23 ઓગસ્ટે PM મોદી બનશે ગુજરાતના મે'માન 2019 અંગે નેતાઓ સાથે કરશે મંથન

ગાંધીનગર: પ્રધાનમંત્રી નરેન્દ્ર મોદી ગુજરાતની મુલાકાતે આવી રહ્યા છે. ત્યારે 23 ઓગસ્ટે તમામ કાર્યક્રમો પૂર્ણ કર્યા બાદ ડિનર ડિપ્લોમસી યોજાશે. પીએમ મોદી એક કલાક કરતા વધુ સમય સુધી ભાજપના નેતાઓ સાથે પરામર્શ કરશે. લોકસભા ચૂંટણીની તૈયારીઓ અને રાજકીય પરિસ્થિતિ બાબતે પણ ચર્ચા કરશે. અને મોદી ભાજપના નેતાઓને માર્ગદર્શન આપશે. 

ઉલ્લેખનીય છે કે PM મોદી 23 ઓગસ્ટે સવારે 9.30 વાગ્યે સુરત એરપોર્ટ પહોચશે. સુરત એરપોર્ટથી હેલિકોપ્ટર દ્વારા વલસાડ જશે. PM મોદી 12 વાગ્યા સુધી વલસાડના એક કાર્યક્રમમાં રોકાશે. વલસાડ કાર્યક્રમ પૂર્ણ કર્યા બાદ જૂનાગઢ જવા રવાના થશે.

જૂનાગઢ કાર્યક્રમ પૂર્ણ કરી ગાંધીનગર જવા રવાના થશે. આશરે બપોરના 3 વાગ્યા બાદ ગાંધીનગરમાં આગમન થશે. PM મોદી રાજભવનમાં 30 મિનીટ રોકાશે. રાજભવનની મુલાકાત બાદ FSLના કાર્યક્રમમાં ઉપસ્થિત રહેશે. FSLના કાર્યક્રમ બાદ PM ફરી એકવાર રાજભવન જઈ બેઠક કરશે. રાજભવનમાં સોમનાથ ટ્રસ્ટના સભ્યો સાથે મુલાકાત કરશે.

આપને જણાવી દઇએ કે લોકસભાની ચૂંટણી નજીક આવી રહી છે ત્યારે ગુજરાતની 26 બેઠકો માટે પણ વડાપ્રધાન મોદી ચર્ચા કરી શકે છે. તો આગામી ચૂંટણીને લઇને ગુજરાત ભાજપમાં શું તૈયારીઓ કરવામાં આવેલ છે તે અંગેની જાણકારી પણ મેળવી શકે. ભારતના વડાપ્રધાન અને ગુજરાતના પૂર્વ મુખ્યપ્રધાન નરેન્દ્ર મોદી ગુજરાત આવી રહ્યા છે જેને પગલે તડામાર તૈયારીઓ આરંભી દેવામાં આવી છે.