હરિયાણા ચૂંટણી / રેવાડીમાં PM નરેન્દ્ર મોદી બોલ્યા, ભારતને સમર્થ અને સક્ષમ બનાવવાનું આપ્યું હતું વચન, પૂર્ણ કર્યું

• વડાપ્રધાન નરેન્દ્ર મોદીએ શનિવારે હરિયાણાના રેવાડીમાં ચૂંટણી રેલીને સંબોધિત કરી
• PM નરેન્દ્ર મોદીએ કેન્દ્ર સરકારના પાંચ વર્ષની ઉપલબ્ધિઓનો ઉલ્લેખ કર્યો
• PM નરેન્દ્ર મોદીએ કહ્યું- સરકાર બન્યા બાદ સૌથી પહેલા સેનાઓના સશક્તિકરણ પર કામ કર્યું

પીએમ મોદીએ કહ્યું કે પાંચ વર્ષમાં ભારતને સક્ષમ અને સમર્થ સરકાર આપવાનો મેં વચન આપ્યું હતું. આ વચન મે નિભાવ્યું. એમણે કહ્યું કે ગત પાંચ વર્ષમાં 130 કરોડ ભારતીઓ માટે જો કોઇ યોગદાન આપી ચૂક્યો છું તો તેમા રેવાડીના માટીના આશિર્વાદનું મહત્વપૂર્ણ સ્થાન છે.

પીએમ મોદીએ કહ્યું, ''ત્યારે મે કહ્યું હતું કે ભારતમાં એવી સરકાર હોવી જોઇએ જે દુનિયાની આંખથી આંખ મિલાવી વાત કરે. આજે હિન્દુસ્તાન આંખ ઝુકાવીને નહીં, આંખ મિલાવીને કામ કરે છે.'' 

પહેલાની સરકારો પર આરોપ લગાવતા પીએમ મોદીએ કહ્યું કે સેનાના જવાનોને વ્યવસ્થિત કપડા-બૂટ નહોતા મળતા. બુલેટપ્રુફ જેકેટ અને આધુનિક રાઇફલ સુધીની કમી હતી. આજે આધુનિક શબમરીનથી લઇને રાફેલ જેવા આધુનિક લડાકુ વિમાન અને આધુનિક હેલિકોપ્ટર સુધી આપણી સેનાના ભાગ બની ચૂક્યા છે. તેમણે કહ્યું કે સરકારમાં આવ્યા બાદ એમણે સૌથી પહેલા સેનાઓના સશક્તિકરણ પર કામ કરવાનું શરૂ કર્યું. 

પીએમ મોદીએ કહ્યું કે 40 વર્ષથી જેની માંગ થઇ રહી હતી તે, 'વન રેન્ક, વન પેન્શન' અમે લાગૂ કરી. તેથી માત્ર હરિયાણાના બે લાખ પૂર્વ સૈનિક પરિવારોને લગભગ 900 કરોડ રૂપિયાનું એરિયર મળી રહ્યું છે.