કાર્યક્રમ / 7 દિવસનાં 'મતુઆ ધર્મ મહા મેળા'ને આજે PM મોદી કરશે સંબોધિત, જાણો આ સમુદાય વિશે

• PM મોદી 'મતુઆ ધર્મ મહા મેળા'ને કરશે સંબોધિત
• PM મોદીએ ગઇ કાલે કર્યું હતું ટ્વિટ
• શ્રી શ્રી હરિચંદ ઠાકુરની 211મી જન્મજયંતિ નિમિત્તે આયોજન

વડાપ્રધાન કાર્યાલય (PMO) દ્વારા સોમવારે જારી કરાયેલા એક નિવેદનમાં કહેવામાં આવ્યું હતું કે, 'ઠાકુરે આઝાદી પૂર્વેના અવિભાજિત પોતાનું સમગ્ર દલિત લોકો તેમજ દલિત લોકોની સુધારણા માટે સમર્પિત કર્યું હતું. તેમના દ્વારા હાલના બાંગ્લાદેશમાં આવેલ ઓરકાંડીમાં વર્ષ 1860માં શરૂ થયેલ સામાજિક અને ધાર્મિક ચળવળમાંથી માતુઆ ધર્મની સ્થાપના કરવામાં આવી હતી.'

અખિલ ભારતીય મતુઆ મહાસંઘે 'મતુઆ ધર્મ મહામેળા-2022' દ્વારા 29 માર્ચથી 5 એપ્રિલ વચ્ચે આયોજન કરવામાં આવ્યું છે. PM મોદીએ ટ્વિટ કરીને રેખાંકિત કર્યું છે કે, વર્ષ 2019માં તેઓને ઠાકુરનગર જવાનો મોકો મળ્યો. તેમણે જણાવ્યું કે, "હું આ પ્રવાસને ક્યારેય ભૂલી શકતો નથી. એ ખૂબ વિશેષ ઘટના હતી કે જ્યારે બોરો માં બિનાપાની ઠાકુરના મને આશિર્વાદ મળ્યાં.' આ સાથે વડાપ્રધાને ગયા વર્ષે જ બાંગ્લાદેશની તેમની યાત્રા દરમિયાન ઓરકાંડી ઠાકુરબાડીમાં આપેલા ભાષણની લિંક પણ શેર કરી છે.

PM મોદીએ ગઇ કાલે કર્યું હતું ટ્વિટ

I am honoured to be addressing the Matua Dharma Maha Mela 2022 at 4:30 PM tomorrow, 29th March. We shall also mark the Jayanti of the great Sri Sri Harichand Thakur Ji, who devoted his entire life for social justice and public welfare. https://t.co/1DJaRpqLK9

— Narendra Modi (@narendramodi) March 28, 2022

જાણો કોણ છે હરિચંદ ઠાકુર?

શ્રી શ્રી હરિચંદ ઠાકુરે દેશની આઝાદી પૂર્વેના સમયગાળામાં અવિભાજિત બંગાળમાં દલિત, દલિત અને પાયાની સુવિધાઓથી વંચિત લોકોની સુધારણા માટે પોતાનું જીવન સમર્પિત કર્યું હતું. તેમના દ્વારા શરૂ કરાયેલ સામાજિક અને ધાર્મિક ચળવળ વર્ષ 1860 માં ઓરકાંડી (હવે બાંગ્લાદેશમાં) થી શરૂ થઈ અને પછી માતુઆ ધર્મની સ્થાપનામાં પરિણમ્યું. આ મેળામાં આસામ, કર્ણાટક અને ઉત્તરાખંડના લોકો આવશે. આસામ અને નોર્થ ઈસ્ટ રાજ્યોમાં પણ માતુઆ સમુદાયના ઘણાં લોકો રહે છે. આ બધાને ધ્યાનમાં રાખીને રેલવેએ પહેલેથી જ સ્પેશિયલ ટ્રેનો ચલાવવાની જાહેરાત કરી દીધી છે.