ચીનના ઐતિહાસિક પ્રવાસે PM મોદી વુહાનમાં શી-જિનપિંગ સાથે કરી મુલાકાત

વુહાનઃ પ્રધાનમંત્રી નરેન્દ્ર મોદી બે દિવસીય ચીનના પ્રવાસે પહોંચી ગયાં છે. આજે પ્રધાનમંત્રી નરેન્દ્ર મોદી ચીનના વુહાન શહેરમાં આયોજીત શિખર સમ્મેલનમાં ચીનના રાષ્ટ્રપતિ શી જિનપિંગ સાથે મુલાકાત કરી. આ મુલાકાતમાં બંને નેતાઓ ભારત-ચીન સાથે જોડાયેલા મહત્વના મુદ્દાઓ પર ચર્ચા કરશે.


મહત્વનું છે કે આ બેઠકમાં ન તો કોઈ સમજુતી થશે કે ન કોઈ સંયુત નિવેદન બહાર પાડવામાં આવશે. 


આ બેઠકને લઈને ચીન ખુબ જ ઉત્સાહિત જણાઈ રહ્યું છે. ચીનના સરકારી સમાચારપત્ર ગ્લોબલ ટાઈમ્સે પોતાના એક લેખમાં મોદી-જિનપિંગની આ બેઠકને બંને દેશોના સંબંધોના એક નવા અધ્યાયની શરૂઆત હોવાનું જણાવ્યું છે. તમને જણાવી દઈયે કે 2014માં સત્તા સંભાળ્યા બાદ પ્રધાનમંત્રી મોદીની આ ચોથી ચીન યાત્રા છે.