કોરોનાનાં સંક્રમણને વધતું અટકાવવા અને સમગ્ર દેશમાં રસીકરણ ઝડપી બને તે માટે પ્રાઇવેટ કંપનીઓની લઈ શકે મદદ
રસીકરણ અભિયાન બનશે વધુ ઝડપી
વૈજ્ઞાનિકોની સલાહ પર કામ કરી રહી છે કેન્દ્ર સરકાર
18 વર્ષથી વધુ વયના તમામ લોકો સુધી રસી પહોંચાડવાનો એક માત્ર વિકલ્પ
રસીકરણ અભિયાન બનશે વધુ ઝડપી
સૂત્રોના જણાવ્યા મુજબ સરકાર રસીકરણ અભિયાનને ઝડપી બનાવવા માંગે છે. આ માટે સરકાર માટે સ્વદેશી રસીનું ઉત્પાદન વધારવા સિવાય બીજી કોઈ વિકલ્પ નથી. આ વાતને ધ્યાનમાં લઈ કેન્દ્ર સરકાર અમુક સરકારી અને ખાનગી દવા કંપનીઓને જરૂરી લાઇસન્સ આપી રસી બનાવવાની મંજૂરી આપી શકે છે.
વૈજ્ઞાનિકોની સલાહ પર કામ કરી રહી છે કેન્દ્ર સરકાર
રસીકરણની ઝડપ વધારવા માટે સરકાર ઘણી બધી યોજનાઓ પર કામ કરી રહી છે. જેમાં કોવેક્સિન રસીનું ઉત્પાદન વધારવા માટે અમુક સરકારી અને ખાનગી કંપનીઓને પરવાનગી આપશે. સૂત્રોનું માનીએ તો ઉચ્ચ સ્તર પર આ વાત પર વિચાર વિમર્શ ચાલી રહ્યા છે. અને રસીકરણ સાથે જોડાયેલા વૈજ્ઞાનિકોની સલાહ પણ આ દિશામાં જ છે. જો બધુ બરાબર રહ્યું તો જલ્દી જ આ વાતની ઘોષણા કરવામાં આવશે. હકીકત એ છે કે ઓક્સિજનની સાથે સાથે દેશમાં રસીની પણ અછત છે.
રિપોર્ટ અનુસાર કેન્દ્ર સરકાર પાસે રસીની પેટન્ટ માટેનાં જે કાયદાકીય હકો છે તે અધિકાર સાથે તેઓ રસીનું નિર્માણ કરવા માટે કોઈ પણ બીજી કંપનીને નિર્માણ કરવા માટેની પરવાનગી આપી શકે છે. જેથી ઉત્પાદન વધારી શકાય. આ આધારે જ સરકાર બીજી કંપનીઓને રસી બનાવવાની મંજૂરી આપી શકે છે.
18 વર્ષથી વધુ વયના તમામ લોકો સુધી રસી પહોંચાડવાનો એક માત્ર વિકલ્પ
સૂત્રોનું કહેવું છે સરકાર હાલ માત્ર રસીકરણ અભિયાનને કઈ રીતે વધારવું તેને પ્રાથમિકતા આપી રહી છે. અને આ સમયે રસીનું ઉત્પાદન વધારવા સિવાય સરકાર પાસે કોઈ જ વિકલ્પ નથી. જેના માટે સરકાર હવે અન્ય કંપનીઓને પણ જરૂરી લાઇસન્સ આપી રસી બનાવવા માટે આદેશ આપી શકે છે. તમને જણાવી દઈએ કે 18 વર્ષથી ઉપરના લોકો માટે રસી આપવાનું શરૂ થયું ત્યારથી જ દેશમાં રસીની અછત વર્તાઇ રહી છે.