સંબોધન / આત્મનિર્ભર ભારત : PM મોદીએ દેશમાં હથિયારોના ઉત્પાદનને લઈને આપ્યું મોટું નિવેદન

• છેલ્લા કેટલાક વર્ષોમાં અમારો પ્રયત્ન રહ્યો છે કે ડિફેન્સ મેન્યુફેક્ચરિંગમાં સાંકળો તોડવામાં આવે : PM મોદી 
• PM મોદીએ કહ્યું આધુનિક ઉપકરણોમાં આત્મનિર્ભરતા માટે ટેક્નિક અપગ્રેડેશન જરૂરી 
• રક્ષા ઉત્પાદનથી જોડાયેલા સ્ટેક હોલ્ડર્સની હાજરીમાં પીએમ મોદીએ કહી મોટી વાતો 

પીએમ મોદીએ કહ્યું કે કે 'છેલ્લા થોડા વર્ષોમાં અમારા પ્રયત્નો રહ્યા છે કે ડિફેન્સ મેન્યુફેક્ચરિંગ સેકટરથી જોડાયેલ બધી જ સાંકળોને તોડી નાખવામાં આવે. આમારો ઉદ્દેશ છે કે ભારતમાં ઉત્પાદન વધે અને નવી ટેકિનકનો વિકાસ ભારતમાં જ થાય. પ્રાઈવેટ સેક્ટરમાં આ ક્ષેત્રમાં વિસ્તાર થાય અને તેના માટે કેટલાક પગલાં લેવામાં આવ્યા છે. અહિયાં થઇ રહેલા મંથનથી જે પરિણામ આવશે તેનાથી આત્મનિર્ભરતા તરફ અમારા પ્રયત્નોને વધુ ગતિ મળશે.'

We aim to increase defence manufacturing in India: PM Narendra Modi addresses 'Atmanirbhar Bharat Defence Industry Outreach Webinar' through video conference. pic.twitter.com/bYD1NaR07K

— ANI (@ANI) August 27, 2020

અત્યાર સુધી સીમિત વિઝન હતું : PM 

પીએમએ વધુમાં કહ્યું કે દશકોથી રક્ષા કારખાનાઓને સરકારી વિભાગની જેમ જ ચલાવવામાં આવી રહ્યા હતા. એક સીમિત વિઝનના કારણે દેશને નુકસાન તો થયું જ સતાહે સાથે ત્યાં કામ કરી રહેલા મહેનતુ, અનુભવી અને કુશળ શ્રમિક વર્ગને પણ ખૂબ નુકસાન થયું. લાંબા સમયથી દેશમાં ચીફ ઓફ ડિફેન્સ સ્ટાફની નિયુક્તિ પર નિર્ણય થઇ શકતો ન હતો, આ નિર્ણય નવા ભારતનાં આત્મવિશ્વાસનું પ્રતિક છે.  

વડાપ્રધાન મોદીએ આ વેબિનારમાં કહ્યું કે રક્ષા ઉત્પાદનમાં આત્મનિર્ભરતાને લઈને અમારું કમિટમેન્ટ ખાલી વાતો કે કાગળો સુધી સીમિત નથી. તેના માટે એક પછી એક કેટલાય પગલા લેવામાં આવ્યા છે. 

For many yrs, India has been one of the biggest defence importers. When India got independence, it had great capability in defence manufacturing & an ecosystem of defence manufacturing established over 100 yrs. Unfortunately, this subject couldn't get requisite attention: PM Modi pic.twitter.com/5Imu5vMXxE

— ANI (@ANI) August 27, 2020

આત્મનિર્ભરતા માટે ટેકિનકનું અપગ્રેડેશન જરૂરી છે : PM મોદી 

PM મોદીએ કહ્યું કે હાલમાં 101 ડિફેન્સ આઈટમ્સ પર પ્રતિબંધ લગાવી ઘરેલું ખરીદી માટે સુરક્ષિત કરવામાં આવ્યા છે અને આ લિસ્ટ હજુ લાંબી થતી જશે તેમાં નવા નામ જોડાતા જશે. આધુનિક ઉપકરણોમાં આત્મનિર્ભરતા માટે ટેકિનકનું અપગ્રેડેશન ખૂબ જરૂરી છે. જે ઉપકરણો આજે બની રહ્યા છે તેમને નેક્સ્ટ જનરેશન તૈયાર કરવાના કામ કરવાની જરૂર છે.