પાંચમો ઈન્ડિયા ઇન્ટરનેશનલ સાયન્સ ફેસ્ટિવલ (IISF) કોલકત્તામાં આજથી શરૂ થવા જઈ રહ્યો છે. આ વર્ષે ફેસ્ટિવલની થીમ છે રિસર્ચ, ઈનોવેશન એન્ડ સાયન્સ એમ્પાવરિંગ દ નેશનલ. ફેસ્ટિવલમાં દેશના અનેક ભાગમાંથી આવનારા અઢી હજાર વિદ્યાર્થીઓ સહિત લગભગ 12 હજાર લોકો ભાગ લેશે. આ સમયે અનેક પ્રકારના કાર્યક્રમોનું આયોજન કરવામાં આવશે. જેમાં સાયન્સ લિટરેચર ફેસ્ટિવલ, ઈન્ટરનેશનલ સાયન્સ ફિલ્મ ફેસ્ટિવલ, સ્ટાર્ટ અપ કોનક્લેવ અને સાયન્સ એક્સ્પો સામેલ છે.
મોટી સંખ્યામાં મહિલાઓ લેશે ભાગ
ફેસ્ટિવલમાં વિજ્ઞાનના વિકાસમાં મહિલાઓ, વૈજ્ઞાનિકોની મુખ્ય ભૂમિકાને ખાસ કરીને રેખાંકિત કરવામાં આવી છે. આ આયોજનમાં લગભગ 700 મહિલાઓના ભાગ લેવાની આશા રાખવામાં આવી રહી છે.