વતનમાં વડાપ્રધાન / PM મોદીનું અમદાવાદ એરપોર્ટ પર સ્વાગત, રાજભવનમાં રાત્રિ રોકાણ, સવારે માતા હીરાબાને મળવા જશે

• પ્રધાનમંત્રી નરેન્દ્ર મોદી 2 દિવસના ગુજરાત પ્રવાસે
• ગાંધીનગર રાજભવન ખાતે કરાયું સ્વાગત
• આવતીકાલે વડોદરા અને પાવાગઢની લેશે મુલાકાત

ગુજરાત વિધાનસભાની ચૂંટણીને લઇ ભાજપે પ્રચાર તેજ કરી દીધો છે. એવામાં પ્રધાનમંત્રી નરેન્દ્ર મોદી 2 દિવસના ગુજરાત પ્રવાસે આવી પહોંચ્યા છે. મોડી સાંજે અમદાવાદ એરપોર્ટ પર રાજ્યપાલ આચાર્ય દેવવ્રત, મુખ્યમંત્રી ભૂપેન્દ્ર પટેલ અને સી.આર. પાટીલ દ્વારા તેમનું સ્વાગત કરાયું હતું. ત્યાંથી તેઓ ગાંધીનગરમાં રાજભવન ખાતે રાત્રિ રોકાણ માટે પહોંચ્યા હતા. રાજભવનમાં રાજ્યપાલે પ્રધાનમંત્રીનું સ્વાગત કર્યું હતું. તો રાજભવન ખાતે મુખ્યમંત્રી અને ભાજપ પ્રદેશ પ્રમુખ પણ પહોંચ્યા હતા.

Gujarat | PM Modi arrives in Ahmedabad as part of his visit- June 17 and 18, to the state. Governor Acharya Devvrat, Chief Minister Bhupendra Patel and others receive him at the airport

(Picture source: Gujarat Chief Minister's Office) pic.twitter.com/JMYrTkdq4T

— ANI (@ANI) June 17, 2022

પ્રધાનમંત્રીનો વડોદરાનો કાર્યક્રમ
વડોદરા ખાતે એક ભવ્ય કાર્યક્રમ રાખવામાં આવ્યો છે. પ્રધાનમંત્રી મોદી વડોદરામાં અનેક યોજનાઓનું ખાતમુહૂર્ત અને લોકાર્પણ કરશે. ત્યાર બાદ એક સભાને સંબોધશે. અહીં પ્રધાનમંત્રી દ્વારા રેલવે વિભાગ હસ્તકના ગુજરાતના 16,369 કરોડ રૂપિયાના વિવિધ 18 પ્રકલ્પોનુ ખાતમુહૂર્ત કરશે. તો સાથે પ્રધાનમંત્રી મોદી આવતીકાલે અમદાવાદ-બોટાદ વચ્ચેની પેસેન્જર ટ્રેનની શરૂઆત કરાવશે. લાંબા સમયથી રેલ લાઈન બદલવાની કામગીરી થઈ રહી હતી. આ કામગીરીને પગલે લગભગ પાછલા ત્રણ વર્ષથી રેલસેવા બંધ કરવામાં આવી હતી. આ દરમિયાન PM આવાસ યોજના હેઠળ 1.4 લાખથી વઘુ ઘરોનું પણ લોકાર્પણ કરશે. PM મોદી મુખ્યમંત્રી માતૃશક્તિ યોજનાનો પણ પ્રારંભ કરાવશે. વડોદરામાં 9 ડોમ બનાવાયા છે જેમાં 3 લાખ લોકો બેસી શકે તેવી વ્યવસ્થા ગોઠવવામાં આવી છે.

ગાંધીનગરઃ PM નરેન્દ્ર મોદી પહોંચ્યા રાજભવન, CM ભૂપેન્દ્ર પટેલ અને CR પાટીલ પણ રાજભવન પહોંચ્યા, પ્રધાનમંત્રીનું રાજ્યપાલે કર્યું સ્વાગત#Gandhinagar #PMModi @narendramodi @CMOGuj #AcharyaDevvrat pic.twitter.com/QEO4Nl47u0

— VTV Gujarati News and Beyond (@VtvGujarati) June 17, 2022

પ્રધાનમંત્રીનો પાવાગઢનો કાર્યક્રમ
પ્રધાનમંત્રી મોદી આવતીકાલે પાવાગઢ મંદિરે પણ દર્શન કરવા જશે. જ્યાં તેઓ ધ્વજા લહેરાવશે. ત્યાર બાદ પાવાગઢ નજીક જેપુરા ગામ પાસે વિરાસત વનની મુલાકાત લેશે. આ વનને પ્રધાનમંત્રીએ 31 જૂલાઇ 2011ના રોજ ખુલ્યું મુક્યું હતું. સીતા અશોકનો છોડ વાવ્યો હતો.