પ્રધાનમંત્રી નરેન્દ્ર મોદીએ ફોટો-વીડિયો શેરિંગ સોશિયલ નેટવર્કિંગ સાઇટ ઇન્સ્ટાગ્રામ પર પણ પોતાનો દબદબો બનાવ્યો છે. પીએમ મોદી ઇન્સ્ટાગ્રામ પર સૌથી વધુ ફોલો કરાયેલા નેતા બની ગયા છે. ઈન્સ્ટાગ્રામ પર પીએમ મોદીના ફૉલોઅર્સની સંખ્યા 3 કરોડને પાર થઈ ચૂકી છે. પીએમ મોદી વિશ્વમાં સૌથી વધુ ફોલોઅર્સ ધરાવતા લીડર્સના ઉચ્ચ સ્થાને પહોંચ્યા છે.
ત્રણ કરોડને પાર પહોંચી ફોલોવર્સની સંખ્યા
પૂર્વ અમેરિકી રાષ્ટ્રપતિ ઓબામાને પણ પાછળ છોડ્યા
પીએમ મોદી સોશિયલ મીડિયા પર છવાયેલા છે. ત્યારે હવે ઇન્સ્ટાગ્રામ પર તેમને ફૉલો કરનારાઓની સંખ્યા ત્રણ કરોડ પહોંચી છે. પીએમ મોદીએ ઇન્સ્ટાગ્રામ ફૉલોવર્સ મામલે દુનિયાના સૌથી શક્તિશાલી દેશ અમેરિકાના રાષ્ટ્રપતિ ડોનાલ્ડ ટ્રમ્પ અને પૂર્વ અમેરિકી રાષ્ટ્રપતિ બરાક ઓબામાને પણ પાછળ છોડી દીધા છે.
ઈન્સ્ટાગ્રામ પર પીએમ મોદી બાદ ઈન્ડોનેશિયાના રાષ્ટ્રપતિ ઝોડો વિડોડ છે.જેઓને 25.6 મિલિયન ફોલોઅર્સ છે. જ્યારે અમેરિકાના પૂર્વ રાષ્ટ્રપતિ બરાક ઓબામા 24.8 મિલિયન ફોલોઅર્સ સાથે ત્રીજા નંબરે છે. પીએમ મોદી સોશિયલ મીડિયામાં ખૂબ જ એક્ટિવ રહે છે અને તેમના અનેક ફોલોઅર્સ છે.
અત્રે ઉલ્લેખનીય છે કે પીએમ મોદી સોશિયલ મીડિયા પર ખાસ સક્રિય રહે છે. સોશિયલ સાઇટ ટ્વિટર પર પણ ફૉલો કરનારાની સંખ્યા પણ કરોડોમાં છે. ટ્વિટર પર પીએમ મોદીના 5.7 કરોડ ફૉલોવર્સ છે.