મિશન ચંદ્રયાન-2 / લેન્ડિંગના સમયે ખાસ હશે આ 4 કલાક, પછી 2 વર્ષ સુધી મળશે ફોટોઝ

જે ક્ષણની રાહ જોવાઈ રહી હતી તે ક્ષણ હવે નજીક આવી છે. એટલે તે આજે મોડી રાતે ભારતનું ચંદ્રયાન 2 ચંદ્ર પર પહોંચશે. ઈસરોના વૈજ્ઞાનિકોની મહેનતનું ફળ આજે જોવા મળશે. આ પળના સાક્ષી પીએમ મોદી પોતે બનશે. પીએમ મોદી આજે મોડી રાતે બેંગલુરુના ઈસરો સેન્ટરમાં પહોંચશે અને અહીં શાળાના બાળકોની સાથે આ ક્ષણને જોશે.

ચંદ્રયાન 2નું વિક્રમ લેન્ડર આજે ચંદ્ર પર લેન્ડ કરશે તો શરૂઆતના કલાકો મહત્વના રહેશે. લેન્ડિંગની પ્રક્રિયા રાતે 1 વાગ્યાની આસપાસ શરૂ થશે. જે 7 સપ્ટેમ્બરની સવાર સુધી ચાલુ રહેશે. આ ક્ષણ ધબકારા વધારનારી ક્ષણ બનશે. ખાસ વાત તો એ પણ છે કે ભારત પહેલીવાર પોતાના કોઈ યાનનું સોફ્ટ લેન્ડિંગ કરવા જઈ રહ્યું છે. 

6-7 સપ્ટેમ્બરની રાતનો વચ્ચેનો સમય

1.30થી 1.40 મિનિટનો સમય 

ચંદ્રયાન 2નું વિક્રમ લેન્ડર 35 કિમીની ઉંચાઈછી ચંદ્રના દક્ષિણ ધ્રૂવ પર ઉતરવાનું શરૂ કરશે. આ સમયે તેની ગતિ 200 મીટર પ્રતિ સેકંડની રહેશે. આ ઈસરો વૈજ્ઞાનિકોને માટે ચેલેન્જભર્યું કામ હશે. કારણકે આવું પહેલી વાર થશે જ્યારે કોઈ દેશ ચંદ્રના દક્ષિણ ધ્રૂવ પર હશે.

01.55 મિનિટનો સમય

વિક્રમ લેન્ડર દક્ષિણી ધ્રૂવ પર 2 ક્રેટર મૈંજિનસ સી અને સિંપેલિયસ એનની વચ્ચે મેદાનમાં ઉતરશે. લગભગ 6 કિમીની ઉંચાઈથી લેન્ડર 2 મીટર પ્રતિ સેકંડની ગતિએ ચંદ્રની કક્ષા પર ઉતરશે. આ સમયે કુલ 15 મિનિટનો સમય લાગશે.

03.55 મિનિટનો સમય
ચંદ્ર પર લેન્ડિંગ સમયે લગભગ 2 કલાક પછી વિક્રમ લેન્ડરનો રેમ્પ ખૂલશે. તેની મદદથી 6 પૈડાંનું પ્રજ્ઞાન રોવર ચંદ્ર પર ઉતરશે. 

05.05 મિનિટનો 7 સપ્ટેમ્બરનો સવારનો સમય
પ્રજ્ઞાન રોવરનું સોલર પેનલ ખૂલી જશે. સોલર પેનલની મદદથી તે ઉર્જા મેળવશે. 

05.10 મિનિટનો સમય
પ્રજ્ઞાન રોવર ચંદ્રની કક્ષામાં ચાલવાનું શરૂ કરશે. તે 1 સેંટીમીટર પ્રતિ સેકંડની ગતિએ ચંદ્રની કક્ષા પર 14 દિવસો સુધી યાત્રા કરશે. આ સમયે તે 500 મીટર દૂરનું અંતર પાર કરશે. 

ચંદ્રયાન 2માં શું શું છે?

ચંદ્રયાન 2 ત્રણ ભાગથી બન્યું છે

પહેલું - ઓર્બિટર
બીજું - વિક્રમ લેન્ડર
ત્રીજું- પ્રજ્ઞાન રોવર

ખાસ વાતો

• વિક્રમ લેન્ડરની અંદર જ પ્રજ્ઞાન રોવર છે, જે સોફ્ટ લેન્ડિંગ બાદ બહાર નીકળશે.
• ચંદ્રયાન 2નું ઓર્બિટર ચંદ્રની નજીક 140 કિલોમીટર ઉપર આંટા મારશે. તેનાથી ઓર્બિટર 2 વર્ષ સુધી ચંદ્રના ફોટો મોકલશે.
• રૂસ, અમેરિકા અને ચીન બાદ આ કામયાબી મેળવનારો ભારત ચોથો દેશ બનશે.
• ચંદ્રયાન 2નું લેન્ડિંગ પ્રધાનમંત્રી નરેન્દ્ર મોદીની સાથે 74 બાળકો પણ જોશે. 

ફોટો સૌજન્ય - Twitter.com