રશિયા યુક્રેન યુદ્ધ વચ્ચે ભારત અને અમેરિકાની વચ્ચે કાલે મહત્વપૂર્ણ વાતચીત થવાની છે. તેને લઈને પ્રધાનમંત્રી મોદી અને અમેરિકી રાષ્ટ્રપતિ જો બાઈડેન વચ્ચે વર્ચુઅલ બેઠક થશે.
રશિયા અને યુક્રેન યુદ્ધ વચ્ચે વર્ચુઅલ બેઠક
ભારત અને અમેરિકા વચ્ચે થશે મંત્રણા
પીએમ મોદી અને જો બાઈડેન વર્ચુઅલી કરશે મીટિંગ
રશિયા યુક્રેન યુદ્ધ વચ્ચે ભારત અને અમેરિકાની વચ્ચે કાલે મહત્વપૂર્ણ વાતચીત થવાની છે. તેને લઈને પ્રધાનમંત્રી મોદી અને અમેરિકી રાષ્ટ્રપતિ જો બાઈડેન વચ્ચે વર્ચુઅલ બેઠક થશે. વિદેશ મંત્રાલયના જણાવ્યા અનુસાર બંને નેતા આ દરમિયાન હાલની દ્વિપક્ષીય સહયોગની સમીક્ષા કરવાની સાથે સાથે દક્ષિણ એશિયા, હિંદ પ્રશાંતની હાલની ઘટના અને પરસ્પર હિતના વૈશ્વિક મુદ્દા પર વિચારોનું આદન પ્રદાન કરશે. પણ રશિયા યુક્રેન યુદ્ધ વચ્ચે બંને નેતાઓ વચ્ચેની આ બેઠક અતિ મહત્વની ગણાય છે.
ટૂ પ્લસ ટૂ બેઠક પહેલા મહત્વની ચર્ચા
નિવેદનમાં કહેવાયુ છે કે, ઓનલાઈન બેઠકમાં બંને પક્ષો વચ્ચે દ્વિપક્ષીય વ્યાપક વૈશ્વિક રણનીતિક ભાગીદારીને વધારે મજબૂત કરવાના ઉદ્દેશ્યથી પોતાના નિયમિત અને ઉચ્ચ સ્તરિય સંપર્કને ચાલુ રાખવામાં સક્ષમ બનાવશે. બંને નેતાઓની વચ્ચે આ ઓનલાઈન બેઠક સોમવારે વોશિંગ્ટનમાં ભારત અને અમેરિકાની વચ્ચે ટૂ પ્લસ ટૂ મંત્રિસ્તરિય વાર્તાના ચોથા સત્રની પહેલા થશે. રક્ષામંત્રી રાજનાથ સિંહ અને વિદેશ મંત્રી એસ. જયશંકર અમેરિકી રક્ષામંત્રી લોયડ ઓસ્ટિન અને વિદેશમંત્રી એન્ટની બ્લિંકનની સાથે 11 એપ્રિલે વોશિંગ્ટનમાં આ વાર્તાના ચોથા સ6 અંતર્ગત થશે. એક દિવસ પહેલા જ અમેરિકી રાષ્ટ્રપતિ જો બાઈડને એક નિવેદનમાં કહ્યું હતું કે, કઈ પણ દેશની સરખામણીમાં ભારતની સાથે અમારી દોસ્તી અતિ મહત્વની છે. ત્યાર બાદ બંને નેતાઓ વચ્ચે આ બેઠક થઈ રહી છે.
રશિયા અને અમેરિકા તરફથી ભારતને પોતાના તરફ કરવાની કોશિશ
અહીં ઉલ્લેખનીય છે કે, રશિયા યુક્રેન યુદ્ધ બાદ અમેરિકા સતત ભારત પર પ્રેશર કરી રહ્યું છે કે, તે રશિયા વિરુદ્ધ સંયુક્ત રાષ્ટ્રમાં વોટ કરે અને પશ્ચિમી દેશો દ્વારા લગાવામાં આવેલા આર્થિક પ્રતિબંધોનું સમર્થન કરે. બીજા બાજૂ પશ્ચિમી દેશો દ્વારા આર્થિક પ્રતિબંધો લગાવ્યા બાદ રશિયા સતત કોશિશ કરી રહ્યું છે કે, ભાકત તેમના દેશમાંથી તેલ અને અન્ય સામાન્યની આયાત કરે. રશિયાએ ભારતને સસ્તા દરે તેલ અને અન્ય સામાન આપવાની ઓફર છે.