UP / રામ મંદિરના ભૂમિપૂજન કાર્યક્રમ માટે અયોધ્યામાં 3 કલાક રોકાશે PM મોદી, જાણો સમગ્ર કાર્યક્રમ

• રામ મંદિરના ભૂમિ પૂજન કાર્યક્રમની તૈયારીઓને આખરી ઓપ
• પ્રધાનમંત્રી મોદી આવતીકાલે પહોંચશે અયોધ્યા 

નોંધનીય છે કે,આ દરમિયાન પ્રધાનમંત્રી મોદી અયોધ્યામાં કુલ ત્રણ કલાક સમય વિતાવશે. આ પહેલા સોમવારે અયોધ્યાના હનુમાનગઢી મંદિરના પૂજારી વતી કહેવામાં આવ્યું હતું કે પીએમ મોદી જન્મભૂમિ તરફ જતાં પહેલા પૂજા કરવા હનુમાનગઢી જશે. એવું માનવામાં આવે છે કે ભગવાન હનુમાનના આશીર્વાદ વિના ભગવાનનું કોઈ કાર્ય શરૂ થશે નહીં, પીએમ મોદી સૌ પ્રથમ ભગવાન હનુમાનની પૂજા કરીને આશીર્વાદ લેશે, ત્યારબાદ તેઓ ભૂમિપૂજન માટે જશે. ત્યારે શું છે પ્રધાનમંત્રી મોદીનો કાર્યક્રમ જાણો વિગતવાર...

અયોધ્યામાં પીએમ મોદીનો કાર્યક્રમ

- 5 ઑગસ્ટની સવારે દિલ્હીથી રવાના.
- સવારે 9: 35 થી વિશેષ વિમાન દિલ્હીથી ઉડાન કરશે.
- લખનઉ એરપોર્ટ પર સવારે 10: 35 વાગ્યે ઉતરાણ.
- સવારે 10:40 કલાકે અયોધ્યાથી પ્રસ્થાન.
- સવારે 11:30 વાગ્યે અયોધ્યા સાકેત કોલેજના હેલિપેડ પર ઉતરાણ.
- સવારે 11:40 વાગ્યે હનુમાનગઢી પહોંચશે અને 10 મિનિટ સુધી પૂજા કરશે.
- રાત્રે 12 વાગ્યે રામ જન્મભૂમિ કેમ્પસમાં પહોંચવાનો કાર્યક્રમ.
- 10 મિનિટમાં રામલાલા વિરાજમાનના દર્શન.
- બપોરે 12.15 વાગ્યે રામલાલા કેમ્પસમાં પારિજાત વૃક્ષનું વૃક્ષારોપણ
- બપોરે 12:30 કલાકે ભૂમિપૂજન કાર્યક્રમનું ઉદ્ઘાટન
- બપોરે 12:40 વાગ્યે રામ મંદિરના શિલાન્યાસની સ્થાપના.
- બપોરે 2:05 વાગ્યે સાકેત કોલેજ હેલિપેડ માટે રવાના.
- હેલિકોપ્ટર બપોરે 2:20 વાગ્યે લખનૌ ઉડાન કરશે.

પારિજાતનું વૃક્ષ રોપશે પ્રધાનમંત્રી

5 ઓગસ્ટના રોજ પીએમ મોદી રામ મંદિરનું ભૂમિ પૂજન કરશે. આ દરમિયાન પીએમ મોદી શ્રી રામ જન્મભૂમિ પરિસરમાં પારિજાતનુ વૃક્ષ રોપશે. જાણો પારિજાતના વૃક્ષનું શુ છે મહત્વ અને ખાસિયત કે તે આ ભૂમિ પુજનનો ભાગ બનવા જઈ રહ્યું છે.

પારિજાતનું વૃક્ષ ખૂબ સુંદર હોય છે. જેના ફુલો ભગવાન હરિના શૃંગાર અને પૂજનમાં વપરાય છે આથી આ ફુલોને હરિસિંગાર પણ કહેવાય છે. હિંદુ ધર્મમાં તેનું ખૂબ મહત્વ છે તેને અડવા માત્રથી થાક દુર થઈ જાય છે.

આ વૃક્ષની ઉંચાઈ 10થી 25 ફુટ હોય છે. આની ખાસિયત એ છે કે વૃક્ષ પર મોટા જથ્થામાં ફુલો આવે છે. અઢળક ફુલો તોડ્યા બાદ પણ બીજા દિવસે પણ મોટા જથ્થામાં ફુલો ઉગે છે. આ વૃક્ષ મધ્ય ભારત અને હિમાલયની તળેટીમાં વધારે ઉગે છે.