હેલ્લો! / PM મોદીએ નારણ કાકાને ફોન કરીને કહ્યું, કેમ છો કાકા? સામે જવાબ મળ્યો કોણ બોલો?

• PM મોદીએ કોરોનાના પગલે પૂર્વ ધારાસભ્યને કર્યો ફોન
• પીએમ મોદીએ નારણકાકાના પૂછ્યાં હાલચાલ
• ભાજપના આ પૂર્વ વરિષ્ઠ નેતાઓને પણ કર્યા ફોન

પીએમ મોદીએ આજે ઊંઝાના 83 વર્ષીય પૂર્વ ધારાસભ્ય નારણ પટેલને ફોન કર્યો હતો. ફોનમાં કાકાએ પૂછ્યું કોણ બોલો, ત્યાર સહજ રીતે પીએમ મોદીએ કહ્યું, લો આવું કરવાનું નારણ કાકા, મારું નામ છે નરેન્દ્ર મોદી..અને બંને ખૂલીને હસી પડે છે. પીએમ સાથેની વાતચીતમાં નારણ કાકાએ પીએમ મોદીના પગલાના વખાણ કર્યા અને કહ્યું આપણે બચી ગયા.. હું આવું પણ કાકીના રોટલા મળતા નથી ને. પીએમ મોદીએ કાકાને ઢીંચણની તકલીફને લઈને હાલચાલ પૂછ્યા હતા. બંનેએ એકમેકની તબિયત સાચવવા પણ કહ્યું અને ફોન મૂકી દીધો. 

આ વાતચીતની ઑડિયો ક્લિપ
 

અન્ય નેતાઓને પણ કર્યા ફોન

આ સાથે જ પીએમ મોદીએ અન્ય કેટલાક પૂર્વ ધારાસભ્યોને પણ ફોન કરીને ખબરઅંતર પૂછ્યા હતા. જેમાં ઉત્તરાખંડના બીજેપીના વરિષ્ઠ નેતા મોહનલાલ  બૌથિયાલ, યુપીના કુશીનગર (કુશીનગર) જિલ્લામાં રહેતા પૂર્વ ધારાસભ્ય શ્રી નારાયણ ઉર્ફે ભૂલાઈ ભાઈ, ગૃહ રાજ્ય ગુજરાતના પૂર્વ ધારાસભ્ય રત્નાભાઈ થુમ્મરને પણ ફોન કરીને કોરોના અંગે હાલચાલ પૂછ્યા હતા. પીએમ મોદીએ જ્યારે આ તમામ વ્યક્તિઓને ફોન કર્યા ત્યારે તેઓ ભાવુક થયા હતા.