પ્રધાનમંત્રી નરેન્દ્ર મોદી આજે પોતાનો 69માં જન્મદિવસ મનાવી રહ્યા છે. આ વખતે પ્રધાનમંત્રી મોદી ગુજરાતમાં પોતાનો જન્મદિવસ મનાવી રહ્યા છે. પીએમ મોદીએ કેવડિયા પહોંચી નર્મદા નદીની પૂજા-આરતી કરી હતી. આ પહેલા પીએમ મોદીએ સરદાર સરોવરડેમ, એકતા નર્સરી, ક્રેક્ટસ ગાર્ડન, જંગલ સફારી અને બટરફ્લાય ગાર્ડનની સમિક્ષા કરી. ત્યારબાદ તેમણે કેવડિયામાં એક જનસબા સંબોધી હતી. ત્યારબાદ તેઓ પોતાની મા હીરાબાના આશીર્વાદ લેવા પહોંચ્યા હતા. જ્યાં તેમની સાથે ગુજરાતી ભોજન કર્યું હતું. ત્યાર બાદ તેમણે ગાંધીનગર ખાતે બેઠક યોજી હતી.
પ્રધાનમંત્રીની રાજભવન ખાતે બેઠક યોજી
પીએમ મોદીએ કાંસાની થાળીમાં માતા હીરાબા સાથે ગુજરાતી ભોજન લીધું
2જી ઓક્ટોબરે પીએમ મોદી ફરી ગુજરાત પ્રવાસે
પ્રધાનમંત્રી નરેન્દ્ર મોદી મા હીરાબાના આશીર્વાદ લઇને રાજભવન પહોંચ્યા હતા. રાજભવન ખાતે તેમણે મુખ્યમંત્રી વિજય રૂપાણી, નાયબ મુખ્યમંત્રી નીતિન પટેલ સહિતના નેતાઓ સાથે બેઠક યોજી હતી.
માતા હીરાબાના ઘરની બહાર નિકળતા જ લોકોએ પીએમ મોદી સાથે લીધી સેલ્ફી
પ્રધાનમંત્રી મોદીના જન્મદિવસની ઉજવણીને લઈને અનેક કાર્યક્રમોનું આયોજન કરવામાં આવ્યા હતાં. ત્યારે પ્રધાનમંત્રી ગાંધીનગર ખાતે તેમના માતા હીરાબાને મળવા ગયા હતાં. તેમજ હીરાબાને આર્થીવાદ લીધા બાદ ઘરની બહાર નીકળતા તેઓ બાળકોને મળ્યા હતાં. બાળકોએ પ્રધાનમંત્રી મોદીને મળી આર્શીવાદ, સેલ્ફી અને ઓટોગ્રાફ લીધા હતાં. તેમજ પ્રધાનમંત્રી લોકોને પણ મળ્યા હતાં.
પીએમ મોદીએ કાંસાની થાળીમાં ગુજરાતી ભોજન લીધું
તેમણે ગાંધીનગરમાં માતા હીરાબાના આશીર્વાદ લેવા માટે પહોંચ્યા હતા. માતા હિરાબાના આશીર્વાદ લઈને તેમણે કાંસાની થાળીમાં બપોરનું ગુજરાતી ભોજન લીધુ હતું. માતા હીરાબા સાથે નરેન્દ્ર મોદી પુરણપોળી જમ્યા હતા.
Gujarat: Prime Minister Narendra Modi meets his mother Heeraben Modi at her residence, in Gandhinagar. Today is PM Modi's 69th birthday. pic.twitter.com/vT8X46DfdK
પ્રધાનમંત્રી નરેન્દ્ર મોદી ફરી એક વખત ગુજરાતના પ્રવાસે આવી રહ્યા છે. બીજી ઓક્ટોબર પીએમ મોદી ગાંધી જયંતિ નિમિતે ગુજરાતના પ્રવાસે આવશે. આ દરમિયાન સાબરમતી આશ્રમમાં પ્રાર્થના સભા યોજાશે. ગાંધીજીની 150મીં જન્મજયંતિ નિમિતે પ્રાર્થના સભાનું આયોજન કરાશે. આ દરમિયાન વિવિધ કાર્યક્રમમાં પીએમ મોદી હાજરી આપશે. સાબરમતી રિવરફ્રન્ટ પર સરપંચ સંમેલ યોજાશે. આ કાર્યક્રમમાં પણ પીએમ મોદી હાજરી આપશે. જેમા દેશભરમાંથી 20 હજાર જેટલા સરપંચ ઉપસ્થિત રહેશે. આ કાર્યક્રમમાં વિદેશથી આવેલા મહેમાનો પણ હાજરી આપશે. અફ્રિકન દેશોના પ્રતિનિધિઓને આ કાર્યક્રમ માટે આમંત્રણ આપવામાં આવ્યુ છે.