સર્વે / દુનિયાના ટોપ લીડર્સને પછાડી લોકપ્રિયતામાં નંબર વન PM મોદી, બાયડન પાંચમા નંબરે : મોર્નિંગ કન્સલ્ટ

• પીએમ મોદીની લોકપ્રિયતામાં વધારો 
• વિશ્વનાં સૌથી લોકપ્રિય નેતા બન્યા મોદી 
• બાયડન પાંચમા નંબર પર 

અમેરિકાની ડેટા ઈન્ટેલિજન્સ ફર્મ મોર્નિંગ કન્સલ્ટ દ્વારા કરવામાં આવેલ એક સર્વે અનુસાર પીએમ મોદી દુનિયાનાં સૌથી લોકપ્રિય નેતા છે. દુનિયાનાં તમામ નેતાઓને પાછળ છોડીને પીએમ મોદી પહેલા સ્થાન પર છે. માત્ર ત્રણ જ વિશ્વ નેતાઓની જ રેટિંગ 60ની ઉપર છે જેમાં પીએમ મોદી સૌથી ઉપર છે. પીએમ મોદીની સ્વીકૃતિ રેટિંગ 70 છે. 

Global Leader Approval: Among All Adults https://t.co/dQsNxouZWb

Modi: 70%
López Obrador: 64%
Draghi: 63%
Merkel: 52%
Biden: 48%
Morrison: 48%
Trudeau: 45%
Johnson: 41%
Bolsonaro: 39%
Moon: 38%
Sánchez: 35%
Macron: 34%
Suga: 25%

*Updated 9/2/21 pic.twitter.com/oMhOH3GLqY

— Morning Consult (@MorningConsult) September 4, 2021

પીએમ મોદી પહેલા નંબરે 
PM મોદી બાદ બીજા નંબર પર મેક્સિકોનાં રાષ્ટ્રપતિ આન્દ્રેજ મેન્યૂઅલ લોપેજ ઓબરાડોર છે, તેમની સ્વીકૃતિ રેટિંગ 64 છે. ત્રીજા નંબર પર ઈટાલીનાં પ્રધાનમંત્રી મારિયો દ્રાગી છે જેમની રેટિંગ 63 છે. જર્મનીનાં મર્કેલ ચોથા સ્થાન પર જ્યારે અમેરિકાનાં રાષ્ટ્રપતિ જો બાયડન પાંચમા સ્થાન પર છે. સુપરપાવર અમેરિકાનાં રાષ્ટ્રપતિ બાયડની રેટિંગ તો 50થી પણ નીચે છે. 

બાયડન પછડાયા 
નોંધનીય છે કે મોર્નિંગ કન્સલ્ટ એક પોલિટિકલ ઈન્ટેલિજન્સ છે જે વર્તમાનમાં ઓસ્ટ્રેલિયા, બ્રાઝિલ, કેનેડા, ફ્રાન્સ, જર્મની, ભારત, ઇટાલી, જાપાન, મેક્સિકો, દક્ષિણ કોરિયા, સ્પેન, યુનાઇટેડ કિંગડમ અને યુનાઇટેડ સ્ટેટ્સમાં રાજકીય નેતાઓની રેટિંગ આપવાનું કામ કરે છે. સાપ્તાહિક આધાર પર 13 દેશોનાં નવીનતમ ડેટાને અપડેટ કરવામાં આવ્યા છે. 

કોરોના વાયરસનાં કારણે ઘણા બધા નેતાઓની લોકપ્રિયતા ઘટી 
નોંધનીય છે કે કોરોના વાયરસ મહામારી બાદ વિશ્વનાં ઘણા નેતાઓની લોકપ્રિયતામાં ઘટાડો આવ્યો છે. કેટલાક દેશોનાં સ્વાસ્થ્ય મંત્રીઓએ રાજીનામાં આપી દેવાની નોબત આવી છે. હાલમાં જ જપાનમાં પણ કોરોના વાયરસનાં કારણે રાજકારણ ખૂબ તેજ થઈ ગયું છે. પૂરેપૂરી શક્યતા છે કે આ જ મહિનામાં જપાનનાં હાલના વડાપ્રધાન રાજીનામું આપી દેશે અને નવા પ્રધાનમંત્રીની પાર્ટી દ્વારા જ નિમણૂક કરવામાં આવશે. ભારતમાં કોરોના વાયરસની બીજી લહેર બાદ ઘણા બધા રાજકીય પંડિતો દ્વારા કહેવામાં આવ્યું હતું કે પીએમ મોદીની લૉકપ્રિયતામાં ઘટાડો સામે આવ્યો છે.