પાંચ રાજ્યોમાં વિધાનસભાની ચૂંટણીના પરિણામો બાદ પીએમ મોદીનો રોડ શો, અમદાવાદ એરપોર્ટથી કમલમ સુધી રોડ શોની ઝલક
અમદાવાદના આંગણે પીએમ મોદી
પીએમને જોવા લાખોની જનમેદની ઉમટી
રોડ શોમાં ઉમળકાભેર સ્વાગત
અમદાવાદના આંગણે અનેરો અવસર જાણે આવ્યો હોય તેવો માહોલ જોવા મળી રહ્યો છે, બે વર્ષ બાદ પીએમ મોદી અમદાવાદ આવ્યા છે તેની ખુશી દરેક ગુજરાતીઓના ચહેરા પર જોવા મળી રહી છે. એરપોર્ટ પરથી કમલમ સુધી પીએમ મોદીનો રોડ શો યોજાયો. તેમની એક ઝલક જોવા લોકો પડાપડી કરી રહ્યા છે. લોકોમાં એક અલગ જ ઉત્સાહ જોવા મળી રહ્યો છે. તો સામે પીએમ મોદી પણ લોકોનું હસતા મોઢે અભિવાદન ઝિલતા જોવા મળી રહ્યા છે.
પીએમ મોદીનો અનોખો અંદાજ
વ઼ડાપ્રધાન નરેન્દ્ર મોદી પોતાના લુક અને ડ્રેસિંગને લઇને ચાહકોના મનમાં એક અલગ જ છાપ છોડી જાય છે. ત્યારે આ વખતે ગુજરાત મુલાકાતમાં તેમણે સિમ્પલ પહેરવેશમાં જોવા મળ્યા. સફેદ ઝભ્ભો, લાલ ટોપી અને સફેદ ખેસ સાથે ગોગલ્સ પહેરેલા જોવા મળ્યા.
વી ફોર વિક્ટરીનો સિમ્બોલ
જ્યારથી રોડ શોની શરુઆત થઇ ત્યારથી પીએમ મોદીના ચહેરા પર ખુશીની લહેર જોવા મળી રહી હતી. ચાર રાજ્યોમાં જીતની ખુશીની આ લહેર લોકોમાં પણ જોવા મળી. મોદી મોદીના નારા સાથે રોડ રસ્તા ગુંજી ઉઠ્યા. તો પીએમ મોદી પણ શરુઆતથી જ વિક્ટરી સિમ્બોલ બતાવતા જોવા મળ્યા.
બંને હાથે ઝિલ્યુ અભિવાદન
ગુજરાત વિધાનસભાની ચૂંટણી આવી રહી છે ત્યારે દરેક લોકો સુધી પહોંચવા માટે પીએમ મોદીએ આ રોડ શોનું આયોજન કર્યુ છે. બાળકો સાથે લાખોની જનમેદની આવી પહોંચી છે. 50 જેટલા સ્ટેજ બનાવવામાં આવ્યા છે. નૃત્ય અને સંગીત દ્વારા તેમનું સ્વાગત કરવામાં આવી રહ્યુ છે. ત્યારે પીએમ મોદી પણ બંને હાથે લોકોનું અભિવાદન ઝીલતા જોવા મળી રહ્યા છે.
ફુલો વરસાવીને કર્યુ સ્વાગત
પીએમ મોદીનો કાફલો કમલમ જવા રવાના થઇ ગયો છે.એરપોર્ટથી કમલમ સુધી રોડ શોનું આયોજન કરવામાં આવ્યુ છે . ત્યારે પીએમના સ્વાગત માટે ફુલો વરસાવીને સ્વાગત કરવામાં આવી રહ્યું છે. ભારત માતાકી જય અને વંદેમાતરમના નારા સાથે લોકો પીએમને હસતા મોઢે આવકાર આપી રહ્યા છે.
આહીર સમાજની બાળાઓની વેશભૂષા
તો બીજી તરફ ગીર સોમનાથની આહીર સમાજની બાળાઓ પરંપરાગત પોશાકમાં સજ્જ થઇને આવી હતી. તેઓ ફુલ વરસાવીને પીએમ મોદીનું સ્વાગત કરવા આતુર જણાઇ હતી.પરંપરાગત વેશમાં આહીર સમાજની બાળા દ્વારા પીએમ મોદીનું સ્વાગત કરવા માટે તૈયાર જોવા મળી હતી.
— VTV Gujarati News and Beyond (@VtvGujarati) March 11, 2022
ગુજરાતીઓ ગરબા કર્યા વિના રહે ખરા ?
રોડ શોના આયોજનમાં પીએમ મોદીનું ઉમળકાભેર સ્વાગત કરવામાં આવ્યુ. અને રહ્યા આપણે પાછા ગુજરાતી. તો રોડ શો ગરબા વિના તો અધુરો જ ગણાય ને. ત્યારે રોડ શોમાં પણ લાઇવ મ્યુઝિક પર ગુજરાતીઓ ગરબા ગાતા જોવા મળ્યા.
SPG કમાન્ડરોનો પરસેવો છૂટી ગયો
રોડ શોમાં લાખોની સંખ્યામાં લોકો ઉમટી પડ્યા હતા. જનમેદની વચ્ચે પીએમ મોદીની એન્ટ્રી થતા માહોલ આખો ચીચીયારીઓથી ગુંજી ઉઠ્યો. પીએમ મોદી સહિત કાર્યકરો અને લોકોમાં ભારે હરખની લાગણી જોાવા મળી હતી પરંતુ એસપીજી કમાન્ડોના તો પરસેવા છૂટી ગયા. પીએમ મોદીની સુરક્ષાનું ધ્યાન રાખવા કમાન્ડો રીતસરના ગાડી સાથે દોડતા નજરે પડ્યા
જય જય શ્રી રામના નારા લાગ્યા
અમદાવાદમાં PM મોદીને જોતાં જ કાર્યકરોએ જય શ્રીરામના નારા લગાવ્યા. 9 કિમી લાંબા આ રોડ શોમાં હાજર જનમેદનીમાં હર્ષની લાગણી જોવા મળી હતી.
મહિલાઓએ પહેરી કેસરી ટોપી
રોડ શોમાં નાના બાળકોથી માંડીને સૌ કોઇમાં એક હરખની લાગણી જોવા મળી હતી. ત્યારે જેમ પીએમ મોદીએ લાલ રંગની ટોપી પહેરી હતી તેવી જ ટોપી મહિલાઓ પણ રોડ શોમાં પહેરેલી નજરે પડી હતી. મહિલાઓ કેસરી ટોપી પહેરીને ભારત માતાકી જયના નારા લગાવતી જોવા મળી હતી.
યુવક રંગાયો તિરંગામાં
પીએમ મોદી હંમેશા યુથને વધારે પ્રોત્સાહન પુરુ પાડે છે. ત્યારે તેઓના સ્વાગતમાં યુથ દ્વારા અનોખી રીતે ઉત્સાહ દર્શાવ્યો હતો. યુવતીઓ ગાલ પર તિરંગાનું ટેટુ કરીને આવી હતી. તો બીજી તરફ એક યુવાને આખા શરીર પર તિરંગાનું પેઇન્ટિંગ કરાવ્યુ હતું. જે આખા રોડ શોમાં આકર્ષણનું કેન્દ્ર બન્યો હતો.