ફેસિલિટી / દિવસના 10,000 સેમ્પલ ટેસ્ટિંગ થાય તેવી 3 લેબનું કાલે PM મોદી કરશે લોન્ચિંગ, જાણો કયા સ્થળે બનશે ફેસિલિટી

ટેસ્ટિંગની કેપેસીટી વધારવાની સાથે સાથે આ ફેસિલિટીને પગલે દર્દીઓમાં રોગનું નિદાન વહેલું થશે જેહતી તેમની સારવાર પણ વહેલી થશે. આમ થવાથી મહામારી સામે નિયંત્રણ મેળવી શકાશે તેવી ગણતરી છે. 

ક્યાં છે આ 3 high-throughput ટેસ્ટિંગ ફેસિલિટી?

1.  ICMR: નેશનલ ઇન્સ્ટિટ્યૂટ ઓફ કેન્સર પ્રિવેન્શન એન્ડ રિસર્ચ, નોએડા 
2.  ICMR: નેશનલ ઇન્સ્ટિટ્યૂટ ફોર રિસર્ચ ઈન રિપ્રોડક્ટિવ હેલ્થ, મુંબઈ 
3.  ICMR: નેશનલ ઇન્સ્ટિટ્યૂટ ઓફ કોલેરા એન્ડ એન્ટરિક ડિઝીઝ, કોલકાતા 

નોંધનીય છે કે આ ફેસિલિટીમાં દિવસના 10,000થી વધારે સેમ્પલ ટેસ્ટ થઇ શકશે.

આ લેબમાં ટર્ન અરાઉન્ડ ટાઈમ અને લેબના કર્મચારીઓને સંક્રમણનો ખતરો ઘટશે. આ લેબમાં કોરોના મહામારી ખતમ થયા પછી પણ હિપેટાઇટિસ B અને C, HIV, TB, સાયટોમેગાલોવાયરસ, ક્લામીડિયા, નીઝેરીયા, ડેન્ગ્યુ જેવા રોગોનું મોટા પ્રમાણમાં ટેસ્ટિંગ થઇ શકશે.

આ લોન્ચિંગ વીડિયો કોન્ફરન્સ દ્વારા થશે જેમાં આરોગ્ય અને પરિવાર કલ્યાણ અને સાયન્સ અને ટેક્નોલોજી મંત્રાલયના મંત્રીઓ ઉપરાંત મહારાષ્ટ્ર, પશ્ચિમ બંગાળ અને UPના મુખ્યમંત્રીઓ હાજરી આપશે. 

આ સાથે ભારતમાં કોરોનાના કુલ 4,67,882 એક્ટિવ કેસ છે જયારે 8,85,577 લોકો સાજા થઇ ચુક્યા. છેલ્લા 24 કલાકમાં 705 લોકોના મોત થયા છે. એવામાં દેશમાં 63.92% લોકો કોરોનાથી સાજા થઇ ચુક્યા છે.