યાસ વાવાઝોડું / પ્રધાનમંત્રી મોદી આવતીકાલે ઓડિશા અને બંગાળની મુલાકાતે, હવાઈ સર્વેક્ષણ બાદ કરશે આ કામ

• પ્રધાનમંત્રી મોદી આવતીકાલે ઓડિશા અને પશ્ચિમ બંગાળની મુલાકાતે
• યાસ વાવાઝોડાએ વેરેલા વિનાશનું હવાઈ સર્વેક્ષણ કરશે
• હવાઈ સર્વેક્ષણ બાદ અધિકારીઓ સાથે કરશે બેઠક 
• બન્ને રાજ્યો માટે સહાયની જાહેરાત કરે તેવી સંભાવના 

સૌથી પહેલા પ્રધાનમંત્રી મોદી ઓડિશાની રાજધાની ભુવનેશ્વર જશે ત્યાં સમીક્ષા બેઠક કરશે અને પછી બાલાસોર, ભદ્રકનું હવાઈ સર્વેક્ષણ કરશે. ઓડિશાની મુલાકાત બાદ પીએમ મોદી પશ્ચિમ બંગાળ જશે અને ત્યાં પૂર્વ મિદનાપુરમાં હવાઈ સર્વેક્ષણ કરીને અધિકારીઓ સાથે બેઠક કરશે. પીએમ મોદી બન્ને રાજ્યો માટે સહાયની જાહેરાત કરે તેવી સંભાવના જોવાઈ રહી છે.

PM Modi to visit Odisha & WB to review the impact of #CycloneYaas tomorrow. He'll first land in Bhubaneswar where he'll hold a review meeting. Then he'll proceed for an aerial survey in affected areas of Balasore, Bhadrak & Purba Medinipur. He'll take part in review meeting in WB pic.twitter.com/Wz2aVCVozI

— ANI (@ANI) May 27, 2021

ઓડિશા-બંગાળમાં યાસ વાવાઝોડાએ વિનાશ વેર્યો
ઓડિશા અને પશ્ચિમ બંગાળમાં યાસ વાવાઝોડાએ વિનાશ વેર્યો છે. બંગાળના સીએમ મમતા બેનરજીએ જણાવ્યું કે રાજ્યમાં યાસ વાવાઝોડાને કારણે એક કરોડ લોકો પ્રભાવિત થયા છે અને ત્રણ લાખ મકાનો ક્ષતિગ્રસ્ત થયા છે. બેનરજીએ જણાવ્યું કે  તોફાનને કારણે દરિયામાં ઊંચી લહેરો ઉઠશે તેવી ચેતવણી લોકોને અપાઈ હતી. મુખ્યમંત્રીએ જણાવ્યું કે 15,04,504 લોકોને સુરક્ષિત સ્થળે ખસેડાયા છે. પૂર્વ મિદનાપુર અને દક્ષિણ 24 પરગણાના ઘણા વિસ્તારોમાં પાણી ભરાયું હતું તથા નારિયેળના ઝાડની ટોચ સુધી પહોંચતી સમુદ્રની લહેરો તથા પૂરના પાણીમાં વહેતી કાર જોઈ શકાતી હતી. તોફાનને કારણે દરિયામાં બે મીટર કરતા પણ વધારે ઊંચો લહેરો ઉઠી હતી. 

બંગાળની ખાડીમાં ઉઠેલા ચક્રવાતી તોફાન યાસની અસર ઓડિશા અને પશ્ચિમ બંગાળના તટીય વિસ્તારમાં પડવાની શરુ થઈ ગઈ છે.  ઓડિશા અને પશ્ચિમ બંગાળના અનેક કિનારા વિસ્તારમાં ભારે વરસાદ અને હવા શરુ થઈ છે. આ દરમિયાન કેટલાક મકાનોની છતો ઉડતી દેખાઈ રહી છે. સમગ્ર વિસ્તારમાં ભારે હવા ચાલી રહી છે. આની સ્પીડ 100 કિલોમીટર પ્રતિ કલાકની આસપાસ છે. આ સાથે ભારે વરસાદે લોકોના મનને પ્રફુલ્લિત કરી દીધુ છે. દરિયો તોફાને ચઢ્યો છે. આકાશમાં વાદળો છવાયા છે.  આના અનેક વીડિયો સામે આવ્યા છે. જે લોકોને ડરાવાની સાથે રોમાંચિત કરી રહ્યા છે.