વડાપ્રધાન મોદી લાંબા વિરામ બાદ અમેરિકાના પ્રવાસે જઈ રહ્યા છે. જ્યા તેઓ ઉપરાષ્ટ્રપતિ કમલા હેરિસ સાથે મુલાકાત લેવાના છે. સાથેજ તેઓ એપલના સીઈઓને મળશે તેવી ચર્ચાએ જોર પકડ્યું છે.
આ સપ્તાહે અમેરિકા જશે PM મોદી
ઉપરાષ્ટ્રપતિ કમલા હેરિસ સાથે લેશે મુલાકાત
એપલના CEO સાથે મુલાકાત લે તેવી શક્યતા
વડાપ્રધાન નરેન્દ્ર મોદી આ અઠવાડિયે અમેરિકાના પ્રવાસે જવાના છે. જ્યા તેઓ એક મૈરાથન કાર્યક્રમમાં ભાગ લેશે. આપને જણાવી દઈએ કે વડાપ્રધાન મોદી અમેરિકામાં જઈને એક બાદ એક ઉચ્ચ સ્તરીય બેઠકો યોજવાના છે. 22 સપ્ટેમ્બરે તેઓ અમેરિકાના વોશિંગટનમાં પહોચશે જ્યા તેઓ ઉપરાષ્ટ્રપતિ કમલા હેરિસ સાથે મુલાકાત લેવાના છે.
કમલા હેરિસ ભારતીય મૂળની મહિલા
આ સિવાય PM મોદી એપલના સીઈઓ સાથે પણ મુલાકાત લેવાના છે. તેવી સૂત્રો દ્વારા માહિતી સામે આવી છે. અધિકારીઓનું કહેવું છે કે સમગ્ર કાર્યક્રમ હજું તૈયાર કરવામાં આવી રહ્યો છે. જોકે ખાસ કરીને PM મોદી ઉપરાષ્ટ્રપતિ કમલા હેરિસને મળશે તેવી ચર્ચાએ જોર પકડ્યું છે. આપને ખ્યાલ ન હોય તો જણાવી દઈએ કે કમલા હેરિસ પણ ભારતીય મૂળની મહિલા છે.
અગાઉ બંને વચ્ચે વર્ચ્યુઅલ બેઠક યોજાઈ હતી
પહેલી વખત કમલા હેરિસ અમેરિકામાં ઉપરાષ્ટ્રપતિ બની છે. જોકે આ મુલાકાતને લઈને હજુ કોઈ પણ પ્રકારની સત્તાવાર જાહેરાત કરવામાં નથી આવી. જોકે અગાઉ પણ બંને નેતાઓ વચ્ચે વર્ચ્યુઅલ બેઠક થઈ ચુકી છે.
બ્રિટેનના પ્રધાનમંત્રી પણ અમેરિકાની યાત્રાએ
24 સપ્ટેમ્બરના રોજ વડાપ્રધાન મોદી વોશિંગટનમાં ઈન-પર્સન ક્વાડ લીડર્સ સમિટમાં ભાગ લેવાના છે. જે કાર્યક્રમમાં તેમના ડિનરની પણ વ્યવસ્થા કરવામાં આવી છે. સાંભળીને તમને નવાઈ લાગશે કે આજ સમયે બ્રિટનના પ્રધાનમંત્રી પણ અમેરિકાની યાત્રાએ છે. જેખી બંને નેતા એકબીજા સાથે મુલાકાત લઈ શકે છે.