પ્રધાનમંત્રી નરેન્દ્ર મોદી આજથી બે દિવસની સાઉદી અરબની મુલાકાતે જઇ રહ્યાં છે. આ દરમિયાન પ્રધાનમંત્રી નરેન્દ્ર મોદી સાઉદી અરબના પબ્લિક ઇન્વેસ્ટમેન્ટ ફંડ તરફથી 29મીથી 31 ઓક્ટોબર વચ્ચે યોજાનારા ત્રણ દિવસીય કાર્યક્રમમાં ભાગ લેશે.
પીએમ મોદી બે દિવસની સાઉદી અરબની મુલાકાતે
સાઉદી અરબનો ત્રીજો FII ભારત માટે મહત્વપૂર્ણ
આ વ્હોટ ઇઝ નેકસ્ટ ફોર ગ્લોબલ બિઝનેસની થીમ પર આયોજિત
કાશ્મીરને વૈશ્વિક મુદ્દો બનાવવાના પાકિસ્તાનના પ્રયત્નો અને દેશમાં આર્થિક મંદીની આહટ વચ્ચે પીએમ મોદીની સાઉદી અરબની આ બીજી મુલાકાતને ઘણી મહત્વપૂર્ણ માનવામાં આવી રહી છે.
સાઉદી અરબના રિયાદ શહેરમાં યોજાઇ રહેલ ત્રીજા ફ્યૂચર ઇન્વેસ્ટમેન્ટ ઇનિશિએટિવ (FII) ભારત માટે ઘણો મહત્વપૂર્ણ છે. આ કાર્યક્રમમાં સાઉદીના નીતિ નિર્માતાઓ અને દુનિયાભરના વેપારી પ્રતિનિધિઓ આમનેસામને હોય છે.
વ્હોટ ઇઝ નેકસ્ટ ફોર ગ્લોબલ બિઝનેસ થીમ પર આયોજીત આ કાર્યક્રમમાં સાઉદ અરબ દુનિયામાં રોકાણ સહિત પોતાના દેશના વિકાસ માટે વિદેશી રોકાણની સંભાવનાઓ જોવે છે. મંદીના પગરવને ધ્યાનમાં લઇ ભારત માટે આ કાર્યક્રમ ઘણો મહત્વપૂર્ણ છે.
સાઉદી અરબની પોતાની બીજી મુલાકાત પર પીએમ મોદી ગ્લોબલ મીટમાં દેશમાં રોકાણ અને આર્થિક વિકાસને ગતિ આપવાની શક્યતાઓને શોધશે. આ સાથે કાશ્મીર મામલે મુસ્લિમ દેશમાં મહત્વપૂર્ણ એવા સાઉદીનું સમર્થન પ્રાપ્ત કરવાનો પ્રયત્ન કરશે.
PM Narendra Modi to embark on two-day visit to Saudi Arabia today