BIG NEWS / PM મોદીએ ઝારખંડને આપી મોટી ગિફ્ટ: દેવઘરને મળ્યું એરપોર્ટ, 16,800 કરોડના વિકાસ પ્રોજેક્ટનું થયું લોકાર્પણ

• પીએમ મોદી આજે ઝારખંડના પ્રવાસે
• ઝારખંડને આપી કરોડોની ભેટ
• દેવઘરને મળ્યું અત્યાધુનિક એરપોર્ટ

પ્રધાનમંત્રી મોદીએ આજે ઝારખંડના દેવઘરમાં એરપોર્ટ અન્ય વિકાસ પ્રોજેક્ટનું ઉદ્ધાટન કર્યું હતું. આ અવસરે રાજ્યના મુખ્યમંત્રી હેમંત સોરેન અને રાજ્યપાલ રમેશ બૈસ પણ હાજર રહ્યા હતા. પીએમે અહીં 16,800 કરોડના ખર્ચે તૈયાર થયેલા વિકાસ પ્રોજેક્ટનું લોકાર્પણ કર્યું હતું. પીએમ મોદીએ કહ્યું કે, બાબા વૈદ્યનાથના આશીર્વાદથી આજે 16 હજાર કરોડ રૂપિયાથી વધારેના પ્રોજેક્ટનું લોકાર્પણ અને શિલાન્યાસ થયો છે. તેનાથી ઝારખંડની આધુનિક કનેક્ટિવિટી, ઊર્જા, સ્વાસ્થ્, આસ્થા અને પર્યટનને અધિક બળ મળશે. 

PM Shri @narendramodi inaugurates Deoghar Airport and other development projects in Deoghar, Jharkhand. #JoharModiJi https://t.co/GCoY81u0MC

— BJP (@BJP4India) July 12, 2022

પીએમ મોદીએ કહ્યું કે, રાજ્યના વિકાસને રાષ્ટ્રનો વિકાસ, દેશ છેલ્લા 8 વર્ષોથી આ વિચાર સાથે કામ કરી રહ્યો છે. છેલ્લા 8 વર્ષોમાં હાઈવે, રેલ્વે, એરવે, વોટરવે, દરેક પ્રકારથી ઝારખંડને કનેક્ટ કરવાની કોશિશમાં પણ આ વિચાર, ભાવના સર્વોપરિ રહી છે. પીએમ મોદીએ આગળ કહ્યું કે, આજે સરકારના પ્રયત્નોનો લાભ સમગ્ર દેશમાં દેખાઈ રહ્યો છે. ઉડાન યોજના છેલ્લા 5-6 વર્ષમાં લગભગ 70 જગ્યા પર એરપોર્ટ્સ, હેલીપોર્ટ્સ અને વોટર એરોડોમ્સના માધ્યમથી જોડવામાં આવ્યું છે. 400થી વધારે નવા રૂટ્સ પર આજે સામાન્યમાં સામાન્ય નાગરિક હવાઈ મુસાફરી કરી રહ્યો છે.  

પીએમ મોદીએ કહ્યુ કે, કનેક્ટિવિટીની સાથે સાથે દેશની આસ્થા અને આધ્યત્મ સાથે જોડાયેલ મહત્વના સ્થળો પર સુવિધાઓનું નિર્માણ પર પણ કેન્દ્ર સરકાર ભાર આપી રહી છે. બાબા વૈદ્યનાથ ધામમાં પણ પ્રસાદ યોજના અંતર્ગત આધુનિક સુવિધાનો વિસ્તાર કરવામાં આવ્યો છે. 

આ પ્રોજેક્ટનું ઉદ્ધાટન

• દેવધર એરપોર્ટનું ઉદ્ધાટન- 401.03 કરોડ
• દેવધરના બાબા વૈદ્યનાથ ધામનો વિકાસ- 39 કરોડ
• ગોરહરથી ખૈરાટુંડા 6 લેનનું ઉદ્ધાટન- 1790.3 કરોડ 
• ખૈરાટુંડાથી બરવાઅડ્ડા 6 લેન ઉદ્ધાટન- 1332.8 કરોડ
• રાંચિ-મહુલિયા 4 લેનનું કામ- 519 કરોડ
• ચૌકા-સાહેરબેરા 4 લેનનું કામ- 284.7 કરોડ 
• બોકારો-અંગુલ-જગદીશપુર-હલ્દિયા પાઈપલાઈન-2500 કરોડ
• બરહીમાં નવો એલપીજી પ્લાન્ટ-161.5 કરોડ
• ગોવિંદપુર-ચાસ-વેસ્ટ બંગાળ બોર્ડર 4 લેન-1144 કરોડ
• બોકારો એલપીજી પ્લાન્ટ-93.4 કરોડ
• ગઢવા-મહુરિયા રેલ્વે ડબલિંગ પ્રોજેક્ટ-866 કરોડ
• હંસડીહા-ગોડ્ડા રેલ્વે ઈલેક્ટ્રિફિકેશન- 35 કરોડ
• એઈમ્સ, દેવઘર- 1103 કરોડ