IPLIN
 
  • Home
  • India
  • pm modi welcomes rafale jet with swagatam tweet

આગમન / 'ગેમચેન્જર રાફેલ'ની ભારતમાં લેન્ડીંગ પર આગવા અંદાજમાં PM મોદીએ કહ્યું 'સ્વાગતમ્'

Team VTV 05:24 PM, 29 Jul 20
Follow us
pm modi welcomes rafale jet with swagatam tweet

આજે દુશ્મનોના કાળ એવા રાફેલે ભારતમાં લેન્ડીંગ કરી લીધું છે. અંબાલા એરબેઝ પર પાંચ રાફેલ ફાઈટર જેટ આવી ગયા છે ત્યારે દેશભરમાં નાગરિકો ગર્વની લાગણી અનુભવી રહ્યા છે ત્યારે વડાપ્રધાન મોદીએ પણ ટ્વિટ કરીને આનંદ વ્યક્ત કર્યો છે. 

  • અંબાલા એરબેઝ પર પહોંચ્યા રાફેલ વિમાન, વોટર કેનનથી થયું સ્વાગત 
  • રાફેલ વિમાનના સ્વાગતમાં પીએમ મોદીએ કહ્યું : રાષ્ટ્ર રક્ષા સમાન કોઈ યજ્ઞ નહીં, રાષ્ટ્ર રક્ષા સમાન કોઈ વ્રત નહીં
  • અંબાલામાં રાફેલના ટચડાઉનનો વીડિયો શેર કરીને પીએમ મોદીએ કહ્યું : સ્વાગતમ 

ટ્વિટ કરીને કર્યું સ્વાગત 

પાંચ રાફેલ ફાઈટર જેટ આજે ફ્રાંસથી ભારત આવી ગયા છે. વિમાનોએ ભારતની ધરતી પર લેન્ડિંગ કરતાની સાથે જ દેશભરના લોકોમાં ગર્વની લાગણી જોવા મળી રહી છે. વડાપ્રધાન મોદીએ ટચડાઉનનો વીડિયો શેર કર્યો અને સંસ્કૃતમાં ટ્વિટ કરીને કહ્યું ''राष्ट्ररक्षासमं पुण्यं, राष्ट्ररक्षासमं व्रतम्, राष्ट्ररक्षासमं यज्ञो, दृष्टो नैव च नैव च.. नभः स्पृशं दीप्तम्...स्वागतम्!''. જેનો અર્થ થાય છે કે 'રાષ્ટ્ર રક્ષા સમાન કોઈ પુણ્ય નહીં, રાષ્ટ્ર રક્ષા સમાન કોઈ યજ્ઞ નહીં, રાષ્ટ્ર રક્ષા સમાન કોઈ વ્રત નહીં' તેમણે એરફોર્સનું આદર્શ વાક્ય 'नभः सदृशं दीप्तम्' સાથે સ્વાગતમ્ પણ લખ્યું હતું. 

અમિત શાહે પણ કર્યું ટ્વિટ 

ગૃહમંત્રી અમિત શાહે પણ રાફેલના ભારત આવવા પર ખુશી વ્યક્ત કરી છે. રાફેલનું સ્વાગત કરવા દેશના ગૃહમંત્રીએ અમિત શાહે પણ ટ્વિટ કર્યું હતું. તેમણે કહ્યું કે મને રાફેલનું ટચડાઉન થવું એ એરફોર્સ માટે ઐતિહાસિક દિવસ છે અને ભારત માટે ગૌરવની પળ છે. આ દુનિયાની સૌથી શક્તિશાળી મશીનો છે જે નભમાં કોઈ પણ પડકારનો સામનો કરી શકે છે. મને વિશ્વાસ છે કે વર્લ્ડ ક્લાસ ફાઈટર જેટ ગેમ ચેન્જર સાબિત થશે. પીએમ મોદી, રક્ષા મંત્રી રાજનાથ સિંહ, વાયુસેના અને આખા દેશને શુભકામનાઓ. 

જેની આતુરતાથી જોવાઇ રહી હતી રાહ તેવા રાફેલ વિમાનોએ આજે ભારતમાં પ્રવેશ કર્યો છે. ઉલ્લેખનીય છે કે, આ વિમાનો ફ્રાન્સથી 2 દિવસ પહેલા ઉડાન ભરી હતી અને આજે ભારત ખાતે આવી પહોંચ્યા હતા. અંબાલા એરબેઝ પર પહોંચતા જ તેમને વોટર સેલ્યૂટ આપવામાં આવ્યું. 

રાફેલની તાકાત : 
 

નરેન્દ્ર મોદી Narendra Modi PM modi Rafale Jet amit shah
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ