પીએમ મોદીએ આજે બ્રિકસ સંમેલનમાં સંબોધન કર્યું અને આતંકવાદથી લઈને કોરોના વાયરસ સુધીના મુદ્દાઓ પર વિશ્વને સંદેશ આપ્યો.
પીએમ મોદીએ કહ્યું કે UN સહીતના કેટલાય સંગઠનમાં સુધારા જરૂરી
પીએમ મોદીએ પુટિનના ખૂબ વખાણ કર્યા, જિનપિંગનું નામ સુદ્ધાં ન લીધું
વેક્સિનના ઉત્પાદન અને ડિલીવરીની ભારતની ક્ષમતા વિશ્વને કામ આવશે : મોદી
જિનપિંગ-મોદી આવ્યા આમનેસામને
વડાપ્રધાન નરેન્દ્ર મોદીએ આજે વીડિયો કોન્ફ્રેન્સિંગના માધ્યમથી બ્રિકસ સંમેલનને સંબોધન કર્યું. પીએમ મોદીએ સંયુક્ત રાષ્ટ્ર સુરક્ષા પરિષદ સહીતના આંતરરાષ્ટ્રીય સંગઠનોમાં સુધારા કરવાના મુદ્દાઓને ઉઠાવ્યા. આ સિવાય પીએમ મોદીએ આતંકવાદનું સમર્થન કરતા દેશોને દંડિત કરવા પર ભાર આપ્યો. પીએમ મોદીએ આ કાર્યક્રમમાં પુટિનનાં ખૂબ વખાણ કર્યા અને જિનપિંગનું નામ પણ ન લીધું.
સંગઠનોમાં ફેરફાર કરવા પર ભાર
પીએમ મોદીએ ભાષણની શરૂઆતમાં કહ્યું કે ભારત માને છે કે UN સિક્યુરીટી કાઉન્સિલમાં રિફોર્મ્સ અનિવાર્ય છે અને આ વિષય પર અમને બ્રિકસના સાથી દેશોથી આશા છે. આ સિવાય પીએમ મોદીએ કહ્યું કે યુએન સિવાય પણ કેટલાય સંગઠન સરખી રીતે કામ કરી રહ્યા નથી. WTO, IMF, WHO જેવી સંસ્થામાં સુધારાની જરૂર છે.
પીએમ મોદીએ પોતાના ભાષણમાં બીજા વિશ્વ યુદ્ધ દરમિયાન શહીદ થયેલ ભારતીય સૈનિકોને શ્રદ્ધાંજલિ આપી અને કહ્યું કે આ વર્ષે બીજા વિશ્વ યુદ્ધની 75મી વર્ષગાંઠ પર વીરગતીને પ્રાપ્ત થયેલ સૈનિકોને અમે શ્રદ્ધાંજલિ આપી છે.
આતંકવાદને સમર્થન કરતા દેશો પર હુમલો
પીએમ મોદીએ આતંકવાદ પર હુમલો કરતા કહ્યું કે આતંકવાદ આજે વિશ્વ સામે મોટી સમસ્યા છે. આપણે એ સુનિશ્ચિત કરવું પડશે કે આતંકવાદીઓનું સમર્થન કરતા દેશોને દોષિત ઠેરવવામાં આવે અને સમસ્યા સામે સંગઠિત થઇને લડવું પડશે.
પીએમ મોદીએ કહ્યું કે કોરોના વાયરસ બાદ હવે વૈશ્વિક અર્થવ્યવસ્થાઓમાં બ્રિકસ દેશો મહત્વના રહેશે. આપણી વચ્ચે 42 ટકા વસ્તી વસે છે. આપણા દેશો ગ્લોબલ ઈકોનોમીના મુખ્ય એન્જિન છે અને હવે વેપાર વધારવા માટે ખૂબ સ્કોપ છે.
કોરોના વાયરસની રસી પર આપ્યો ખાસ સંદેશ
પીએમ મોદીએ આ મંચ પરથી પણ દુનિયાને કોરોના વાયરસની રસી મુદ્દે ભરોસો અપાવ્યો છે કે ભારતની રસીના ઉત્પાદન અને ડિલીવરી ક્ષમતા વિશ્વમાં માનવતાના હિતમાં કામ આવશે. તેમણે કહ્યું કે ભારતમાં અમે આત્મનિર્ભર અભિયાન હેઠળ રિફોર્મ શરુ કર્યા છે. કોરોના વાયરસ દરમિયાના ભારતીય ફાર્મા ઉદ્યોગની ક્ષમતાઓના કારણે 50થી વધારે દેશોમાં દવાઓ આપી શક્યા. અમારી વેક્સિન બનવવા અને તેની ડીલીવરીની ક્ષમતા વિશ્વને કામ આવશે. ભારત ડીજીટલ હેલ્થ અને ટ્રેડીશનલ મેડીસનમાં સહયોગ વધારવાના કામમાં આવશે.