પ્રવાસ / શી જિનપિંગ ભારત આવશે, મહાબલીપુરમ માં PM મોદી સાથે કરશે મુલાકાત

• સુરક્ષાની દ્રષ્ટિએ તટિય વિસ્તારની સુરક્ષા સઘન કરાઇ
• ગત વર્ષે ચીનના વુહાનમાં થઇ હતી બંને નેતાઓ વચ્ચે મુલાકાત

તમિલનાડૂના ઐતહાસિક શહેર મહાબલીપુરમમાં પ્રધાનમંત્રી નરેન્દ્ર મોદી અને ચીનના રાષ્ટ્રપતિ શી જિનપિંગ વચ્ચેની મુલાકાતને લઇને સ્વાગતની તૈયારીઓ કરવામાં આવી રહી છે. સુરક્ષાને ધ્યાનમાં લઇને તટીય વિસ્તારમાં સુરક્ષા વ્યવસ્થા સઘન કરી દેવામાં આવી છે. 

પીએમ મોદી અને શી જિનપિંગ વચ્ચે શિખર સંમેલન સાથે જોડાયેલ કાર્યક્રમ 11થી 13 ઓક્ટોબર સુધી ચાલશે. જેને લઇને કોવલમથી મહાબલીપુરમ સુધીના 20 કીમીના ક્ષેત્રમાં સુરક્ષાને લઇને ખાસ વ્યવસ્થા કરવામાં આવી છે.
 

Chinese President Xi Jinping to visit Mahabalipuram near Chennai in the second week of October for the second informal summit with PM Narendra Modi. (file pic) pic.twitter.com/bSBnLZl7Jq

— ANI (@ANI) October 2, 2019

ચીનના વુહાનમાં અગાઉ થઇ હતી મુલાકાત
આ અગાઉ પ્રધાનમંત્રી નરેન્દ્ર મોદી અને ચીનના રાષ્ટ્રપતિ શી જિનપિંગ વચ્ચે ગત વર્ષે ચીનના વુહાન ખાતે એક સંમેલનમાં મુલાકાત થઇ હતી. ગત વર્ષે એપ્રિલમાં પ્રધાનમંત્રી નરેન્દ્ર મોદીએ વુહાનમાં ચીનના રાષ્ટ્રપતિ સાથે મુલાકાત કરી હતી.