સર્વે / Global Leadersમાં PM મોદીનો દબદબો: બાઈડન, સુનક સહિત 22 દેશના દિગ્ગજોને પાછળ ધકેલ્યા

• મોદીએ લોકપ્રિયતાના મામલે 22 દેશોના દિગ્ગજ નેતાઓને પાછળ છોડ્યા 
• લોકપ્રિયતાના મામલે નરેન્દ્ર મોદી પછી બીજા ક્રમે મેક્સિકોના રાષ્ટ્રપતિ છે 
• આ રેટિંગ 26 જાન્યુઆરીથી 31 જાન્યુઆરીની વચ્ચેનું છે

પ્રધાનમંત્રી મોદીની લોકપ્રિયતા દિવસેને દિવસે વધતી જાય છે. માત્ર ભારતમાં જ નહીં પરંતુ વિદેશોમાં પણ પ્રધાનમંત્રી મોદીનો જલવો જોવા મળી રહ્યો છે. અમે આ વિશે વાત નથી કરી રહ્યા, પરંતુ તે મોર્નિંગ કન્સલ્ટના નવીનતમ સર્વેક્ષણમાં દેખાય છે. સર્વે અનુસાર વડાપ્રધાન મોદીએ લોકપ્રિયતાના મામલે 22 દેશોના દિગ્ગજ નેતાઓને પાછળ છોડી દીધા છે. તાજેતરના સર્વેમાં પીએમ મોદીને 78 ટકાનું એપ્રુવલ રેટિંગ મળ્યું છે.

'મોર્નિંગ કન્સલ્ટ'નું આ રેટિંગ 26 જાન્યુઆરીથી 31 જાન્યુઆરીની વચ્ચેનું છે. આ યાદીમાં વડાપ્રધાન નરેન્દ્ર મોદી પછી બીજા ક્રમે મેક્સિકોના રાષ્ટ્રપતિ લોપેઝ ઓબ્રેડોર છે. તેમની એપ્રુવલ રેટિંગ 68 ટકા છે. આ પછી ત્રીજા નંબરે ઓસ્ટ્રેલિયાના પીએમ અલ્બાનીઝ છે, જેમની રેટિંગ 58% છે. ચોથા નંબર પર ઈટાલીના વડાપ્રધાન જ્યોર્જિયા મેલાની છે. મેલાનીનું રેટિંગ 52 ટકા છે.

Global Leader Approval: *Among all adults

Modi: 78%
López Obrador: 68%
Albanese: 58%
Meloni: 52%
Lula da Silva: 50%
Biden: 40%
Trudeau: 40%
Sánchez: 36%
Scholz: 32%
Sunak: 30%
Macron: 29%
Yoon: 23%
Kishida: 21%
*Updated 01/31/23https://t.co/Z31xNcDhTg pic.twitter.com/rxahbUCB0x

— Morning Consult (@MorningConsult) February 2, 2023

છઠ્ઠા નંબર પર જો બાઈડેન
બ્રાઝિલના રાષ્ટ્રપતિ લુલા ડી સિલ્વા 50 ટકાના એપ્રુવલ રેટિંગ સાથે આ યાદીમાં 5માં નંબરે છે. આશ્ચર્યની વાત એ છે કે 'સુપર પાવર' યુએસ પ્રમુખ જો બાઈડેન આ યાદીમાં છઠ્ઠા નંબર પર છે. તેનું રેટિંગ 40 ટકા છે. તેમના પછી કેનેડાના વડાપ્રધાન જસ્ટિન ટ્રુડોનું નામ આવે છે. તેમનું રેટિંગ પણ 40 ટકા છે.

ભારતીય મૂળના બ્રિટિશ વડાપ્રધાન ઋષિ સુનક આ યાદીમાં 10મા સ્થાને છે. વિશ્વ નેતાઓમાં તેમનું રેટિંગ 30 ટકા છે. તે જ સમયે, ફ્રાન્સના રાષ્ટ્રપતિ ઇમેનુએલ મેક્રો   આ યાદીમાં 11માં સ્થાને છે. તેનું રેટિંગ 29 ટકા છે.

કેવી રીતે થાય છે સર્વે , સેમ્પલ સાઈઝ શું છે ?
મોર્નિંગ કન્સલ્ટ દરરોજ 20,000 વૈશ્વિક ઇન્ટરવ્યુ કરે છે. ઇન્ટરવ્યુમાં મળેલા જવાબોના આધારે ગ્લોબલ લીડર વિશેનો ડેટા તૈયાર કરવામાં આવે છે. અમેરિકામાં તેનું સેમ્પલ સાઈઝ 45,000 હજાર છે. બીજી તરફ, અન્ય દેશોના સેમ્પલ સાઈઝ 500 થી 5000 ની વચ્ચે છે. દરેક દેશમાં વય, લિંગ, પ્રદેશ અને કેટલાક દેશોમાં શિક્ષણના આધારે સર્વેક્ષણોને મહત્વ આપવામાં આવે છે.