ભોપાલ / 'બમણા હાઈવે બનાવ્યાં, ડેટા ખપતમાં ભારતનો પહેલો નંબર', PMએ કર્યું ગ્લોબલ ઈન્વેસ્ટર્સ સમિટનું ઉદ્ઘાટન

• મધ્યપ્રદેશમાં ગ્લોબલ ઈન્વેસ્ટર્સ સમિટનું ઉદ્ઘાટન
• પીએમ મોદીએ રોકાણકારોને આપી રોકાણની માહિતી
• વિદેશીઓને ભારતમાં રોકાણનું આપ્યું આમંત્રણ 

પીએમ મોદીએ મધ્યપ્રદેશમાં વીડિયો કોન્ફરન્સિંગ દ્વારા ગ્લોબલ ઈન્વેસ્ટર્સ સમિટનું ઉદ્ઘાટન કર્યું હતું. આ પ્રસંગે પીએમ મોદીએ કહ્યું કે, વિકસિત ભારતના નિર્માણમાં મધ્ય પ્રદેશની ભૂમિકા ખૂબ મહત્વની છે. આસ્થા-આધ્યાત્મિકતાથી લઈને પર્યટન સુધી, કૃષિથી લઈને શિક્ષણ અને કૌશલ્ય વિકાસ સુધી, મધ્ય પ્રદેશ વિચિત્ર, આશ્ચર્યજનક અને સજાગ પણ છે. એક સ્થિર સરકાર, નિર્ણાયક સરકાર અને સારા ઇરાદાવાળી સરકાર 'વિકાસ'ને અભૂતપૂર્વ ગતિ આપે છે. તેઓ દેશ માટે દરેક મહત્વપૂર્ણ નિર્ણય લે છે. છેલ્લાં આઠ વર્ષમાં અમે સુધારાની ઝડપ અને વ્યાપમાં સતત વધારો કર્યો છે.

 નેશનલ હાઇવે નિર્માણની ગતિ બમણી કરી 

પીએમ મોદીએ વર્ચ્યુઅલ રીતે સંબોધન કરતા કહ્યું કે, છેલ્લા આઠ વર્ષમાં અમે નેશનલ હાઈવેના નિર્માણની ગતિને બમણી કરી દીધી છે. આ સમય દરમિયાન ભારતમાં કાર્યરત એરપોર્ટની સંખ્યા બમણી થઈ ગઈ છે. ભારતની બંદર સંચાલન ક્ષમતામાં અને બંદરોની કાયાપલટમાં અભૂતપૂર્વ સુધારો થયો છે.

ભારતના અમૃતકાળના સમયમાં ગ્લોબલ ઈન્વેસ્ટર્સ સમિટનું આયોજન 
પીએમ મોદીએ કહ્યું હતું કે, આ ગ્લોબલ ઈન્વેસ્ટર્સ સમિટ એવા સમયે યોજાઈ રહી છે, જ્યારે ભારતનો અમૃતકાળ શરૂ થયો છે. દેશ માટે દરેક મહત્વપૂર્ણ નિર્ણય એટલી જ ઝડપથી લેવામાં આવે છે. અમે નવા સુધારા કરીને રોકાણના માર્ગ પરથી અવરોધો દૂર કર્યા છે. ડઝનેક મજૂર કાયદાઓને ચાર સંહિતામાં સમાવિષ્ટ કરવામાં આવ્યા છે.

સ્માર્ટ ફોન ડેટા વપરાશમાં ભારત પહેલા નંબરે 
પીએમ  મોદીએ કહ્યું કે, ભારતનું આધુનિક ઇન્ફ્રાસ્ટ્રક્ચર રોકાણની તકોને જન્મ આપી રહ્યું છે. રાષ્ટ્રીય ધોરીમાર્ગોના નિર્માણની ગતિ બમણી થઈ ગઈ છે. અમે સ્માર્ટ ફોન ડેટા વપરાશમાં પહેલા નંબરે છીએ. ભારતના શ્રેષ્ઠ ડિજિટલ ઇન્ફ્રાસ્ટ્રક્ચર અંગે દરેકને વિશ્વાસ છે. ઓપ્ટિકલ ફાઇબર નેટવર્ક અને ૫ જી નેટવર્ક ઝડપથી વિસ્તરી રહ્યું છે. તમારે ભારતની હરિત ઊર્જાની આકાંક્ષાઓ સાથે જોડાવું જોઈએ, જે રૂ. 8 લાખ કરોડના રોકાણની સંભાવનાઓ લાવી રહ્યું છે. આરોગ્ય, કૃષિ, પોષણના દરેક ક્ષેત્રમાં નવી સંભાવનાઓ તમારી રાહ જોઈ રહી છે.