ક્રિકેટ / PM મોદીએ મિતાલી રાજને લખ્યો ખાસ 'પત્ર', ક્રિકેટરે જે જવાબ આપ્યો તે જાણીને થઈ જશો ભાવૂક

• મહિલા ક્રિકેટ ટીમના કેપ્ટન મિતાલી રાજે સંન્યાસ લીધો છે
• પીએમ મોદીએ મિતાલી રાજને લખ્યો પત્ર
• મિતાલી રાજે પીએમ મોદીને લઈને કહી આ વાત

ટીમ ઈંડિયાના પૂર્વ કપ્તાન મિતાલી રાજે ગત મહિને ઈટરનેશનલ ક્રિકેટમાંથી સંન્યાસ લીધો છે. 39 વર્ષિય મિતાલીએ 23 વર્ષના લાંબા કરિયરમાં ભારતીય ટીમ માટે કેટલીય શાનદાર ઈનિંગ્સ રમી છે. મિતાલીની કપ્તાનીમાં ભારતીય મહિલા ટીમે બે વાર વિશ્વ કપની ફાઈનલમાં સફળતા મળી. મિતાલીએ 12 ટેસ્ટ, 232 વન ડે અને 89 ટી 20 ઈંટરનેશનલ ટૂર્નામેન્ટ રમીને 10868 રન બનાવ્યા છે. 

પીએમ મોદીએ ખાસ પત્ર લખ્યો

હવે મિતાલી રાજે પોતાના ટ્વિટર અકાઉન્ટ પર એક ખાસ પત્ર શેર કર્યો છે. જેમાં તેમણે પ્રધાન મંત્રી મોદી તરફથી તેમને સફળ ક્રિકેટ કરિયર અને ભવિષ્ય માટે શુભકામનાઓ આપી છે. મિતાલીની આ પોસ્ટમાં કેપ્શનમાં લખ્યું છે કે, આ એકમાત્ર સન્માન અને ગર્વની વાત હોય છે, જ્યારે આપણા માનનીય પ્રધાનમંત્રીથી આટલુ પ્રોત્સાહન મળે છે. નરેન્દ્ર મોદીજી મારા જેવા લાખો લોકો માટે એક આદર્શ અને પ્રેરણા છે. હું ક્રિકેટમાં મારા યોગદાન માટે જાણી જોઈને કરવામાં આવેલી આ સ્વીકૃતિથી અભિભૂત છું.

It’s a matter of singular honour & pride when one receives such warm encouragement from our Hon'ble PM Shri @narendramodi ji, who is a role model & inspiration for millions including me. I am overwhelmed by this thoughtfully worded acknowledgment of my contribution to cricket. pic.twitter.com/cTmqB6ZdNT

— Mithali Raj (@M_Raj03) July 2, 2022

હું તેને હંમેશા સાચવીને રાખીશ. હું મારા આગળના અધ્યાય માટે પ્રેરિત અને પ્રોત્સાહિત અનુભવી રહી છું. ભારતીય રમતોના વિકાસમાં યોગદાન આપવામાં આપણા માનનીય પ્રધાનમંત્રીની અપેક્ષાો પર ખરા ઉતરવા માટે મહેનત કરીશ.

મિતાલી રાજે 1999માં 16 વર્ષની ઉંમરે આયર્લેન્ડ વિરુદ્ધ મેચથી ઈન્ટરનેશનલ ડેબ્યૂ કર્યું હતું. આ ડેબ્યૂમાં મિતાલીએ નોટઆઉટ 114 રનની ઈનિંગ્સ રમી હતી. તેની સાથે જ મિતાલી ડેબ્યૂ મેચમાં સૌથી નાની ઉંમર સદી ફટકારનારી પ્રથમ મહિલા બની ગઈ હતી.મિતાલી સતત સાત વન ડેમાં અડધી સદી ફટકારનારી એકમાત્ર ખેલાડી છે. સાથે જ મિતાલીના નામ પર જ વૂમેન્સ વન ડે ઈન્ટરનેશનલમાં સૌથી વધારે ફિફ્ટી (64) ફટકારવાનો રેકોર્ડ છે.