ડિપ્લોમસી / લગભગ દોઢ વર્ષના અંતરાલ પછી PM મોદીની પહેલી વિદેશ યાત્રા, ૨૬ માર્ચે લેશે આ દેશની મુલાકાત 

• પીએમ મોદી ૨૬ મી માર્ચે વિદેશ યાત્રાએ જશે
• કોરોનાના સમયગાળામાં પીએમ મોદીનો પ્રથમ વિદેશ પ્રવાસ 
• બાંગ્લાદેશ મુક્તિની ૫૦ મી વર્ષગાંઠમાં લેશે ભાગ

હાલમાં તંત્રના અધિકારીઓના જણાવ્યા અનુસાર, આ મુલાકાત દરમિયાન બંને દેશોના વડા પ્રધાન પશ્ચિમ બંગાળના ઢાકા અને ન્યૂ જલપાઈગુડી વચ્ચેની સીધી પેસેન્જર ટ્રેન સેવાને લીલી ઝંડી આપી શકે છે. મહત્વનું છે કે કોરોના સમયમાં ૨૦૨૦માં વડાપ્રધાન મોદી એક પણ દેશની વિદેશ મુલાકતે ગયા નથી માટે ૨૦૧૯ પછી આ બાંગ્લાદેશ યાત્રા વડા પ્રધાન નરેન્દ્ર મોદીની પહેલી વિદેશી યાત્રા હશે. 

આસામ અને બંગાળમાં ૨૭ મી માર્ચે પ્રથમ ચરણનું મતદાન છે 

૨૬ મી માર્ચના રોજ પીએમ મોદી ભારતના પાડોશ દેશ બાંગ્લાદેશની મુલાકાત લેશે,  27 માર્ચે પશ્ચિમ બંગાળમાં વિધાનસભાની ચૂંટણી માટે પ્રથમ તબક્કાના મતદાન યોજાશે. તે જ સમયે, 27 માર્ચે આસામ અને બંગાળમાં પ્રથમ તબક્કાનું મતદાન યોજાશે.

આ અગાઉ વડા પ્રધાન નરેન્દ્ર મોદીની બાંગ્લાદેશ પ્રવાસની તૈયારીઓ માટે વિદેશ પ્રધાન એસ જયશંકર ગુરુવારે બાંગ્લાદેશની રાજધાન ઢાકા પહોંચ્યા હતા. અહીં તેઓ બાંગ્લાદેશના વડા પ્રધાન શેખ હસીનાને મળ્યા. એસ. જયશંકરે ટ્વિટ કર્યું હતું કે, 'પીએમ મોદીનો અભિનંદન સંદેશ પહોંચાડ્યો. તેમનું (બાંગ્લાદેશના પીએમ શેખ હસીના)નું નેતૃત્વ આપણા સંબંધોને પ્રેરણા આપે છે. "

ભારતીય વિદેશમંત્રી બાંગ્લાદેશ પહોંચ્યા

બાંગ્લાદેશ પહોંચતા જ તેમના સમકક્ષ એકે અબ્દુલ મોમેને કુશમિટોલા એરફોર્સ બેઝ પર જયશંકરનું સ્વાગત કર્યું હતું. મોમેનના આમંત્રણ પર જયશંકર અહીં પહોંચ્યા. વડા પ્રધાન મોદી, 1971 માં બાંગ્લાદેશની મુક્તિની 50 મી વર્ષગાંઠની ઉજવણીમાં ભાગ લેવા 26 માર્ચે બે દિવસીય મુલાકાત પર અહીં આવશે. અધિકારીઓએ કહ્યું કે પીએમ મોદીની મુલાકાત દરમિયાન બંને દેશોના વડા પ્રધાન પશ્ચિમ બંગાળના ઢાકા અને ન્યૂ જલપાઈગુરી વચ્ચેની સીધી પેસેન્જર ટ્રેન સેવાને લીલી ઝંડી આપી શકે છે.

પીએમ મોદી અને વડા પ્રધાન હસીનાએ 17 ડિસેમ્બરના રોજ ડિજિટલ સમિટમાં ભાગ લીધો હતો, જેમાં તેઓએ હલ્દીબારી અને ચિલહાટી વચ્ચેની ટ્રેન સેવાને લીલીઝંડી આપી હતી. બાંગ્લાદેશના વિદેશ સચિવ મસૂદ બિન મોમેને જાન્યુઆરીમાં ભારતની મુલાકાત લીધી હતી અને આ દરમિયાન બંને પક્ષોએ મોદીની બાંગ્લાદેશ મુલાકાતના કાર્યક્રમની વિગતવાર ચર્ચા કરી હતી.