુનિયાને ચોંકાવી રહ્યા હતા. તે સમયે સીવી રમણ, જગદીશ ચંદ્ર બોસ, સત્યેન્દ્ર નાથ બોસ, મેઘનાદ સાહા, એસ ચંદ્રશેખર સહિત કેટલાય વૈજ્ઞાનિકો પોતાની નવી નવી શોધ સામે લાવી રહ્યા હતા. જો આપણે પાછલા દાયકાની શરુઆતને યાદ કરીએ તો, જાણવા મળે છે કે, દુનિયામાં કેવા પ્રકારની ત્રાસદી અને તબાહીનો સમય ચાલી રહ્યો હતો. પણ આ સમયમાં પણ ઈસ્ટ હોય કે વેસ્ટ, દરેક જગ્યાએ સાયન્ટિસે પોતાની મહાન શોધમાં વળગી રહ્યા હતા.
પીએમ મોદીએ કહ્યું કે, જ્યારે આપણે આપણા વૈજ્ઞાનિકોની સિદ્ધીઓને સેલિબ્રેટ કરીએ છીએ તો, સાયન્સ આપણા સમાજનો ભાગ બની જાય છે. તે પાર્ટ ઓફ કલ્ચર્સ બની જાય છે. એટલા માટે સૌથી પહેલા મારો આગ્રહ છે કે, આપણે આપણા દેશના વૈજ્ઞાનિકોની સિદ્ધિને ખૂબ ઉજવણી કરીએ, તેમણે આગળ કહ્યું કે, અમારી સરકાર સાયન્સ બેસ્ડ ડેવલપમેન્ટની વિચાર સાથે કામ કરી રહી છે. 2014 બાદથી સાયન્સ અને ટેકનોલોજીના ક્ષેત્રમાં ઈન્વેસ્ટમેંટમાં ખૂબ વધારો થયો છે. સરકારના પ્રયાસોથી આજે ભારત ગ્લોબલ ઈનોવેશન ઈંડેક્સમાં 46માં સ્થાન પર છે. જ્યારે 2015માં ભારત 81માં નંબર પર હતું.