Video / PM મોદીએ ચાલુ મીટિંગે કેજરીવાલને ચુપકેથી એવું કામ કરતા પકડ્યા કે દિલ્હી CMને માંગવી પડી માફી

• પ્રધાનમંત્રી મોદીએ આજે રાજ્યોના મુખ્યમંત્રીઓ સાથે કરી હતી બેઠક 
• બેઠકમાં કેજરીવાલે ચુપકેથી કર્યું રેકોર્ડીંગ તો પીએમ થયા નારાજ 
• પીએમ નારાજ થતાં કેજરીવાલે માંગી માફી 

આજે વડાપ્રધાન મોદીએ કોરોના વાયરસની પરિસ્થિતિ મુદ્દે બેઠક બોલાવી હતી જેમાં 10 રાજ્યોના મુખ્યમંત્રીઑએ ભાગ લીધો હતો. આ બેઠકમાં સીએમ કેજરીવાલે બેઠકમાં થઈ રહેલી વાતચીતનું લાઈવ પ્રસારણ ચાલુ કરી દીધું હતું જેને લઈને પીએમ મોદી ખૂબ નારાજ થયા હતા. પીએમ મોદીએ કેજરીવાલ સામે કડક શબ્દોનો પ્રયોગ પણ કર્યો. 

પીએમ મોદી થયા નારાજ 

પીએમ મોદીએ કહ્યું કે તમે ખૂબ જ મહત્વપૂર્ણ પ્રોટોકોલને તોડ્યો છે કે આ પ્રકારની પ્રાઇવેટ વાતચીતનું પ્રસાર-પ્રચાર કરવામાં આવતું નથી. પીએમ મોદીની ફટકાર સાંભળીને કેજરીવાલ પણ ચોંકી ગયા અને હાથ જોડી લીધા. પીએમ મોદીએ કેજરીવાલને ચાલુમાં રોક્યા અને કહ્યું આ જે થઈ રહ્યું છે તે પ્રોટોકોલના વિરુદ્ધ થઈ રહ્યું છે કે કોઈ મુખ્યમંત્રી આ પ્રકારે ઇનહાઉસ મીટિંગનું લાઈવ ટેલિકાસ્ટ કરે. આપણે હંમેશા સંયમનું પાલન કરવું જોઈએ. 

માંગવી પડી માફી 

કેજરીવાલે તરત જ સ્વીકાર્યું કે તેમનાથી ભૂલ થઈ ગઈ છે અને કહ્યું કે ઠીક છે આગળથી આનું ધ્યાન રાખવામાં આવશે. સર જૉ મારા તરફથી કોઈ ભૂલ થઈ હોય, કઠોર બોલાઈ ગયું હોય અથવા મારા આચરણમાં કોઈ ભૂલ થઈ હોય તો હું માફી માંગુ છું. 

પીએમ મોદીએ કેજરીવાલની ચાલાકી પકડી 

નોંધનીય છે કે પીએમ મોદી સાથેની બેઠકનું કેજરીવાલ ચુપકેથી રેકોર્ડીંગ કરી રહ્યા હતા અને તેમને લાગ્યું કે પીએમ મોદીને ખબર નહીં પડે પરંતુ જ્યારે પીએમ મોદીએ તેમની ચાલાકી પકડી લીધી તો કેજરીવાલે હાથ જોડીને માફી માંગવી પડી. નોંધનીય છે કે ચાલુ મીટીનમાં કેજરીવાલે જે કહ્યું તે બધુ લીક પણ કરી દેવામાં આવ્યું જે મીડિયામાં આવી ગયા બાદ ભાજપ દ્વારા કડક પ્રતિક્રિયા આપવામાં આવી છે. 

કેજરીવાલે હલકી રાજનીતિ કરી-કેન્દ્ર સરકાર 

કેજરીવાલે રેલવે દ્વારા ઓક્સિજન એક્સપ્રેક્સ અંગે પણ વાત કરી પરંતુ રેલવે સૂત્રોએ જણાવ્યું કે કેજરીવાલે આ અંગે રેલવેને કંઈ જણાવ્યુ નથી. કેન્દ્ર સરકારે જણાવ્યું કે કેજરીવાલે જે પણ કહ્યું તેમાં કોઈ પણ પ્રકારના ઉકેલ વાત હતી જ નહીં પરંતુ રાજનીતિ કરવા અને જવાબદારીમાંથી બચવાની ભાવના સ્પષ્ટ રીતે દેખાઈ આવતી હતી. 

સાહેબ પરિસ્થિતિ ગંભીર છે, હાથ જોડીને કહું છું : કેજરીવાલ

અરવિંદ કેજરીવાલે કહ્યું કે સાહેબ, ખૂબ ખૂબ આભાર કે આજે તમે બેઠક બોલાવી છે. હું જાણવા માંગુ છું કે જૉ હોસ્પિટલોમાં ઑક્સીજન ખૂટી જાય તો કેન્દ્ર સરકારમાં કોની સાથે વાત કરું? સાહેબ હું જાણવા માંગુ છું કે દિલ્હીના ઑક્સીજન કોઈ રોકી લે તો હું ફોન ઉપાડીને કોની સાથે વાત કરું? સાહેબ પરિસ્થિતિ ગંભીર છે. હું દિલ્હીના લોકો વતી હાથ જોડીને અપીલ કરૂ છું કે કોઈ કઠોર અને સાર્થક નિર્ણય નહીં લો તો ખૂબ મોટી તારાજી થશે. સાહેબ મને માર્ગદર્શન આપો. 

સાહેબ હાથ જોડીને કહું છું, એક ફોન કરી દો : કેજરીવાલ 

કેજરીવાલે કહ્યું કે અમારી ઑક્સીજન રોકવામાં આવી છે. સાહેબ મહેરબાની કરીને તે રાજ્યોના સીએમને ફોન કરી દો કે અમારા ટ્રક ના રોકે. તમારો એક ફોન જ ખૂબ છે સાહેબ. દિલ્હીના લોકો તરફથી હાથ જોડીને કહી રહ્યો છું કે અમારી મદદ કરો.

સર, ડર લાગે છે કે કઈં થશે તો...? : કેજરીવાલ 

કેજરીવાલે કહ્યું કે દિલ્હીની હોસ્પિટલોમાં જે હાલત છે, તે જોઈ શકાય તેમ નથી. આખી રાત ઊંઘી નથી શકતા અમે. હું મુખ્યમંત્રી હોવા છતાં કઈં નથી કરી શકતો. ડર લાગે છે કે ઑક્સીજનના કારણે કોઈ મોટી દુર્ઘટના ન થઈ જાય. ન કરે નારાયણ અને ઑક્સીજન ન હોવાના કારણે કઈં થઈ જશે તો આપણે પોતાની જાતને માફ નહીં કરી શકીએ.