સોશિયલ મીડિયા / ચાઇનીઝ એપ પર પ્રતિબંધ બાદ PM મોદીએ સૌથી પહેલા આ એપ પરથી એકાઉન્ટ હટાવ્યું

• ચીનની એપ્લિકેશન પર સરકારે લગાવ્યો છે પ્રતિબંધ
• PM મોદીએ WEIBO એપ પરની પોસ્ટ ડિલીટ કરી 
• WEIBO પર PM મોદીએ 115 પોસ્ટ કરી હતી

થોડા વર્ષ પહેલા નરેન્દ્ર મોદી આ એપથી જોડાયા હતા

ચીનની નફ્ફટાઈ ઠેકાણે લગાવવા માટે ભારત સરકાર દ્વારા દેશમાં ચીનની 59 એપ પર પ્રતિબંધ લગાવ્યા બાદ વડાપ્રધાન નરેન્દ્ર મોદીઓ પણ ચાઇનીઝ એપ Weibo છોડવાનો નિર્ણય કર્યો છે. થોડા વર્ષ પહેલા નરેન્દ્ર મોદી આ એપથી જોડાયા હતા. 

As soon as the decision was taken to disallow Chinese 59 Apps in India, Prime Minister Narendra Modi decided that he would be quitting Weibo, which he had joined a few years ago: Sources pic.twitter.com/vDnIZwEqyF

— ANI (@ANI) July 1, 2020

આ એપમાં 115 પોસ્ટ કરી

નોંધનીય છે કે Weibo એપમાં જે તે વીઆઈપી એકાઉન્ટ માટે એપ છોડવાની પ્રક્રિયા અત્યંત કઠિન છે. જેના કારણે હવે આધિકારિક પ્રક્રિયા શરુ કરી દેવામાં આવી છે. વડાપ્રધાન નરેન્દ્ર મોદીએ આ એપમાં 115 પોસ્ટ કરી છે. જે બાદ હવે તે બધી પોસ્ટ ડિલીટ કરવામાં આવી રહી છે. ન્યૂઝ એજન્સી દ્વારા પ્રકાશિત અહેવાલ મુજબ અત્યાર સુધી 113 પોસ્ટ દૂર કરવામાં આવી છે. 

આર્થિક રીતે ફટકો આપી રહી છે સરકાર 

ભારત સરકારે ટિકટોક સહીતની 59 એપ પર પ્રતિબંધ ફરમાવ્યો છે. દેશની સુરક્ષાને ધ્યાનમાં રાખીને આ નિર્ણય લેવામાં આવ્યો છે ત્યારે ચીનને આર્થિક રીતે પછાડવા માટે પણ શરૂઆત કરી દેવામાં આવી છે. આજે જે માર્ગ પરિવહન મંત્રી નીતિન ગડકરીએ પણ જાહેરાત કરી છે કે હવે દેશમાં હાઈવેના પ્રોજેક્ટમાં ચીનને સામેલ કરવામાં આવશે નહીં