પ્રધાનમંત્રી નરેન્દ્ર મોદીએ માર્ચ 2015 થી નવેમ્બર 2109 દરમિયાન કુલ 58 દેશોની મુલાકાત લીધી હતી અને આ મુલાકાતો પર કુલ 517.82 કરોડ રૂપિયા ખર્ચવામાં આવ્યા હતા. મંગળવારે સંસદમાં આ માહિતી આપવામાં આવી હતી.
PM મોદીની વિદેશ યાત્રાનો ખર્ચ
500 કરોડથી વધુનો ખર્ચ
517.82 કરોડનો કુલ ખર્ચ કર્યો
ઉલ્લેખનીય છે કે, રાજ્યસભાના પ્રશ્નના લેખિત જવાબમાં, વિદેશ રાજ્યમંત્રી વી મુરલીધરને એમ પણ કહ્યું હતું કે વડા પ્રધાનની આ મુલાકાતોથી દ્વિપક્ષીય, પ્રાદેશિક અને વૈશ્વિક મુદ્દાઓ પર ભારતના અભિગમ વિશેના અન્ય દેશોની સમજમાં વધારો થયો છે અને સંબંધો મજબૂત થયા છે.
2015 થી આજ સુધીમાં 58 દેશોની લીધી મુલાકાત
રાષ્ટ્રવાદી કોંગ્રેસ પાર્ટીના ફૌઝિયા ખાન સરકાર પાસેથી જાણવા માગે છે કે 2015 થી આજ સુધી પ્રધાનમંત્રીએ કેટલા દેશોની મુલાકાત લીધી છે અને આ મુલાકાતો પર કુલ ખર્ચ થયો છે. તેના જવાબમાં મુરલીધરને કહ્યું, '2015 થી પ્રધાનમંત્રીએ 58 દેશોની મુલાકાત લીધી છે. આ યાત્રાઓ પર કુલ 517.82 કરોડ રૂપિયા ખર્ચ કરવામાં આવ્યા છે.
વિદેશ રાજ્યમંત્રીએ જણાવ્યું હતું કે, પ્રધાનમંત્રીની વિદેશ યાત્રાઓ દરમિયાન તેમના દ્વારા કરવામાં આવેલ પારસ્પરિક વિચાર-વિમર્શથી દ્વીપક્ષીય,ક્ષેત્રીય અને વૈશ્વિક મુદ્દાઓ પર ભારતના દ્રષ્ટીકોણ વિશે અન્ય રાષ્ટ્રોની સમજણ વધી છે અને આ વાતચીતથી વેપાર, રોકાણ, સામુદ્રિક સહયોગ, અંતરિક્ષ, સંરક્ષણ સહયોગ અને લોકોની વચ્ચે પરસ્પર સંપર્કો સહિત અનેક ક્ષેત્રોમાં તેમના સંબંધ મજબૂત થયાં છે.
મુરલીધરનનું નિવેદન
મુરલીધરને કહ્યું કે ભારત હવે વૈશ્વિક એજન્ડા જેવા કે આંતરરાષ્ટ્રીય ગુના અને આતંકવાદ, સાયબર સિક્યુરિટી અને પરમાણુ અપ્રસાર સહિત આંતરરાષ્ટ્રીય સ્તરે વૈશ્વિક કાર્યસૂચિને મૂર્તિમંત બનાવવા માટે સક્રિયપણે ફાળો આપી રહ્યો છે, અને આંતરરાષ્ટ્રીય સૌર ગઠબંધન અને ગ્લોબલ જેવા આપત્તિ-સક્ષમ માળખાગત જોડાણો મુદ્દાઓ માટે વિશ્વને તેની અનોખી પહેલ આપી રહી છે.