પ્રધાનમંત્રી નરેન્દ્ર મોદીનો ગુજરાત પ્રવાસનો આજે બીજો દિવસ છે. ત્યારે પીએમ મોદી આજે ગુજરાતને મહામૂલી સી-પ્લેનની ભેટ આપશે. કેવડિયાથી સી-પ્લેન મારફતે અમદાવાદ આવશે. ત્યારે શહેરમાં પીએમ મોદીની મુલાકાતને લઇને સુરક્ષા વ્યવસ્થા સઘન કરવામાં આવી છે. પીએમ મોદીની મુલાકાતને લઇને કેટલાક રસ્તાઓ બંધ કરવામાં આવ્યાં છે.
પીએમ મોદીના ગુજરાત પ્રવાસનો બીજો દિવસ
કેવડિયાથી સી-પ્લેન મારફતે આવશે અમદાવાદ
રિવરફ્રન્ટ પર સતત પોલીસનું પેટ્રોલિંગ
અમદાવાદ મુલાકાતને લઇ રસ્તા કરાયા બંધ
પ્રધાનમંત્રી નરેન્દ્ર મોદીનો ગુજરાત પ્રવાસનો આજે બીજો દિવસ છે. પીએમ મોદી આજે રાજ્યને સી-પ્લેનની ભેટ આપવા જઇ રહ્યાં છે. કેવડિયાથી સી-પ્લેન મારફતે અમદાવાદ આવશે. જેને લઇને શહેરના રિવરફ્રન્ટ પર પોલીસનો ચુસ્ત બંદોબસ્ત ગોઠવવામાં આવ્યો છે.
સાબરમતી નદીમાં બોટમાં પોલીસનું સતત પેટ્રોલિંગ કરવામાં આવી રહ્યું છે. આ સાથે પીએમ મોદીની મુલાકાતને લઇને શહેરના કેટલાક રસ્તાઓ બંધ કરવામાં આવ્યાં છે. જેમાં બપોર સુધી રિવરફ્રન્ટનો માર્ગ બંધ રહેશે.
પીએમ મોદીની અમદાવાદ મુલાકાતને લઇને જે રસ્તાઓ બંધ કરવામાં આવ્યાં છે તેમાં RTO સર્કલથી વાડજ સર્કલ સુધી, વાડજ સ્મશાનગૃહથી આંબેડકર બ્રિજ સુધી સવારે 10 વાગ્યાથી બપોરે 2 વાગ્ય સુધી માર્ગ બંધ રહેશે.
અમદાવાદમાં સુરક્ષા વ્યવસ્થા સઘન કરાઇ
3 JCP, 10 DCP, 13 ACP સુરક્ષા વ્યવસ્થામાં
43 PI, 96 PSIને સુરક્ષા બંદોબસ્તમાં ગોઠવાયા
1655 પોલીસ કોન્સ્ટેબલ સુરક્ષા વ્યવસ્થા સંભાળશે
મરીન કમાન્ડો, SPG સહિતની ટીમો તૈનાત
ક્રાઇમબ્રાન્ચ, બોમ્બ સ્ક્વોડ, ડોગ સ્ક્વોડ પણ તૈનાત