પ્રવાસ / PM મોદી અમેરિકાના હ્યૂસ્ટન પહોંચ્યા, આજે હાઉડી મોદી કાર્યક્રમમાં રહેશે હાજર

• હાઉડી મોદીઃ હાઉડી એટલે હાઉ ડુ યુ ડૂ
• અમેરિકી રાષ્ટ્રપતિ ડોનાલ્ડ ટ્રંપ પણ હાજર રહેશે
• પીએમ મોદી હ્યૂસ્ટનમાં મેગા રેલી

PM મોદી રાત્રે અમેરિકાના હ્યુસ્ટન પહોંચ્યા હતા. જોર્જ બ્રુસ એરપોર્ટ પર PM મોદીનું સ્વાગત કરાયું. તેઓ 7 દિવસ અમેરિકાના પ્રવાસે છે. ત્યારે PM મોદી આજે અમેરિકામાં NRG સ્ટેડિયમમાં યોજાનારા કાર્યક્રમ હાઉડી મોદીમાં ઉપસ્થિત રહેશે. આ કાર્યક્રમમાં અમેરિકી રાષ્ટ્રપતિ ડોનાલ્ડ ટ્રંપ પણ હાજર રહેશે. અમેરિકાના ટેકસાસમાં યોજાનારા આ કાર્યક્રમમાં અંદાજે 50 હજાર લોકો ભાગ લેશે. PM મોદી NRG સ્ટેડિયમમાં અમેરિકામાં વસતા ભારતીયોને સંબોધન કરશે. હ્યૂસ્ટનમાં પીએમ મોદીની મેગા રેલી પણ છે.

આ સમારંભમાં અત્યાર સુધીમાં 50 હજાર ટિકિટ વેચાઇ ચૂકી છે. આ સિવાય કેટલાક લોકો વેટિંગ લિસ્ટમાં છે. હાઉડી મોદી કાર્યક્રમ અંદાજિત ત્રણ કલાક સુધી ચાલશે. આ સમારોહમાં પીએમ મોદી ભારતીયોને સંબોધિત કરશે. ટેક્સાસ રાજ્યના સૌથી મોટા શહેર હ્યૂસ્ટનના એનઆરજી સ્ટેડિયમમાં ગેર લાભકારી સંગઠન ટેક્સાસ ઇન્ડિયા ફોરમ દ્વારા આ સમારોહનું આયોજન કરવામાં આવી રહ્યું છે.

Howdy Houston!

It’s a bright afternoon here in Houston.

Looking forward to a wide range of programmes in this dynamic and energetic city today and tomorrow. pic.twitter.com/JxzWtuaK5x

— Narendra Modi (@narendramodi) September 21, 2019

હાઉડી એટલે હાઉ ડુ યુ ડૂ

પીએમ મોદી હ્યૂસ્ટનમાં મેગા રેલીની સાથે હાઉડી મોદી કાર્યક્રમમાં હાજર રહેશે. ત્યારે હાઉડીનો અર્થ પણ જાણવો જરૂરી છે. હાઉડી શબ્દ ઉપયોગ તમે કેમ છો તેમ પૂછવા માટે થાય છે. હાઉડી શબ્દ અંગ્રેજી ઉદગાર હાઉ ડુ યુ ડૂનું ટુકું રૂપ છે. આ શબ્દનો ઉપયોગ દક્ષિણ અમેરિકામાં અભિવાદન માટે પ્રયોગમાં કરાય છે. આ કાર્યક્રમ માટે અમેરિકાના સૌથી મોટા ફૂટબોલ ગ્રાઉન્ડને પણ બુક કરવામાં આવ્યો છે. જેમાં 50 હજાર અમેરિકન ભારતીયો ભાગ લેશે. દેશના ઉજ્જવળ ભવિષ્ય માટે પોતાના સપનાઓ શેર કરવાનો પણ એક હેતું છે. કાર્યક્રમનો વિષય શેયર ડ્રીમ્સ, ફોર બ્રાઈટ ફ્યૂચર રાખવામાં આવ્યો છે. આ સમારોહ માટે અત્યાર સુધીમાં 50 હાજરથી વધુ ટિકિટ વેચાઇ ચૂકી છે. જોકે ફ્રી પાસનું વેટિંગ લિસ્ટ માટે રજિસ્ટ્રેશન ચાલી રહ્યું છે. એનઆરજી સ્ટેડિયમ અને સમગ્ર હ્યૂસ્ટનમાં ભવ્ય બિલબોર્ડ્સ લગાવવામાં આવ્યું છે, જેમાં પીએમ મોદી સ્વાગત વાળા સંદેશાઓ લખેલા છે.

PM મોદીનો US પ્રવાસ

21 સપ્ટેમ્બરઃ પ્રધાનમંત્રી મોદી ભારતીય અમેરિકાના હ્યૂસ્ટન પહોંચ્યા.

22 સપ્ટેમ્બરઃ પીએમ ભારતીય સમયાનુસાર સવારે 4:30 વાગ્યે (સ્થાનિક સમય-6:00 PM) હોટલ પોસ્ટ ઓકમાં તેલ કંપનીઓના CEOને મળશે. રાત્રે 9 વાગ્યાથી મોદી અને ટ્રમ્પનું સંબોધન, રાત્રે 11 વાગ્યા સુધી હાઉડી મોદી શૉ ચાલશે.

- ભારતીય સમય અનુસાર સવારે 6:00 કલાકે (સ્થાનિક સમય-7:35 PM) પીઆઇઓ અને એનઆરઆઇની સાથે મુલાકાત કરશે.

23 સપ્ટેમ્બરઃ મોદી ક્લાઇમેટ સમિટને સંબોધિત કરશે.

- આતંકવાદ મામલે નેતા દુનિયાભરના કેટલાક નેતાઓને મળશે.

- અમેરિકી કોંગ્રેસના પ્રતિનિધિઓ સાથે મુલાકાત કરશે.

24 સપ્ટેમ્બરઃ UNSG તરફથી ભોજનમાં ભાગ લશે.

- મહાત્મા ગાંધીની 150મી વર્ષગાંઠ પર કાર્યક્રમમાં ભાગ લેશે. કાર્યક્રમમાં 3 વસ્તુઓની શરૂઆત કરશે.

- ગેટ્સ ફાઉન્ડેશન તરફથી ગ્લોબલ ગોલકીપર એવોર્ડથી સન્માનિત કરવામાં આવશે.

- બ્લૂમબર્ગના સીઇઓ સાથે મુલાકાત.

25 સપ્ટેમ્બરઃ CARICOMની બેઠકમાં ભાગ લેશે. ડોનાલ્ડ ટ્રમ્પ સહિત 20 નેતાઓ સાથે મુલાકાતની શક્યતા.

27 સપ્ટેમ્બરઃ યૂએનજીએ સેશનને સંબોધિત કરશે.