સૌજન્ય સંદેશ / પીએમ મોદીએ ટ્રમ્પ દંપત્તિને ઠીક થવાની પાઠવી શુભેચ્છા, રાષ્ટ્રપતિ કોવિંદે પણ કહ્યું આવું

• રાષ્ટ્ર્રપતિ ડોનાલ્ડ ટ્રમ્પ કોરોના પોઝીટીવ થયા 
• પત્ની મેલાનિયા ટ્રમ્પ પણ થયા સંક્રમિત 
• પીએમ મોદી અને પ્રમુખ કોવિંદે પાઠવ્યો સંદેશો 

અમેરિકામાં હાલ પ્રમુખ પદની ચૂંટણી માટેના પડઘમ વાગી રહ્યા છે, રિપબ્લિકન પાર્ટીમાંથી ડોનાલ્ડ ટ્રમ્પ અને ડેમોક્રેટિક પાર્ટીમાંથી જો બિડેન આમને સામને છે, ચૂંટણીને લઈને પ્રચાર શરુ થઈ ગયો છે, સર્વે પ્રમાણે પહેલાથી જ ડોનાલ્ડ ટ્રમ્પ સામે આ વખતે કપરા ચઢાણ છે, અને એમાં વધુ વધારો થયો હોવાનું લાગી રહ્યું છે. 

Wishing my friend @POTUS @realDonaldTrump and @FLOTUS a quick recovery and good health. https://t.co/f3AOOHLpaQ

— Narendra Modi (@narendramodi) October 2, 2020

પીએમ મોદીએ પાઠવી હતી શુભેચ્છાઓ 

પીએમ મોદી એ રાષ્ટ્રપતિ ટ્રમ્પ અને તેમના પત્ની મેલાનિયા ટ્રમ્પને કોરોના પોઝીટીવ આવ્યા બાદ તેમની જલ્દી રિકવરી અને પૂર્ણ સ્વસ્થ થવાની શુભકામનાઓ પાઠવી હતી. આ મુદ્દે તેમણે ટ્વીટ કરીને લખ્યું હતું કે,"મારા મિત્રને  @POTUS @realDonaldTrump અને @FLOTUS  ની ઝડપી રિકવરી અને સારા સ્વાસ્થ્યની શુભેચ્છા."

આ અગાઉ ટ્રમ્પ એ ટ્વિટ કર્યું હતું, "આજ રાત્રે , @FLOTUS અને હું COVID-19 થી પોઝીટીવ થયા છીએ.  અમે તરત જ અમારી કવોરરંટાઈન અને રિકવરી પ્રક્રિયા શરૂ કરીશું. અમે આમાંથી સાથે બહાર આવીશું."

ટ્રમ્પ ના સલાહકારનો રિપોર્ટ પોઝીટીવ આવ્યો હતો 

ટ્રમ્પના નજીકના સલાહકાર હોપ હિકસ નો કોરોના રિપોર્ટ પોઝીટીવ આવ્યો હતો, જે બાદ ટ્રમ્પ દંપત્તિ એ પણ કોરોના ટેસ્ટીંગ કરાવ્યું હતું જેમાં બંને રાષ્ટ્રપતિ ટ્રમ્પ અને ફર્સ્ટ લેડી મેલાનિયા ટ્રમ્પ નો રીપોર્ટ પણ પોઝીટીવ આવ્યો છે. 

I wish President Donald Trump @POTUS @realDonaldTrump and First Lady Melania Trump @FLOTUS a speedy recovery. Our prayers and best wishes are with you during this time.

— President of India (@rashtrapatibhvn) October 2, 2020

હિક્સની પ્રશંસા કરતાં ટ્રમ્પે પોસ્ટ કર્યું હતું કે, “હોપ હિક્સ, જેણે થોડો વિરામ લીધા વિના પણ ખૂબ મહેનત કરી છે, તેનું કોવિડ -19 માટે હમણાં જ પોઝીટીવ જાહેર થયા છે. ભયાનક! ફર્સ્ટ લેડી અને હું અમારા ટેસ્ટીંગ પરિણામની રાહ જોઈ રહ્યા છીએ. તે દરમિયાન, અમે અમારી ક્વોરનટાઈન પોસએસ શરૂ કરી દઇશું. 

નવેમ્બરના રાષ્ટ્રપતિની ચૂંટણી પહેલા રાષ્ટ્રપતિ ટ્રમ્પ માટે કોરોના વાયરસ રોગચાળા ને સંભાળવી એ મોટો મુદ્દો બનીને ઉભરી આવ્યો છે. મંગળવારે રાષ્ટ્રપતિની પહેલી ચર્ચા દરમિયાન, તેમની ડેમોક્રેટિક પાર્ટીના હરીફ, જો બિડેન દ્વારા તેમની આકરી ટીકા કરવામાં આવી હતી.

રાષ્ટ્રપતિ રામનાથ કોવિંદે પણ પાઠવી હતી શુભેચ્છા

રાષ્ટ્રપતિ રામનાથ કોવિંદે પણ ડોનાલ્ડ ટ્રમ્પ ને શુભેચ્છાઓ પાઠવી હતી જેમાં તેમણે લખ્યું હતું કે,"હું રાષ્ટ્રપતિ ડોનાલ્ડ ટ્રમ્પ @POTUS @realDonaldTrump અને ફર્સ્ટ લેડી મેલાનીયા ટ્રમ્પ  @FLOTUS ને ઝડપથી રિકવરી આવે તેવી ઈચ્છા રાખું છું. અમારી પ્રાર્થના અને શુભેચ્છાઓ આ સમય દરમિયાન તમારી સાથે છે."