અમદાવાદ / PHOTOS: અમદાવાદના રોડ શૉમાં PM મોદીની ટોપી બની આકર્ષણનું કેન્દ્ર, GMDC માં લોકોને આવી જ ટોપી અપાશે

• ભાજપમાં કાર્યક્રમમાં ટોપી બની આકર્ષણનું કેન્દ્ર
• પહેલીવખત ભાજપનાં ખેસ સાથે ટોપી પહેરતા કાર્યકરો જોવા મળ્યા
• બેઠકમાં હાજર રહેલા તમામ કાર્યકરોને અપાઈ ટોપી

PM મોદીનો એરપોર્ટ પરથી રોડ શો શરૂ થઈ ગયો છે. PM મોદીની સાથે CM ભુપેન્દ્ર પટેલ અને પ્રદેશ અધ્યક્ષ C.R પાટીલ પણ ખુલ્લી ગાડીમાં સવાર છે. PM મોદી ખુલ્લી જીપમાં સવાર થઈને ભાજપ કાર્યકરોનું અભિવાદન સ્વિકારી રહ્યા છે. આ રોડ- શો દરમિયાન PM મોદીએ અનોખી કેસરી ટોપી પહેરી છે. તેમની સાથે રહેલા CM ભુપેન્દ્ર પટેલ અને પ્રદેશ ભાજપ અધ્યક્ષ  C.R પાટીલે પણ એવી જ ટોપી પહેરી છે. આવો જાણીએ વડાપ્રધાન મોદીએ પહેરેલી કેસરી કલરની ટોપી વિશે. 

ટોપીમાં ભાજપ લખેલું અને કમલ લગાવાયેલું છે

PM મોદી જ્યાં જાય ત્યાં તેમના પહેરવેશની ચર્ચા જરૂરથી થાય છે. અમદાવાદ રોડ શો દરમિયાન વડાપ્રધાન મોદીએ કેસરી ટોપી પહેરી છે. આ ટોપી પણ આગળની બાજુ ભારતીય જનતા પાર્ટીના ચિહ્ન કમલનું નિશાન છે.  કહેવામાં આવી રહ્યું છે કે, પાંચ રાજ્યોની વિધાનસભા ચૂંટણીમાં ઉત્તરપ્રદેશ, ગોવા, મણિપુર અને ઉત્તરાખંડમાં પણ ભાજપનો ભગવો લહેરાયો છે. આ ચાર રાજ્યોમાં લહેરાયેલા ભાજપના ભગવાની ઉજવણીના પ્રતીક રૂપે વડાપ્રધાને આ કેસરી ટોપી પહેરી છે. 

વારાણસી રોડશોમાં પણ પહેરી હતી ભગવા ટોપી 

ઉલ્લેખનીય છે કે,  આ પહેલી વાર નથી કે PM મોદીએ આવી કેસરી ટોપી પહેલી વાર પહેરી હોય. PM મોદીએ ઉત્તરપ્રદેશ ચૂંટણીના અંતિમ તબક્કા પહેલા વારાણસીમાં પ્રચાર દરમિયાન કરેલા રોડશોમાં પણ આ જ પ્રકારની કેસરી ટોપી પહેરી હતી.

GMDC ખાતે તમામ લોકોને અપાશે આ ખાસ ટોપી

મહત્વનું છે કે, રોડ શોના કાર્યક્રમમાં ટોપી બની આકર્ષણનું કેન્દ્ર બની છે. પહેલી વખત ભાજપનાં ખેસ સાથે ટોપી પહેરતા કાર્યકરો જોવા મળ્યા છે. આ સાથે કમલમ ખાતે યોજાનારી બેઠકમાં હાજર રહેલા તમામ કાર્યકરોને આ ટોપી આપવામાં આવી છે. આ સાથે સાંજે  GMDC ગ્રાઉન્ડ ખાતે યોજનારા કાર્યક્રમમાં તમામ લોકોને આ ખાસ ટોપી અપાશે. આ ટોપીમાં ભાજપ લખેલું અને કમલ લગાવાયેલું છે.