PM મોદી કેદારનાથમાં મનાવશે દિવાળી 2 412 કરોડની આપશે ગીફ્ટ

વડાપ્રધાન નરેન્દ્ર મોદી ૧ર નવેમ્બરે વારાણસીની મુલાકાતે જશે. મુલાકાત દરમિયાન વડાપ્રધાન કાશીની જનતાને ર૪૧ર.૯૩ કરોડ રૂપિયાની યોજનાઓની દિવાળી-ગીફટ આપશે. 

યોજનાઓમાં સ્થાનિક માર્ગોની પહોળાઇ વધારવી નવા માર્ગોનું બાંધકામ મલ્ટિ-મોડલ ટર્મિનલનું બાંધકામ સ્યુઅરેજ પમ્પિંગ-સ્ટેશનનું બાંધકામ પીવા લાયક પાણીની યોજનાઓ વગેરે મળીને ૧૭ યોજનાઓની ભેટ કાશીના રહેવાસીઓને આપશે.

વડાપ્રધાન ર ૩૦૧ કરોડ રૂપિયા કરતાં વધારે મૂલ્યની યોજનાઓના લોકાર્પણ અને ૧૧૧ કરોડ રૂપિયાની યોજનાઓના શિલાન્યાસ કરશે. જ્યાં 17 યોજનાઓ દિવાળી ગિફટ તરીકે કાશીવાસીઓને મળશે.

વડાપ્રધાન નરેન્દ્ર મોદી આ વખતે યાત્રાધામ કેદારનાથમાં દિવાળી મનાવશે. પીએમ મોદી દિવાળીના દિવસે કેદારનાથ પહોંચશે. તેમની આ યાત્રા માટે તૈયારીઓ પણ કરી લેવાઈ છે. 

કેદારનાથ ધામથી 400 મીટર ઉંચાઈ પર બનેલી ધ્યાન ગુફા શ્રદ્ધાળુઓ માટે આકર્ષણ બનશે. જે પીએમ મોદીની મુલાકાત દરમિયાન પ્રદર્શિત કરાશે. 

જિલ્લા અધિકારીએ કહ્યું કે આ ગુફાને પ્રાકૃતિક વાતાવરણમાં તૈયાર કરાઈ છે અને તેમાં ટેલીફોન પાણી વીજળી અને ટોયલેટ જેવી તમામ સુવિધાઓ છે.

આ ગુફા પીએમ મોદી માટે એટલા માટે ઘણી મહત્વની છે કે તેમણે પોતાની શરૂઆતના જીવનનો કેટલોક સમય ઉત્તરાખંડમાં હિમાલયમાં ધ્યાન કરવામાં વિતાવ્યો હતો. 

પીએમ મોદી કેદારનાથમાં પૂરી થઈ ચૂકેલી પરિયોજનાઓનું ઉદ્ઘાટન પણ કરી શકે છે. જોકે આ વખતે 18 નવેમ્બરે થનારી નગરનિગમોની ચૂંટણીને કારણે આચારસંહિતા લાગુ થાવને કારણે તેની શક્યતા ઓછી છે. 

તો આ યાત્રા દરમિયાન પીએમ મોદી સરહદ પર જવાનો સાથે પણ મુલાકાત કરશે. સરહદ પર સેના અને આટીબીપીના જવાનો સાથે ચા-નાસ્તો પણ કરશે.

1 ક્લિક પર જોડાવો VTV ના સોશિયલ એકાઉન્ટ્સ સાથે...