દિલ્હી / PM મોદીના 500 રુપિયાના ફોટો સ્ટેન્ડ માટે લાગેલી બોલીનો આંકડો જાણી થશે આશ્ચર્ય

• દેશ વિદેશથી મળેલી વસ્તુઓની હરાજી 
• લોકોએ લગાવી કરોડોની બોલી 
• ખેસ માટે લાગી 11 કરોડની બોલી 

કુલ 2772 વસ્તુઓ હરરાજીમાં મુકવામાં આવી

પીએમ મોદીને મળેલા ઉપહારોની સ્મૃતિને રાષ્ટ્રીય આધુનિક કળા સંગ્રહાલયમાં જોઈ શકાય છે. ગયા વર્ષે પણ આ જ રીતે પીએમ મોદીને મળેલા ઉપહારની હરાજી કરવામાં આવી હતી પરંતુ આ વખતે આ પ્રક્રિયાને ઓનલાઈન કરવામાં આવી છે. કુલ 2772 વસ્તુઓ હરાજીમાં મુકવામાં આવી છે. આ હરાજી 14 સપ્ટેમ્બર થી 3 ઓક્ટોબર સુધી ચાલશે. 

ફોટોસ્ટેન્ડ માટે 1 કરોડની બોલી

કોઈપણ વ્યક્તિ આ વસ્તુઓ માટે ઓનલાઈનબોલી લગાવીને વસ્તુઓ મેળવી શકે છે ત્યારે ઓનલાઈન બોલીમાં વડાપ્રધાન નરેન્દ્ર મોદીના ફોટોસ્ટેન્ડ માટે 1 કરોડ રૂપિયાની બોલી લગાવવામાં આવી છે 

500 રૂપિયાના ફોટો સ્ટેન્ડ માટે 1 કરોડની બોલી

માત્ર બે દિવસમાં જ લોકોમાં આ વસ્તુઓ ખરીદવા માટે હરીફાઈ લાગી ગઈ છે અને એકબીજાથી વધારે રકમની બોલી લગાવી રહ્યા છે ત્યારે માત્ર 500 રૂ.ની કિમતનો પીએમ મોદીના ફોટોસ્ટેન્ડ માટે 1 કરોડની બોલી લગાવવામાં આવતા સૌ આશ્ચર્યમાં મુક્યા છે આ સિવાય મુખ્યમંત્રી રૂપાણીએ ભેટ આપેલા ચાંદીના કળશ માટે પણ 1 કરોડની બોલી લાગી છે.

500 ના ખેસની 11 કરોડ બોલી લગાવાઇ

પીએમ મોદીના ખેસની શરૂઆતની કિંમત માત્ર 500 રાખવામાં આવી હતી પરંતુ ઓનલાઈન હરાજીમાં તેના માટે 11 કરોડની બોલી લગાવવામાં આવી. અસામન્ય બોલી લાગવાથી હાલ તેને હરાજીની પ્રક્રિયામાંથી હટાવી લેવાયા છે અને જે લોકોએ તેની બોલી લાગી છે તેની તપાસ કરવામાં આવી રહી છે જરુર પડશે તો તેને ફરીથી હરાજી માટે મુકવામાં આવશે.