ગાંધીનગરથી PM મોદીએ દેશ વ્યાપી 'કેટાલાઈઝીંગ ન્યૂ ઇન્ડિયાઝ ટેકેડ’ થીમ પર આધારિત ‘ડિજિટલ ઈન્ડિયા વીક 2022’નો શુભારંભ કરાવ્યો
ડિઝિટલ ભારત સપ્તાહનો પ્રારંભ
ગાંધીનગર મહાત્મા મંદિરમાં કાર્યક્રમનું થયું હતું આયોજન
મહાત્મા મંદિર, ગાંધીનગર ખાતેથી વડાપ્રધાન નરેન્દ્રભાઈ મોદીએ “ડિજિટલ ઇન્ડિયા વીક -૨૦૨૨”નો દેશવ્યાપી શુભારંભ કરાવ્યો. ‘કેટાલાઈઝીંગ ન્યૂ ઇન્ડિયાઝ ટેકેડ’ થીમ પર આધારિત કાર્યક્રમ આજથી 9 જુલાઈ સુધી ચાલશે. જેમાં 200થી વધુ સ્ટોલ સાથેના ડિજિટલ મેળાનું આયોજન કરવામા આવ્યું છે.
PM મોદીનું સંબોધન
ગુજરાતથી પ્રધાનમંત્રી નરેન્દ્ર મોદીએ ડિજિટલ ઇન્ડિયા વિકનો પ્રારંભ કરાવતા કહ્યું કે સમયની સાથે જે દેશ આધુનિક ટેક્નોલોજીને નથી અપનાવતો તે પાછળ રહી જાય છે.આજે આપણે ગર્વથી કહી શકીએ છીએ કે ભારત ચોથી ઔદ્યોગિક ક્રાંતિ લાવી ચૂક્યું છે. વધુમા કહ્યું કે આજે ભારત ગર્વથી કહી શકે છે હિન્દુસ્તાન દુનિયાને દિશા બતાવી રહ્યું છે. મને એ વાતની ખુબ ખુશી છે કે ગુજરાતે આમાં પણ પથપદર્શકની ભૂમિકા નિભાવી છે. ટેક્નોલોજીનો સાચો ઉપયોગ સમગ્ર માનવ જાત માટે કેટલો લાભદાયી છે તેનું ઉદાહરણ ડિજિટલ ઇન્ડિયા રૂપે ભારતે સમગ્ર વિશ્વની સામે રાખ્યું છે
આ બધા બૂચ વાગી જાય તો હોબાળો થાય જ ને, PM મોદી આટલું બોલ્યા ને તાળીઓ પડવા લાગી. ગાંધીનગરમાં ડિજિટલ ઈન્ડિયા વીકના પ્રારંભ સમયે PM મોદીએ વિધવા પેન્શન યોજનાની શરૂઆત કરી તે વિશે વાત કરી હતી. આ પ્રસંગે PM મોદીએ 7 મહત્વની ડિજિટલ સેવાની શરૂઆત કરાવી હતી.#PMModi#DigitalIndiaWeek2022pic.twitter.com/q2k82pUaOQ
— VTV Gujarati News and Beyond (@VtvGujarati) July 4, 2022
લાઈનોનું સમાધાન બધુ ઑનલાઇન કરીને કરી નાખ્યું: PM મોદી
માત્ર 8 -10 વર્ષ પહેલાની સ્થિતિને યાદ કરો, જન્મ સર્ટીફીકેટ, બિલ લાઇન, રાશન લાઇન, એડમિશન લાઇન, રિઝલ્ટ-સર્ટિફિકેટ લાઇન, બેન્કોમાં લાઇન, આ તમામ લાઇનોનું સમાધાન ભારતે ઓનલાઇન થઇને કરી નાખ્યું
ગુજરાતથી ડિજિટલ ઇન્ડિયા વિકનો પ્રારંભ, PM મોદીએ કહ્યું- માત્ર 7-10 વર્ષ પહેલાની સ્થિતિને યાદ કરો, જન્મ સર્ટીફીકેટ માટે લાઇન, બિલ માટે લાઇન, રાશન માટે લાઇન, એડમિશન માટે લાઇન, રિઝલ્ટ-સર્ટિફિકેટ માટે લાઇન, બેન્કોમાં લાઇન, આ તમામ લાઇનોનું સમાધાન ભારતે ઓનલાઇન થઇને કરી નાખ્યું#PMModipic.twitter.com/D9uobMQyGo
— VTV Gujarati News and Beyond (@VtvGujarati) July 4, 2022
લાભાર્થીને DBTથી ફાયદો જ ફાયદો: PM મોદી
DBTના માધ્યમથી 8 વર્ષમાં 23 લાખ કરોડ રૂપિયા સીધા લાભાર્થીના ખાતામાં નાખ્યા, આ ટેકનોલોજીના ઉપયોગથી જ 2 લાખ 23 હજાર કરોડ રૂપિયા ખોટા હાથમાં જતા બચ્યા. છેલ્લા આઠ વર્ષમાં ડિજિટલ ઈન્ડિયા કાર્યક્રમના કારણે જે સામર્થ્ય ઉતત્પન થયું છે. આ કોરોનાની વૈશ્વિક મહામારીના મુકાબલામાં ભારતને સારી મદદ મળી: PM મોદી
FinTech का प्रयास सही मायने में by the people, of the people, for the people समाधान है।
इसमें जो टेक्नॉलॉजी है वो भारत की अपनी है यानि by the people
देशवासियों ने इसे अपने जीवन का हिस्सा बनाया यानि of the people
इसने देशवासियों के लेनदेन को आसान बनाया यानि for the people: PM
— VTV Gujarati News and Beyond (@VtvGujarati) July 4, 2022
રોજિંદી જીવનશૈલીને સરળ બનાવતા વિવિધ ડિજિટલ સોલ્યુશન્સનું પ્રદર્શન હવે લોકો માટે ખુલ્લુ મુકાયું છે.5 અને 6 જુલાઈએ તકનિકી કૌશલ્યનું પ્રદર્શન વૈશ્વિક સ્તરે પ્રદર્શિત કરાશે, 7થી 9 જુલાઈ સુધી ડિજિટલ નોલેજનું આદાન-પ્રદાન થશે.આ લોન્ચિંગ કાર્યક્રમ વખતે મુખ્યમંત્રી ભૂપેન્દ્ર પટેલ, કેન્દ્રીય મંત્રી અશ્વિની વૈષ્ણવ અને કેન્દ્રીય રાજ્ય મંત્રી રાજીવ ચંદ્રશેખર ઉપસ્થિત રહ્યા છે.
— VTV Gujarati News and Beyond (@VtvGujarati) July 4, 2022
PM મોદીનુંઅમદાવાદ એરપોર્ટ પર સ્વાગત
PM મોદીના હસ્તે આજે ડિજિટલ ઇન્ડિયા વીકનો દેશવ્યાપી શુભારંભ થશે. આ લોન્ચિંગ કાર્યક્રમ માટે આજે PM મોદી ગુજરાતના ટુંકા પ્રવાસે છે. CM ભૂપેન્દ્ર પટેલે તેમનું એરપોર્ટ પર સ્વાગત કર્યું હતું.ભાજપ પ્રદેશ અધ્યક્ષ સી આર પાટીલ પણ હાજર હતા.
ગુજરાતની મુલાકાતે પધારેલા આદરણીય પ્રધાનમંત્રી શ્રી નરેન્દ્રભાઈ મોદીજીનું અમદાવાદ એરપોર્ટ ખાતે ભાવભર્યું સ્વાગત કર્યું. pic.twitter.com/yVFHUT37cU
PM મોદી 3: 30 વાગ્યે અમદાવાદ એરપોર્ટ પહોંચ્યા હતા, જ્યાંથી તેઓ ગાંધીનગર જવા રવાના થયા છે. 4:30 વાગ્યે ડિજિટલ ઈન્ડિયા વીક 2022ના દેશવ્યાપી લોન્ચિંગ કાર્યક્રમમાં હાજર રહેશે.
શું છે સમગ્ર કાર્યક્રમ
ડિજિટલ ઇન્ડિયા વીક-૨૦૨૨ની ઉજવણી અંતર્ગત મહાત્મા મંદિર ગાંધીનગર ખાતે તા. ૪થી ૬ જુલાઈ દરમિયાન વિવિધ કાર્યક્રમોનું આયોજન કરવામાં આવ્યું છે, જે અંતર્ગત ડિજિટલ ઈન્ડિયાની વર્ષગાંઠની ઉજવણી કરાશે તથા આધાર, યુપીઆઈ, કૉ-વિન, ડિજિલૉકર જેવા જાહેર ડિજિટલ પ્લેટફોર્મ મારફત નાગરિકોને સરળતાથી સેવા મળી રહે તે અંગેની જાણકારી આપતું પ્રદર્શન યોજાશે. આ ઉપરાંત ટેકનોલૉજીના વિવિધ પ્લેટફોર્મ થકી ભારતવાસીઓને મળતી સુવિધાઓના લાભો અંગેનું તકનીકી કૌશલ્યનું પ્રદર્શન વૈશ્વિક સ્તરે પ્રદર્શિત કરાશે. તેમજ આવનારી પેઢી માટે ડિજિટલ માધ્યમ થકી રોજગારીની કેવી તકોનું નિર્માણ થઈ શકે તે માટે પણ ચર્ચા થશે. આ ઉપરાંત સ્ટાર્ટઅપ, સરકાર, ઉદ્યોગ અને શૈક્ષણિક સંસ્થાઓની જનભાગીદારી થકી ૨૦૦થી વધુ સ્ટોલ સાથેનો ડિજિટલ મેળો યોજાશે, જેમાં રોજિંદી જીવનશૈલીને સરળ બનાવતા વિવિધ ડિજિટલ સોલ્યુશન્સ અંગેનું પ્રદર્શન કરવામાં આવશે. વધુમાં, ભારતીય યુનિકોર્ન્સ અને સ્ટાર્ટઅપ્સ દ્વારા વિકસાવવામાં આવેલા વિવિધ ટેકનોલૉજી આધારિત સોલ્યુશન્સ પણ તા. ૭થી ૯ જુલાઈ દરમિયાન વર્ચ્યુઅલ મોડમાં યોજાશે, જેમાં વિવિધ ક્ષેત્રના નિષ્ણાંતો દ્વારા ડિજિટલ નોલેજનું આદાન-પ્રદાન કરાશે.
ડિજિટલ ઈન્ડિયા મિશન
પ્રધાનમંત્રી દ્વારા શરૂ કરવામાં આવનાર ‘ડિજિટલ ઈન્ડિયા ભાષિની’ પહેલ થકી દેશની વિવિધ ભાષાઓમાં વૉઇસ-આધારિત ઍક્સેસથી ભારતીય ભાષાઓમાં કન્ટેન્ટના નિર્માણમાં ઈન્ટરનેટ અને ડિજિટલ સેવાઓની સરળ પહોંચને વધુ મજબૂત કરાશે. ભારતીય ભાષાઓ માટે આર્ટિફિશિયલ ઇન્ટેલિજન્સ આધારિત ભાષા ટેક્નોલોજીકલ સોલ્યુશન્સથી વધુને વધુ નાગરિકો જોડવામાં સરળતા થશે. પ્રધાનમંત્રી ‘ડિજિટલ ઈન્ડિયા જેનિસિસ (ઈનોવેટિવ સ્ટાર્ટઅપ માટે જનરલ નેક્સ્ટ સપોર્ટ)’ રાષ્ટ્રીય ડીપ-ટેક સ્ટાર્ટઅપ પ્લેટફોર્મ છે, જે ભારતના ટિયર-II અને ટિયર-III શહેરોમાં શરૂ થયેલા પ્રતિભાવાન સ્ટાર્ટઅપ્સને શોધીને તેને એક સફળ સ્ટાર્ટઅપ બનાવવા અને તેના વિકસાવવામાં પણ મદદરૂપ થશે. જે માટે અંદાજે રૂ. ૭૫૦ કરોડ ખર્ચની પરિકલ્પના કરવામાં આવી છે. ‘ઇન્ડિયાસ્ટેક ગ્લોબલ’ એ આધાર, યુ.પી.આઈ, ડિજીલોકર, કો-વીન વેક્સિનેશન પ્લેટફોર્મ, ગવર્નમેન્ટ, ઈ-માર્કેટપ્લેસ(GeM), DIKSHA પ્લેટફોર્મ અને આયુષ્માન ભારત ડિજિટલ હેલ્થ મિશન જેવા ઈન્ડિયા સ્ટેક હેઠળ અમલમાં મૂકાયેલા મુખ્ય પ્રોજેક્ટ્સનું કેન્દ્રબિંદુ ગણાય છે. ‘માય-સ્કીમ’ પ્લેટફોર્મ એક સામાન્ય નાગરિકને સરકારી યોજનાઓ વિશેની માહિતી, યોજનાનો લાભ લેવાની પ્રક્રિયા વગેરેની માહિતી પ્રદાન કરશે. જેનો ઉદ્દેશ્ય “વન-સ્ટોપ સર્ચ એન્ડ ડિસ્કવરી”નો છે જ્યાં લાભાર્થીઓ કઇ સરકારી યોજનાઓ લાભ લેવા માટે તેઓ લાયક છે તે સરળતાથી શોધી શકે તેવો છે.
ભારત સેમિકન્ડક્ટર ચિપ્સ મિશન
આ ઉપરાંત, ‘મેરી પહેચાન- નેશનલ સિંગલ સાઈન-ઓન ફોર વન સિટીઝન લોગિન’ની સુવિધા પણ દેશના નાગરિકોને સમર્પિત કરવામાં આવનાર છે. નેશનલ સિંગલ સાઇન-ઓન એ એક યુઝર ઓથેન્ટીકેશન સેવા છે, જેમાં વિવિધ ઓળખપત્રો બહુવિધ ઑનલાઇન એપ્લિકેશનો અથવા સેવાઓની પહોંચ સુનિશ્ચિત કરશે.‘ચિપ્સ ટુ સ્ટાર્ટઅપ(C2S)’ નામની અન્ય પહેલ હેઠળ સહાયિત થનારી ૩૦ સંસ્થાઓના પ્રથમ સમૂહની પણ જાહેરાત કરાશે. C2S પ્રોગ્રામનો મુખ્ય હેતુ સેમિકન્ડક્ટર ચિપ્સ ડિઝાઇનના ક્ષેત્રે સ્નાતક, અનુસ્નાતક અને સંશોધનના સ્તરે જ વિશેષ માનવશક્તિને તાલીમ આપી દેશમાં જ સેમિકન્ડક્ટર ડિઝાઇન સાથે સંકળાયેલા સ્ટાર્ટ-અપ્સના વિકાસ માટે પ્રોત્સાહન આપવાનો છે. આ પહેલ સેમિકન્ડક્ટર્સમાં ડિઝાઇન ઇકોસિસ્ટમને મજબૂત બનાવવા માટેના ‘ભારત સેમિકન્ડક્ટર મિશન’નો એક મહત્વનો ભાગ છે.