મિશન 2022 / VIDEO: અમદાવાદમાં PM મોદીનો મેગા રોડ શૉ: લાખો લોકો જોડાયાં, કમલમમાં ભવ્યાતિભવ્ય સ્વાગત

• PM મોદીનો  આજે અમદાવાદથી ગાંધીનગર રોડ શો થયો હતો 
• જેમાં મોટી સંખ્યામાં કાર્યકરો હાજર રહ્યા હતા 
• ઢોલ નગારાં, ગરબા અને ગીતોની રમઝટ બોલી હતી 

કમલમમાં મંત્રોચ્ચાર સાથે સ્વાગત 

PM ગાંધીનગરમાં કમલમ કાર્યાલય ખાતે PM મોદીના આગમન સમયે  મંત્રોચ્ચાર કરવામાં આવ્યા હતા. 

કમલમમાં કાર્યકર્તાઓ સાથે સંવાદ 

ગાંધીનગરમાં કમલમ્ કાર્યાલય પહોંચ્યો PM મોદીનો કાફલો, ઢોલ નગારા સાથે ભવ્ય સ્વાગત કરવામાં આવ્યું હતું. 

ભાટ ગામ પહોંચ્યો કાફલો

અમદાવાદમાં PM મોદીનો મેગા રોડ શૉ: ભાટ ગામ પહોંચ્યો કાફલો, રસ્તાની બંને બાજુ જનમેદની જોવા મળી રહી છે. લોકો બૂમો પાડીને પ્રધાનમંત્રીને અભિવાદન કરવાનો પ્રયાસ કરી રહ્યા છે. 

ગરબા અને ગુજરાતી ગીતોની રમજટ

ગુજરાતીઓ હોય અને ગરબા ન હોય?  PM મોદીનાં રોડ શો માં ગુજરાતી ગીતો અને ગરબા પણ રોડ શો માં જોવા મળ્યા હતા. 

 

ઘણા બધા સમર્થકો ગીતો ગાતા સાથે નાચતા જોવા મળી રહ્યા હતા તો ભાજપના કાર્યકરો ઝંડાઓ લઈને માથે ટોપી પહેરીને પ્રધાનમંત્રીના રોડ શોમાં દેખાયા હતા. 

મોટી સંખ્યામાં મહિલા સમર્થકો

PM મોદીનાં રોડ શોમાં મોટી સંખ્યામાં મહિલા સમર્થકો પણ જોવા મળી હતી. તેમણે ગરબા પણ શરૂ કર્યા હતા. તેઓ પણ ઉત્સાહથી પ્રધાનમંત્રીના સ્વાગતમાં હાજર રહ્યા છે. 

જય શ્રી રામ જય શ્રી રામનાં નારા 

પ્રધાનમંત્રી નરેન્દ્ર મોદીના આ રોડ શોમાં લોકો જય શ્રી રામનાં નારા લગાવતા જોવા મળ્યા હતા. લગભગ 50 મિનિટથી આ લોકો ઉત્સાહથી બૂમો પાડીને પ્રધાનમંત્રીનું સ્વાગત કરી રહ્યા છે. 

ગુજરાત વિધાનસભા ચૂંટણી અગાઉ રોડ શો

ગુજરાતમાં આગામી સમયમાં વિધાનસભા ચૂંટણીઓ આવી રહી છે ત્યારે આ રોડ-શો કાર્યકર્તાઓમાં અનોખો ઉત્સાહ ભરશે. ચાર રાજ્યોની ચુંટણીમાં પ્રચંડ વિજય બાદ સમર્થકો ખૂબ ખુશ દેખાય છે. PM મોદી પણ હસતાં હસતાં તેઓનું અભિવાદન કરી રહ્યા છે. 

અમદાવાદમાં PM મોદીનો મેગા રોડ શૉ:

તાજ હોટેલ સર્કલ પહોંચ્યો PM મોદીનો રોડ શૉ, હજારોની સંખ્યામાં કાર્યકરો કરી રહ્યા છે સ્વાગત, ઢોલ-નગારા વચ્ચે મોદી-મોદીના લાગ્યા નારા

CM અને CR પાટિલ દેખાયા 

અમદાવાદમાં PM મોદી સાથે ગજરાતના મુખ્યમંત્રી ભૂપેન્દ્ર પટેલ અને સી. આર. પાટિલ પણ રોડ શો માં દેખાઈ રહ્યા છે. 

PM મોદીનો અનોખો અંદાજ 

ચશ્મા અને ટોપીમાં પ્રધાનમંત્રી મોદીનો એક અનોખો અંદાજ જોવા મળ્યો હતો. તેમણે હસતાં મોઢે ચાહકોનું અભિવાદન પણ ઝીલ્યું હતું. 

 માથે ભગવો, આંખમાં ચશ્મા અને ખુલ્લી જીપમાં 10 કિ.મીનો ભવ્ય રોડ શો કરતાં જોવા મળી રહ્યા છે PM મોદી

'V' ફોર વિક્ટરી 

PM મોદી વિક્ટરી સાઇન બતાવીને ચાહકો અને પ્રશંસકોનું અભિવાદન કરી રહ્યા છે. આ PM મોદીનો ટ્રેન્ડમાર્ક રહ્યો છે. ઉપરાંત હજુ ગઈકાલે જ ભાજપનો ચાર રાજ્યોની વિધાનસભા ચૂંટણીમાં ભવ્ય વિજય થયો છે. 

રાજ્યપાલ અને મુખ્યમંત્રી સહિત દિગ્ગજો પહોંચ્યા સ્વાગત માટે 

રાજ્યપાલ આચાર્ય દેવવર્ત, સી.આર.પાટિલ અને ગૃહ રાજ્યમંત્રી હર્ષ સંઘવી પણ પહોંચ્યા એરપોર્ટ 

એરપોર્ટથી કમલમ સુધી ઉમટી જનમેદની 

આગમન બાદ પ્રધાનમંત્રી મોદીના રોડ-શોની શરૂઆત થશે, જેના માટે લાખો કાર્યકરો હાજર થયા છે. આ તમામ કાર્યકરોમાં અનોખો ઉત્સાહ જોવા મળી રહ્યો છે. ઢોલ નગર સાથે PM નું સ્વાગત કરવામાં આવી રહ્યું છે. ઢોલનગારા સાથે સ્વાગત કરવામાં આવશે, કાર્યકરોમાં ઉત્સાહ

યુક્રેનથી પરત આવેલા વિદ્યાર્થીઓ Thank You કહેવા આવ્યા 

યુક્રેનથી પરત ફરેલા વિદ્યાર્થીઓ PMને આવકારશે, મોટી સંખ્યામાં વિદ્યાર્થીઓ પોસ્ટર્સ સ્વાગત કરવા માટે આવ્યા હતા. 

પૂર્વ CM રૂપાણીએ શું કહ્યું જુઓ 

આગામી ગુજરાતની ચૂંટણીમાં ભવ્ય વિજય ભાજપનો થશે જ તેવો વિશ્વાસ ચાર રાજ્યોના પરિણામથી ઊભો થયો છે: પૂર્વ CM વિજય રૂપાણી 

યુક્રેનથી પરત આવેલ વિદ્યાર્થીઓ દ્વારા સ્વાગત 

આજે યુક્રેનથી પરત આવેલા વિદ્યાર્થીઓએ કહ્યું હતું કે અમે પીએમને મળવા માટે એક્સાઈટેડ છીએ. અમારો જીવ બચાવવા માટે એમને થેન્ક યુ કહેવા માંગીએ છીએ. ભારત સરકારે ખૂબ સરસ મેનેજમેન્ટ અને કામગીરી કરીને અમને યુદ્ધગ્રસ્ત  દેશમાંથી બચાવી લીધા એ માટે એમનો ખૂબ ખૂબ આભાર. 

PM મોદીએ પોતે ટ્વિટ કરીને કહ્યું ગુજરાત આવું છું

આજે સવારે પ્રધાનમંત્રી નરેન્દ્ર મોદીએ પોતે ટ્વિટ કરીને કહ્યું હતું કે તેઓ ગુજરાત મુલાકાત માટે નિકળી રહ્યા છે. તેમણે સાથે એમ પણ લખ્યું હતું કે આજે ચાર વાગ્યે સાંજે તેઓ પંચાયત મહાસમ્મેલનને સંબોધિત કરવાના છે. 

Leaving for Gujarat, where I will be attending various programmes today and tomorrow. At 4 PM today, will address a Panchayat Mahasammelan, where several representatives from Panchayati Raj institutions will attend. https://t.co/myLysd2ej3

— Narendra Modi (@narendramodi) March 11, 2022

PM મોદીનો અમદાવાદમાં કાર્યક્રમ 

પ્રધાનમંત્રી મોદી અમદાવાદમાં વિધાનસભાની ચૂંટણી -2022નું બ્યૂગલ ફૂંકવા માટે આવી રહ્યાં છે. ગુજરાત મિશન - 2022 અંતર્ગત તેઓ બે દિવસના ગુજરાત પ્રવાસે છે. આથી તેમનો આજનો કાર્યક્રમ જોઇએ તો સવારે 10 વાગે અમદાવાદ એરપોર્ટ પર આગમન તેમનું આગમન થશે.  10.15 થી પ્રધાનમંત્રી મોદીના રોડ-શોની શરૂઆત થશે. આ રોડ શો હોટેલ તાજ સર્કલથી કમલમ સુધી યોજાશે.  પ્રધાનમંત્રી મોદીનો કાફલો 11.15 વાગે કમલમ પહોચશે. આ બેઠક 1.30 વાગ્યા સુધી વાગે કમલમ્ પર યોજશે. આ બેઠકમાં ગુજરાત ભાજપના 500થી વધુ નેતાઓ હાજર રહેશે. 1.30 વાગ્યે પ્રધાનમંત્રી મોદી રાજભવન રવાના થશે. ત્યારબાદ 4 વાગ્યા સુધી રાજભવન ખાતે પ્રધાનમંત્રી મોદી રોકાણ કરશે. પ્રધાનમંત્રી મોદી 4 વાગે GMDC જવા રવાના થશે. સાંજે 4.30 થી 5.30 GMDCમાં પંચાયત મહાસંમેલનમાં હાજરી આપશે. અને આ પંચાયત મહાસંમેલનમાં પ્રધાનમંત્રી મોદીનું સંબોધન યોજાશે. ત્યારબાદ 5.30 વાગે રાજભવન રવાના થશે. અને પ્રધાનમંત્રી મોદી રાજભવન ખાતે બેઠક યોજશે. ત્યારબાદ પ્રધાનમંત્રી રાજભવનમાં રાત્રિ રોકાણ કરશે.

12 માર્ચના પ્રધાનમંત્રી મોદીના કાર્યક્રમ
ભાજપના ગુજરાત મિશન - 2022 અંતર્ગત પ્રધાનમંત્રી મોદી બે દિવસના ગુજરાત પ્રવાસે છે. આ પ્રમાણે પ્રધાનમંત્રી મોદીનો 12 માર્ચનો કાર્યક્રમ જોઇએ તો સવારે 10 વાગ્યે રક્ષાશક્તિ યુનિવર્સીટી જવા રવાના થશે. ગાંધીનગરથી દહેગામ સુધી પ્રધાનમંત્રી મોદીનો ભવ્ય રોડ-શો યોજાશે. સવારે 11 વાગે રક્ષાશક્તિ યુનિવર્સીટી પહોંચશે અને ત્યારબાદ સવારે 11.15 વાગે રક્ષાશક્તિ યુનિવર્સીટીના નવા સંકુલનુ લોકાર્પણ કરશે. આ સાથે પદવીદાન સમારોહમાં પણ તેઓ ઉપસ્થિત રહેશે. આ પછી તેઓ બપોરે 1 વાગે રાજભવન પહોંચશે. જયાં તેઓ સાંજ 6 વાગ્યા સુધી રોકાણ કરશે. ત્યારબાદ પ્રધાનમંત્રી મોદી સાંજે 6 વાગે સરદાર પટેલ સ્ટેડિયમ જવા રવાના થશે અને સાંજે 7 કલાકે SP સ્ટેડિયમમાં ખેલ મહાકુંભ 2022ને ખુલ્લો મુકશે. આ સાથે તેઓ હજારોની જનમેદનીને સંબોધન કરશે. ત્યારબાદ રાત્રે 8 વાગે સ્ટેડિયમથી એરપોર્ટ રવાના થશે. રાત્રીના 8.30 વાગે અમદાવાદથી દિલ્લી રવાના થશે