ચીનને પાઠ ભણાવવા માટે પ્રધાનમંત્રી મોદી અને અમેરિકાના રાષ્ટ્રપતિ ટ્ર્મ્પ મેગા પ્લાનની તૈયારી કરી રહ્યા છે. ત્યારે મંગળવારે પ્રધાનમંત્રી મોદી અને ટ્રમ્પે ટેલિફોનિક વાતચીત કરી હતી. આ દરમિયાન ટ્રમ્પે પ્રધાનમંત્રી મોદીને જી-7 સંમેલનમાં હાજરી આપવા માટે આમંત્રણ આપ્યું હતું. આ સાથે ટ્રમ્પે ભારતને જી-7માં સામેલ કરવાની ઇચ્છા પણ વ્યક્ત કરી હતી.
PM મોદી અને ડોનાલ્ડ ટ્રમ્પ વચ્ચે ટેલિફોનિક વાતચીત
G-7 સમિટ સહિત વિવિધ મુદ્દે થઈ વાત
ટ્રમ્પે ભારતને G-7 સમિટ માટે આમંત્રણ આપ્યું
પ્રધાનમંત્રી મોદીએ કહ્યું કે, કોરોના બાદના સમયમાં મજબૂત સંગઠનની જરૂર છે. પ્રધાનમંત્રીએ સંમેલનની સફળતા માટે અમેરિકા અને અન્ય દેશ સાથે મળીને કામ કરવું પ્રસન્નતાનો વિષય છે. આ સાથે જ અમેરિકામાં ચાલી રહેલા તોફાનો અંગે પણ ચિંતા વ્યક્ત કરી હતી અને સ્થિતિ ઝડપથી કાબૂમાં આવે તેની શુભકામના પાઠવી હતી.
ચીન સાથેના સીમા વિવાદ મુદ્દે પણ કરી વાતચીત
ભારત અને ચીન વચ્ચે ચાલી રહેલા સીમા વિવાદ મામલે પણ પીએમ મોદી અને ડોનાલ્ડ ટ્રમ્પ વચ્ચે ચર્ચા થઈ હતી. ડોનાલ્ડ ટ્રમ્પે તાજેતરમાં ભારત અને ચીન વચ્ચે મધ્યસ્થીની દરખાસ્ત કરવાની વાત કરી હતી. ટ્રમ્પની આ ઓફરને ભારત અને ચીન દ્વારા નકારી કાઢવામાં આવી હતી.
Had a warm and productive conversation with my friend President @realDonaldTrump. We discussed his plans for the US Presidency of G-7, the COVID-19 pandemic, and many other issues.
રાષ્ટ્રપતિ ટ્રમ્પે વાતચીત તેમના ભારત પ્રવાસની પળોને યાદ કરી હતી. ટ્રમ્પે ભારતમાં થયેલા શાનદાર સ્વાગતનો ઉલ્લેખ પણ કર્યો હતો. આ દરમિયાન વડા પ્રધાન મોદીએ કહ્યું કે આ મુલાકાત યાદગાર અને ઐતિહાસિક રહી છે. આ મુલાકાતે દ્વિપક્ષીય સંબંધોમાં પણ નવી ગતિ ઉમેરી હોવાની વાત પ્રધાનમંત્રી મોદીએ કરી હતી.
WHOમાં જરૂરી ફેરફાર મુદ્દે પણ થઇ વાતચીત
બંને નેતાઓએ WHO અને કોરોના વાયરસના સુધારા અંગે પણ વાતચીત કરી. આપને જણાવી દઇએ કે, તાજેતરમાં અમેરિકાએ વર્લ્ડ હેલ્થ ઓર્ગેનાઇઝેશનમાંથી પીછેહઠ કરવાની જાહેરાત કરી હતી. ડોનાલ્ડ ટ્રમ્પે જણાવ્યું હતું કે, WHO સંપૂર્ણપણે ચીનના નિયંત્રણમાં છે.