પ્રધાનમંત્રી નરેન્દ્ર મોદી સોશ્યલ મીડિયા પર ખૂબ જ એક્ટિવ રહે છે. સતત સોશ્યલ મીડિયા પર ફોટોઝ શૅર કરવાની સાથે સાથે 'મન કી બાત' પણ કરે છે. એવામાં તાજેતરમાં જ સોશ્યલ મીડિયા પ્લેટફોર્મ ઇન્સ્ટાગ્રામ પર પીએમ મોદીને 30 મિલિયન (3 કરોડ) ફૉલોઅર્સ ફૉલો કરે છે. ઇન્સ્ટાગ્રામ પર આટલી મોટી સંખ્યામાં ફૉલોઅર્સ હોવું મોટી વાત છે,પરંતુ પીએમ મોદી હજુ પણ પ્રિયંકા ચોપરા અને દીપિકા પાદુકોણ કરતા પાછળ છે....
સોશ્યલ મીડિયા પર કિંગ બન્યા દેશના પ્રધાનમંત્રી નરેન્દ્ર મોદી
ઇન્સ્ટાગ્રામ પર છે 30 મિલિયન ફૉલોઅર્સ
દીપિકા-પ્રિયંકા આ મામલામાં પીએમ મોદી કરતા આગળ
પીએમ નરેન્દ્ર મોદી:
પીએમ નરેન્દ્ર મોદીના ઇન્સ્ટાગ્રામ એકાઉન્ટ પર 30 મિલિયન ફૉલોઅર્સ છે. આ સાથે જ તેઓ અત્યાર સુધી 350 સોશ્યલ મીડિયા પોસ્ટ મૂકી ચૂક્યા છે. પીએમ મોદીના ઇન્સ્ટાગ્રામ એકાઉન્ટની સૌથી ખાસ વાત છે કે, તેમની ફૉલોઇંગ લિસ્ટ શૂન્ય છે એટલે કે પીએમ મોદી ઇન્સ્ટાગ્રામ પર કોઇને ફૉલો નથી કરતા.
ઈન્સ્ટાગ્રામ પર હવે મોદીની પાછળ ઈન્ડોનેશિયાના રાષ્ટ્રપતિ જોકો વિડોડો છે. જેમના 25.6 મિલિયન ફૉલોઅર્સ છે. અમેરિકાના પૂર્વ પ્રેસિડન્ટ બરાક ઓબામાના 24.8 મિલિયન ફૉલોઅર્સ છે.
પ્રિયંકા ચોપરા:
બોલિવુડની દેસી ગર્લ પ્રિયંકા ચોપરા પણ સોશ્યલ મીડિયા પર ખૂબજ એક્ટિવ છે. વાત કરવામાં આવે પ્રિયંકાના ઇન્સ્ટાગ્રામ એકાઉન્ટની તો 45.3 મિલિયન ફૉલોઅર્સ છે. જોકે તેની પોસ્ટ હજારોની સંખ્યામાં છે. પ્રિયંકા અત્યાર સુધી 2979 પોસ્ટ કરી ચૂકી છે. આ સાથે જ તે 3000 પોસ્ટની નજીક પહોંચી ગઇ છે. તમને જણાવી દઇએ એ કે, પ્રિંયકા પોતે 472 લોકોને ફૉલો કરે છે.
દીપિકા પાદુકોણ:
દીપિકા પાદુકોણના ઇન્સ્ટાગ્રામ એકાઉન્ટમાં 39.5 મિલિયન ફૉલોઅર્સ છે. જ્યારે તે 104 લોકોને ફૉલો બેક કરે છે. આ સાથે જ દીપિકા અત્યાર સુધી 984 પોસ્ટ કરી ચૂકી છે. તમને જણાવી દઇએ કે, દીપિકા પોતાના ફેન્સને સતત પોતાના ફોટોશૂટ શૅર કરતી રહે છે.