મુસ્લિમ કાર્યકર ઝુલ્ફિકારની સાથે મોદીની વાયરલ તસવીર પર ઔવેસીને જવાબ આપતા અમિત શાહે જણાવ્યું કે તમે કોઈ હિંદુ સાથે તસવીર લઈ દેખાડો.
મુસ્લિમ કાર્યકર ઝુલ્ફિકારની સાથે પીએમ મોદીની વાયરલ તસવીરનો મામલો
અમિત શાહનો ઔવેસીને જવાબ
હિંમત હોય તો તમે પણ કોઈ હિંદુ સાથે તસવીર લઈને દેખાડો.
મુસ્લિમ કાર્યકરની મોદી સાથેની તસવીર વાયરલ થયા બાદ એઆઈએમઆઈએમના પ્રમુખ અસદુદ્દીન ઓવૈસીએ પીએમ મોદીને ટોણો માર્યો હતો. ઓવૈસીને જવાબ આપતા શાહે કહ્યું કે હિંમત હોય તો તમે પણ કોઈ હિંદુ સાથે તસવીર લઈને દેખાડો.
યુવક પીએમના કાનમા કહી રહ્યો છે કે હું બાંગ્લાદેશી નથી-ઓવૈસીએ કર્યો હતો કટાક્ષ
ઉલ્લેખનીય છે આ તસવીર વાયરલ થયા બાદ ઓવૈસીએ કટાક્ષ કરતા જણાવ્યું હતું કે તે યુવક પીએમના કાનમા કહી રહ્યો છે કે હું બાંગ્લાદેશી નથી, હું કાગળ દેખાડવાનો નથી.
હું ઓવૈસીના દરેક સવાલનો જવાબ આપતો નથી
અમિત શાહને જ્યારે પ્રેસ કોન્ફરન્સમાં આ સવાલ કરાયો ત્યારે તેમણે કહ્યું કે હું ઓવૈસીના દરેક સવાલનો જવાબ આપતો નથી. ઓવૈસી પણ કોઈ હિંદુ સાથે તસવીર ખેંચીને દેખાડે. એક પ્રેસ કોન્ફરન્સમાં અમિત શાહે જણાવ્યું કે ત્રણ તબક્કામાં બંગાળની જનતાએ ભાજપને અભૂતપૂર્વ સમર્થન આપ્યું છે. અમારા અનુમાન પ્રમાણે, ભાજપ ત્રણ તબક્કામા 63 થઈ 68 બેઠકો પર વિજય મેળવશે.
ટીએમસીની વોટબેન્ક સરકી રહી છે
શાહે દાવો કર્યો કે જે રીતે ટીએમેસીએ લઘુમતી મતદાઓને એકજૂટ થઈને ટીએમસીને વોટ આપવાની અપીલ કરી છે તેમની વોટબેન્ક સરકી રહી છે. શાહે જણાવ્યું કે બંગાળની જનતા તમારે સામે એટલા માટે છે કે જે લાખા કરોડો શરણાર્થીઓ આવ્યાં છે તેમને નાગરિકતા આપવાનો કાયદો મોદી લાવ્યાં અને તમે તેનો વિરોધ કરી રહ્યાં છે. દીદી વારંવાર આરોપ લગાવી રહ્યા છે કે ગૃહમંત્રાલયના ઈશારે સીએપીએફ ચૂંટણીમાં અરાજકતા ફેલાવી રહી છે. પરંતુ દીદીને હું એક સામાન્ય બુદ્ધિની વાત સમજાવું કે જ્યારે સીએપીએફ ચૂંટણીના કામમાં લાગ્યા હોય ત્યારે તેમની પર ગૃહમંત્રાલયનો કોઈ કન્ટ્રોલ રહેતો નથી.