કોરોના / ત્રીજી લહેરમાં અગાઉ જેવી હાલત ન થાય તે માટે PM મોદીએ અધિકારીઓને આપ્યા આ આદેશ

• 1500 ઑક્સીજન પ્લાન્ટ લગાડવાના આદેશ
• ઑક્સીજન પ્લાન્ટ માટેનું સંચાલન કરતાં અધિકારીઓ નિમવાનો આદેશ
• રાજ્ય સરકાર અને કેન્દ્નના અધિકારીઓ સંપર્કમાં રહે તેવું માળખું તૈયાર કરો 

1500 ઑક્સીજન પ્લાન્ટ લગાડવાના આદેશ
કોરોનાની ત્રીજી લહેરની આશંકાઓ વચ્ચે કેન્દ્ર સરકારે હવે દેશને સુરક્ષિત રાખવા માટેની તૈયારીઓ  શરૂ કરી દીધી છે. દેશમાં મેડિકલ ઑક્સીજનની ઉપલબ્ધતાને લઈ PM મોદીએ શુક્રવારે એક હાઇલેવલ મિટિંગ બોલાવી હતી અને 1500 ઑક્સીજન પ્લાન્ટ લગાડવાના આદેશ આપી દીધા છે. આ પ્લાન્ટ્સને દેશના અલગ અલગ ભાગોમાં લગાડવામાં આવશે. PM મોદીએ આ મિટિંગમાં અધિકારીઓને કહ્યું કે તેઓ નક્કી કરે કે આ કામ ખૂબ જ ઝડપથી શરૂ થાય. સાથે જ હોસ્પિટલના સ્ટાફને પણ ઑક્સીજન પ્લાન્ટ માટેનું સંચાલન કઈ રીતે કરવું તે માટેની ટ્રેનિંગ પર પણ ભાર મૂકવો જોઈએ. 

ઑક્સીજન પ્લાન્ટ માટેનું સંચાલન કરતાં અધિકારીઓ નિમવાનો આદેશ
આ ઑકિસજન પ્લાન્ટનું ફંડિંગ PM care fundમાંથી કરવામાં આવશે. જેમાં દેશના 4 લાખ ઑક્સીજન બેડ તૈયાર કરવામાં મદદ મળશે. PM મોદીએ કહ્યું કે દરેક જિલ્લામાં એવા લોકો હોવા જોઈએ જે ઑકિસજન પ્લાન્ટનું સંચાલન અને તેની દેખરેખ માટેની ટ્રેનિંગ લઈ સજ્જ હોય. ભારતમાં માર્ચથી મે મહિના સુધીમાં કોરોનાની બીજી લહેરમાં દેશમાં કરોડો કેસ વધી ગયા. પહેલી લહેર કરતાં બીજી લહેરમાં ઑક્સીજનની અછત આખા દેશમાં સામે આવી. દિલ્હી, મુંબઈ, બેંગલોર સહિત દેશના ઘણા બધા રાજ્યોમાં મેડિકલ ઑક્સીજન, વેન્ટિલેટર બેડસ બધાની અછત વર્તાઇ હતી. 

રાજ્ય સરકાર અને કેન્દ્નના અધિકારીઓ સંપર્કમાં રહે તેવું માળખું તૈયાર કરો 
બીજી લહેરમાં સરકારની છબી દેશ વિદેશમાં પણ ખરાબ થઈ હતી, સમગ્ર જનતા અને વિપક્ષમાં સરકારની આલોચના કરવામાં આવી હતી. આ કારણોને લઈ અને દેશમાં કોરોનાની ત્રીજી લહેરની આશંકાઓ વચ્ચે PM મોદીએ આ હાઇલેવલ મિટિંગ બોલાવી હતી. તેમણે કહ્યું કે કેન્દ્રના અધિકારીઓએ રાજ્ય સરકાર સાથે સંપર્કમાં રહી કામ કરવું પડશે. અધિકારીઓને કહ્યું કે તેઓ નક્કી કરે કે આ કામ ખૂબ જ ઝડપથી શરૂ થાય. સાથે જ હોસ્પિટલના સ્ટાફને પણ ઑક્સીજન પ્લાન્ટ માટેનું સંચાલન કઈ રીતે કરવું તે માટેની ટ્રેનિંગ પર પણ ભાર મૂકવો જોઈએ. જેથી મોનીટરીંગ થઈ શકે.