પ્રધાનમંત્રી નરેન્દ્ર મોદી સોશિયલ મીડિયા પર ઘણા લોકપ્રિય છે. પ્રધાનમંત્રી મોદી, અમેરિકન રાષ્ટ્રપતિ ડોનાલ્ડ ટ્રમ્પ બાદ ટ્વિટર પર સૌથી વધુ ફોલો મેળવનાર નેતા છે. ટ્વિટર પર પીએમ મોદીના 53.3 મિલિયન ફૉલોઅર છે, જ્યારે ડોનાલ્ડ ટ્રમ્પના 73.2 મિલિયન ફૉલોઅર છે. હવે પ્રધાનમંત્રી મોદી પોતાના તમામ સોશિયલ મીડિયા એકાઉન્ટ્સ બંધ કરવાનું મન બનાવી રહ્યા છે.
ટ્વિટ કરીને કહ્યું સોશિયલ મીડિયા છોડવા પર કરૂ છું વિચાર
સોશિયલ મીડિયા પર લોકપ્રિય છે પ્રધાનમંત્રી નરેન્દ્ર મોદી
પ્રધાનમંત્રી મોદીએ ખુદ ટ્વિટ કરીને આની જાણકારી આપી છે. પીએમ મોદીએ ટ્વિટ કર્યું કે, આ રવિવારે પોતાના સોશિયલ મીડિયા એકાઉન્ટસ ફેસબુક, ટ્વિટર, ઇન્સ્ટાગ્રામ અને યૂટ્યૂબને છોડવાનું વિચારી રહ્યો છું. આપ સૌને વધુ માહિતી આપીશ.
This Sunday, thinking of giving up my social media accounts on Facebook, Twitter, Instagram & YouTube. Will keep you all posted.
ત્યારે, ફેસબુક પર પ્રધાનમંત્રી નરેન્દ્ર મોદીના 44 મિલિયન ફૉલોઅર્સ છે. ઇન્ટાગ્રામની વાત કરવામાં આવે તો સોશિયલ મીડિયા એકાઉન્ટ્સ પર ઇન્સ્ટામાં તેમના 35.2 મિલિયન ફૉલોઅર્સ છે. ત્યારે પ્રધાનમંત્રી નરેન્દ્ર મોદી યૂટ્યૂબ પર 4.51 મિલિયન સબ્સક્રાબર્સ ધરાવે છે.
ઇન્સ્ટાગ્રામ પર પણ પ્રધાનમંત્રીએ પોતાની છેલ્લી પોસ્ટ છ દિવસ પહેલા કરી હતી, જ્યારે અમેરિકન રાષ્ટ્રપતિ ડોનાલ્ડ ટ્રમ્પની સાથે તેઓ સાબરમતી આશ્રમ આવ્યા હતા.